Levhitika 6:21 - Xitsonga (Bibele)

²¹ Ma ta katingiwa exirhengeleni hi mafurha, u ta ma tisa ma katingiwile ma phemiwile, ri va risuna eka Yehovha.

BIBELE Mahungu Lamanene

²¹ Mapa lawa ma fanele ku pfuviwa ni mafurha, ma oxiwa ma endla xinkwa lexi nga ta phemeleriwa ku fana ni xa magandzelo ya swa le masin'wini, kutani xi hisiwa; ku nun'hwela ka xona ku ta tsakisa HOSI Xikwembu.

Levhitika 6:21 Referans Kwoze

Levhitika 2:5

Loko nhlengo wa wena wu ri wa leswi katingiwaka exirhengeleni; ma ta va mapa layo saseka lama pfuviweke hi mafurha, lama nga riki na comela.

Levhitika 7:9

Swilo hinkwaswo swa magandzelo leswi nga swekiwa exitikweni, hambi ku ri embiteni, hambi ku ri exirhengeleni, swi ta va swa muprista la tirhaka egandzelweni.

1 TIKRONIKA 9:31

Matitiya, wa Mulevhi, mativula ya Xalumi, wa Kora, a a vekiwile entirhweni wa swinkwanyana.

Levhitika 6:22

N'wana wa yena la nga ta vekiwa muprista ematshan'weni ya yena, u ta humesa nhlengo wolowo. I ku lerisa loku nga heriki ka Yehovha, nhlengo wolowo wu ta hisiwa hinkwawo.

Levhitika 7:12

Loko munhu a ri humesa ku kombisa ku khensa ka yena, u ta humesa swin'we ni gandzelo ra ku khensa, swinkwa leswi nga riki na comela, leswi pfuviweke hi mafurha, ni swimbhundzwana leswi nga riki na comela, leswi totiweke hi mafurha, ni swimbundzu swa mapa layo saseka lama katingiweke, lama nga pfuviwa hi mafurha.

1 TIKRONIKA 23:29

va hlayisa swinkwa leswi vekiwaka emahlweni ka Xikwembu, ni mapa layo saseka ya tinyiko, ni swimbhundzwana leswi nga riki na comela, ni leswi katingiweke ni leswi oxiweke; ni mimpimo hinkwayo ya leswi chuluriwaka, ni ya leswo leha;

Levhitika 11:33

Kutakuloko xin'wana xa swona xi wele embiteni ya vumba, hinkwaswo swa le mbiteni, swi ta yirisiwa, mi ta faya mbita,

Levhitika 15:12

Loko yi ri mbita ya vumba leyi khumbiweke hi la nga ni ndzundzwana, yi ta fayiwa, loko wu ri ndyelo yi ta hlantswiwa ematini.