Levhitika 5:6 - Xitsonga (Bibele)

⁶ u ta humesela Yehovha hikwalaho ka nandzu wa yena, ntswele ya xifuwo lexitsongo, hambi yi ri nyimpfu, hambi mbuti leswaku yi va mhamba yo susa nandzu, kutani muprista u ta n'wi phahlela mhamba hikwalaho ka nandzu wa yena.

BIBELE Mahungu Lamanene

⁶ kutani a humesela HOSI Xikwembu mhamba leyi nga ta susa xidyoho lexi; a nga humesa xifuwo lexitsongo xa xisati, xo fana ni nyimpfu kumbe mbuti. Kutani muprista ú ta n'wi basisa exidyohweni lexi a xi endleke.

Levhitika 5:6 Referans Kwoze

Levhitika 4:28

kutakuloko a tivisiwile nandzu lowo, u ta humesa mbuti ya ntswele leyi nga riki na xivati, hikwalaho ka nandzu wa yena.

Levhitika 4:32

“ ‘Loko a humese xinyimpfana yi va mhamba ya nandzu wa yena, u ta humesa xa ntswele lexi nga riki na xivati.

Ezekiele 42:13

Kutani a ku eka mina “Makamara ya tlhelo ra n'walungu ni makamara ya le dzongeni, lama xaxameleke ni xivandla xo pfariwa, i makamara ya vukwetsimelo, laha vaprista lava tshinelelaka Yehovha va nga ta dyela swilo swo kwetsimisisa ngopfu kona; hilaha va nga ta veka kona swilo swo kwetsimisisa, tinyiko ni magandzelo ya swidyoho, ni ya milandzu. Xivandla xi kwetsimile.

Ezekiele 40:39

Erikupakupeni ra nyangwa a ku ri ni matafula mambirhi haleno, ni matafula mambirhi hala; a va tlhavela eka wona timhamba ta tiholokosta ni ta magandzelo ya swidyoho ni ya milandzu.

Levhitika 6:6

U ta yisa eka muprista mhamba ya yena ya ku rihela Yehovha, ri nga khuna leri nga riki na xivati, leri hlawuriweke entlhambini, leri u ri ringaniseke.

Levhitika 4:20

Va ta endla hi nkunzi leyi, kukotisa leswi va swi endleke hi nkunzi ya nandzu; ku ta endlisiwa sweswo ha yona. Muprista u ta va phahlela mhamba, kutani va ta rivaleriwa.

Tinhlayo 6:12

U ta hlawulela Yehovha masiku ya Vunaziri bya yena, kutani u ta humesa xinyimpfana xa lembe rin'we yi va mhamba ya ku riha; masiku lama hundzeke ma nga ka ma nga hlayiwi, hikuva Vunaziri bya yena byi nyamisiwile.

Ezekiele 44:27

Hi siku rero a nga ta nghena evukwetsimelweni, erivaleni ra le xikarhi, ku tirha evukwetsin'weni, u ta tlhava magandzelo ya yena ya swidyoho, ku vula Hosi Yehovha.

Levhitika 4:31

Muprista u ta susa mafurha hinkwawo hi mukhuva lowu va susaka mafurha ya magandzelo ya ku khensa kutani a ma hisa ealitarini, ri va risuna eka Yehovha. Muprista u ta phahlela munhu loyi mhamba, kutani u ta rivaleriwa.

Levhitika 4:35

U ta susa mafurha hinkwawo hi mukhuva lowu va susaka ha wona mafurha ya xinyimpfana xa gandzelo ra ku khensa, kutani muprista u ta ma hisa ealitarini, ehenhla ka magandzelo lama hiseriwaka Yehovha. Muprista u ta endlela munhu loyi, mhamba, hikwalaho ka nandzu wa yena, kutani u ta rivaleriwa.