Levhitika 5:7 - Xitsonga (Bibele)

⁷ “ ‘Kungakuloko a pfumala nyimpfu, kumbe mbuti, u ta humesela Yehovha hikwalaho ka nandzu wa yena, matuva mambirhi, kumbe mavondlo mambirhi ya magugurhwana, rin'wana ra mhamba yo susa nandzu, rin'wana ra gandzelo leri hisiwaka.

BIBELE Mahungu Lamanene

⁷ “Munhu wa kona a nga tshuka a pfumala xifuwo lexitsongo xo susa ha xona xidyoho lexi a xi endleke. Loko swi ri tano, ú ta humesela HOSI Xikwembu matuva mambirhi kumbe mavondlo mambirhi ya matuva, rin'we ri va ra mhamba yo susa swidyoho, lerin'wana ri va ra magandzelo lama hisiwaka.

Levhitika 5:7 Referans Kwoze

Levhitika 12:8

Kambe kutakuloko a nga swi koti ku humesa xinyimpfana, u ta teka matuva mambirhi, kumbe mavondlo mambirhi ya swigugurwana, yin'wana ya gandzelo leri hisiwaka, yin'wana ya gandzelo ra nandzu. Muprista u ta n'wi phahlela mhamba, kutani u ta va a basile.’ ”

Matewu 10:16

“Vonani, ndza mi rhuma mi fana ni tinyimpfu exikarhi ka mahlolwa, hikwalaho-ke tlharihani kukota tinyoka, mi va lavo kala mano kukota magugurhwana.

2 Vakorinto 8:12

Hikuva ku rhandza ka mbilu loko ku ri kona, munhu u ta tsakisa Xikwembu hi leswi a nga na swona, ku nga ri hi leswi a swi pfumalaka.

Matewu 3:16

Kuteloko Yesu u khuvuriwile, a hatlisa a huma ematini; kutani hi nomu lowu, matilo ma pfuleka, a vona Moya wa Xikwembu wu xika, wo ngi i tuva, wu ta ehenhla ka yena.

Levhitika 14:31

Loko ti ri tinyanyana leti a ti kumeke, u ta humesa yin'wana ya gandzelo ra xidyoho, yin'wana ya holokosta swin'we ni nyiko; hi mukhuva wulowo, muprista u ta phahlela la tibasisaka mhamba emahlweni ya Yehovha.

Luka 2:24

va ya humesa mhamba leyi lerisiweke hi nawu wa Hosi: “ma nga matuva mambirhi, kumbe mavondlo mambirhi ya matuva.”

Levhitika 16:5

U ta nyikiwa hi nhlengeletano ya vana va Israele swiphongo swimbirhi swa gandzelo ra xidyoho, ni khuna ra holokosta.

Levhitika 15:30

Muprista u ta humesa rin'wana ri va gandzelo ra xidyoho, rin'wana ri va holokosta: kutani muprista u ta phahla mhamba emahlweni ka Yehovha hikwalaho ka xitlhandla lexi n'wi yiriseke.

Levhitika 9:3

Kutani u byela vana va Israele, u ku: ‘Tekani xiphongo xa gandzelo ra nandzu, ni rhole, ni xinyimpfana swa lembe rin'we, swi nga ri na xivati, swi va swa holokosta;

Levhitika 5:11

“ ‘Loko a pfumala matuva mambirhi hambi mavondlo mambirhi ya magugurhwana, u ta humesela nandzu wa yena ku avanyisa ka vukhume ka efa ya mapa layo basa, yi ta va mhamba ya nandzu. A nga tshuki a chela mafurha ehenhla ka wona, hambi yi ri mirhi ya risuna, hikuva i mhamba ya nandzu.

Matewu 21:12

Kutani Yesu a nghena etempeleni ya Xikwembu, a hlongolela ehandle hinkwavo lava xavisaka, ni lava xavaka etempeleni, a susumeta matafula ya lava bindzulaka hi mali, ni switshamo swa lava xavisaka matuva,

Levhitika 7:1

“ ‘Nawu wa gandzelo ra ku riha hi wolowo: i xilo lexi kwetsimaka ngopfu.

Levhitika 12:6

“ ‘Kutakuloko masiku ya ku hlamba ka yena ma herile, hambi ma ri ya n'wana wa wanuna, kumbe ya wanhwanyana, u ta tisa eka muprista, enyangweni ya tabernakela ya nhlengeletano, xinyimpfana xa lembe rin'we, xi ri xa gandzelo leri hisiwaka, ni vondlo, kumbe tuva, ku endla gandzelo ra nandzu ha swona.

Levhitika 14:30

Kutani u ta humesa tuva rin'wana, hambi vondlo hilaha a swi kumeke hakona.

Tinhlayo 5:6

“Byela vana va Israele, u ku: ‘Loko munhu a dyohele warikwavo, hambi a ri wanuna, hambi a ri wansati, u dyohele na yena Yehovha; ni loko munhu loyi a ri ni nandzu wa xilo xihi ni xihi,

Tinhlayo 6:10

Hi siku ra 8, u ta tisa eka muprista matuva mambirhi, hambi ma ri mavondlo mambirhi ya magugurhwana, enyangweni ya tabernakela ya nhlengeletano.

Tinhlayo 6:11

Muprista u ta humesa yin'wana yi va mhamba ya nandzu, yin'wana yi va holokosta; u ta tiendlela sweswo mhamba hikuva u tinyamisile hi mufi; hi siku rolero u ta kwetsimisa nhloko ya yena.

Levhitika 27:8

Kungakuloko munhu a tsandzeka ku humesa mali hi mpimo wa kona, u ta yisiwa eka muprista, kutani muprista la nga vula mpimo wa yena, u ta ringanisa loyi a tiboheke hi ku hlambanya hi ku xaxameta leswi a swi fuweke.