Levhitika 6:13 - Xitsonga (Bibele)

¹³ Ndzilo wu ta pfurha hi masiku hinkwawo ealitarini, wu nga tshuki wu timeka.

BIBELE Mahungu Lamanene

¹³ Ndzilo wu fanele ku tshama wu ri karhi wu pfurha alitarini, wu nga tshuki wu timeka.

Levhitika 6:13 Referans Kwoze

Levhitika 6:9

“Lerisa Aroni ni vana va yena, u ku eka vona: ‘Hi wona nawu wa holokosta: Holokosta yi ta va exitikweni xa alitari vusiku hinkwabyo, byi ko byi xa, ndzilo wu ri karhi wu pfurha.

Levhitika 6:12

Ndzilo wu ta pfurha ealitarini, wu nga timeki. Hi masiku hinkwawo nimixo, muprista u ta hlanganyeta tihunyi, a lunghisa gandzelo ehenhla ka tona, a hisa mafurha ya mihlengo ya ku khensa.

Levhitika 6:14

“ ‘Hi wona nawu wa nhlengo: Vana va Aroni va ta wu tisa emahlweni ka Yehovha, emahlweni ka alitari.

Ezekiele 40:46

Makamara lawa langutaka tlhelo ra n'walungu, i ya vaprista lava tirhelaka swa alitari: i vana va Sadoki, va nga vona exikarhi ka vana va Levhi, lava tshinelelaka Yehovha ku n'wi tirhela.”

Eksoda 29:1

“Kutakuloko u va hlawula leswaku va endla vuprista emahlweni ka mina, u ta endla hi mukhuva lowo:

Eksoda 29:2

“U ta teka xinkuzana, ni makhuna mambirhi lama nga riki na xivati, ni xinkwa lexi nga riki na comela; ni swinkwanyana leswi kalaka comela leswi pfuviweke hi mafurha; ni swimbundzunyana leswi kalaka comela leswi totiweke hi mafurha; u swi endla hi mapa lama hleriweke ya koro;

Eksoda 29:40

u ta swi humesa ni mpin'wanyana wa mapa lama hleriweke, lama pfuviweke hi hafunyana ya hini ya mafurha yo tenga, ni hafunyana ya hini ya vhinyo: i swa xinyimpfana xo rhanga.

Levhitika 9:24

Ndzilo wu huma emahlweni ka Yehovha, wu hisa holokosta, ni mafurha ealitarini; tiko hinkwaro ri wu vona, kutani va huwelela hi ku tsaka, va tiwisa ehansi hi mimombo ya vona.

Esaya 31:9

U ta sukela khokholo ra yena, kutani tihosana ti ta rhurhumela emahlweni ka mujeko hi ku tshuka,” ku vula Yehovha loyi ndzilo wa yena wu nga le Siyoni, ni hondo ya yena yi nga eYerusalema.