Levhitika 6:16 - Xitsonga (Bibele)

¹⁶ Leswi nga ta sala, xi ta dyiwa hi Aroni ni vana va yena; va ta swi dya ni xinkwa lexo kala comela exivandleni lexo kwetsima, exivaveni xa tabernakela ya nhlengeletano.

BIBELE Mahungu Lamanene

¹⁶ Mapa lama salaka ma ta dyiwa hi Aroni ni vana va yena; ma fanele ku endla xinkwa lexo-ke-comela, lexi nga ta dyeriwa exivandleni lexi hlawulekeke, ku nga xivaveni xa Ntsonga lowo Hlawuleka.

Levhitika 6:16 Referans Kwoze

Ezekiele 44:29

Va ta dya timhamba, ni magandzelo ya swidyoho, ni ya milandzu; kutani swilo hinkwaswo leswi yirisiweke eIsraeleni swi ta va swa vona.

Levhitika 2:3

Leswi seleke swa nyiko, i swa Aroni ni vana va yena: i xilo lexi hlawuriweke ngopfu exikarhi ka timhamba leti hiseriwaka Yehovha.

Levhitika 6:26

Muprista la nga ta yi humesa, u ta yi dya; yi ta dyiwa exivandleni lexo kwetsima, exivaveni xa tabernakela ya nhlengeletano.

Eksoda 12:8

Hi vusiku byebyo va ta dya nyama ya xona yi oxiwile; va ta yi dya ni vuswa lebyo kala comela, ni matsavu lama bavaka.

1 Vakorinto 5:8

A hi endleni nkhuvo hakona, ku nga ri hi comela xa mona ni xo biha, kambe ku va hi xinkwa lexi nga riki na comela, lexo tenga ni xa ntiyiso.

Levhitika 5:13

Muprista u ta phahlela munhu loyi, mhamba ya nandzu lowu a wu kumeke emhakeni yin'wana ya leti, kutani u ta rivaleriwa. Mapa lama nga ta sala, ma ta va ya muprista, kukotisa leswi endliwaka egandzelweni ra nhlengo.’ ”

Tinhlayo 18:8

Yehovha a byela Aroni, a ku: “Vona, exikarhi ka swilo hinkwaswo leswi hlawuriweke swa vana va Israele, ndzi ku nyikile leswi va ndzi pambulelaka swona, ndzi ku nyika swona wena ni vana va wena, ku va ku averiwa ka wena hi ku lerisa loku nga heriki.

Levhitika 6:23

Mihlengo hinkwayo ya vaprista, yi ta hisiwa hinkwayo, yi nga tshuki yi dyiwa.”

2 TIKRONIKA 31:14

Kore, n'wana Imina, Mulevhi, mulanguteri wa nyangwa ya le vuxeni, a a ri muhlayisi wa tinyiko leti humeseriweke Xikwembu hi ku rhandza, ku avela mihlengo leyi humeseriweke Yehovha, ni swilo leswi hlawuriweke ngopfu.