Levhitika 5:12 - Xitsonga (Bibele)

¹² U ta ma tisa eka muprista, yena muprista u ta nusa eka wona, xandla xin'we, ku endla xitsundzuxo, a xi hisa ealitarini kukota magandzelo lama hiseriwaka Yehovha; i gandzelo ra nandzu.

BIBELE Mahungu Lamanene

¹² Munhu wa kona ú fanele ku yisa mapa lawa eka muprista, kutani muprista ú ta nusa yo tata xandla, ma va yo suma ha wona, a ma hisa alitarini, swin'we ni magandzelo lama hiseriwaka HOSI Xikwembu; leyi i mhamba yo susa swidyoho.

Levhitika 5:12 Referans Kwoze

Levhitika 4:35

U ta susa mafurha hinkwawo hi mukhuva lowu va susaka ha wona mafurha ya xinyimpfana xa gandzelo ra ku khensa, kutani muprista u ta ma hisa ealitarini, ehenhla ka magandzelo lama hiseriwaka Yehovha. Muprista u ta endlela munhu loyi, mhamba, hikwalaho ka nandzu wa yena, kutani u ta rivaleriwa.

Levhitika 2:9

Muprista u ta pambula eka nyiko xitsundzuxo xa yona, u ta xi hisa ealitarini, yi va mhamba leyi hisiwaka leyi nga ni risuna eka Yehovha.

Levhitika 2:2

U ta swi yisa eka vaprista, vana va Aroni; kutani va ta teka xandla xa mapa layo saseka, lama cheriweke mafurha, ni mirhi ya risuna hinkwayo; kutani muprista u ta swi hisa ealitarini kukotisa xitsundzuxo, yi va mhamba leyi hisiwaka leyi nga ni risuna eka Yehovha.

Vaefesa 5:2

mi famba erirhandzwini kukotisa loko Kriste, na yena, a mi rhandzile, kutani u tinyiketele hina, a va mhamba ni gandzelo ra ku nun'hwela eka Xikwembu.

Timhaka 10:4

Yena loko a yi langutile, a tshuka hi ku chava, a ku: “Ku ni yini, Hosi?” Yi ku eka yena: “Mikhongelo ni ku hanana ka wena swi tlhandlukele emahlweni ka Xikwembu swi va switsundzuko eka xona.

Tinhlayo 5:26

muprista u ta nusa xandla xa nyiko leyi ya xitsundzuxo a swi hisa ealitarini, a ta nwisa wansati mati.

Levhitika 6:15

Kutani va ta hunguta xandla xa mapa layo saseka ya nyiko, ni mafurha ya yona, ni mirhi ya risuna hinkwayo leyi engetelaka gandzelo kutani va ta swi hisa ealitarini swi va xitsundzuxo xa risuna lero nun'hwela eka Yehovha.

Levhitika 3:11

Muprista u ta swi hisa ealitarini, swi ri swakudya swa mhamba leyi hiseriwaka Yehovha.

Levhitika 3:4

ni tinswo timbirhi, ni mafurha lama nga ehenhla ka tona, lama nga ematsheveni, ni mpambana wa xivindzi va wu tsema ehenhla ka tinswo.

Levhitika 2:16

Muprista u ta pambula tindzhoho leti khumuriweke, ni mafurha, ni mirhi hinkwayo ya risuna, a swi hisa xi va xitsundzuxo; i mhamba leyi hiseriwaka Yehovha.

Levhitika 1:17

U ta handzula nyanyana exikarhi ka timpapa, a nga yi avanyisi, kutani muprista u ta yi hisa ealitarini, ehenhla ka tihunyi leti va tshiveleke ndzilo ha tona; i holokosta, i mhamba leyi hisiwaka leyi nga ni risuna eka Yehovha.

Levhitika 1:13

Va ta hlantswa marhumbu ni swirho ematini, kutani muprista u ta hisa hinkwaswo ealitarini, yi va holokosta; i mhamba leyi hisiwaka, leyi nga ni risuna eka Yehovha.

Levhitika 1:9

Va ta hlantswa marhumbu ni swirho ematini, kutani muprista u ta hisa hinkwaswo ealitarini, yi va holokosta; i mhamba leyi hisiwaka, leyi nga ni risuna eka Yehovha.

Levhitika 5:11

“ ‘Loko a pfumala matuva mambirhi hambi mavondlo mambirhi ya magugurhwana, u ta humesela nandzu wa yena ku avanyisa ka vukhume ka efa ya mapa layo basa, yi ta va mhamba ya nandzu. A nga tshuki a chela mafurha ehenhla ka wona, hambi yi ri mirhi ya risuna, hikuva i mhamba ya nandzu.

Levhitika 5:13

Muprista u ta phahlela munhu loyi, mhamba ya nandzu lowu a wu kumeke emhakeni yin'wana ya leti, kutani u ta rivaleriwa. Mapa lama nga ta sala, ma ta va ya muprista, kukotisa leswi endliwaka egandzelweni ra nhlengo.’ ”