Levhitika 4:35 - Xitsonga (Bibele)

³⁵ U ta susa mafurha hinkwawo hi mukhuva lowu va susaka ha wona mafurha ya xinyimpfana xa gandzelo ra ku khensa, kutani muprista u ta ma hisa ealitarini, ehenhla ka magandzelo lama hiseriwaka Yehovha. Muprista u ta endlela munhu loyi, mhamba, hikwalaho ka nandzu wa yena, kutani u ta rivaleriwa.

BIBELE Mahungu Lamanene

³⁵ Munhu wa kona ú fanele ku tsema mafurha hinkwawo ya nyimpfu leyi, ku fana ni leswi va tsemisaka swona mafurha ya nyimpfu ya magandzelo ya xinakulobye. Kutani muprista ú ta teka mafurha lawa, a ma hisa ehenhla ka alitari, laha magandzelo lama humeseriwaka HOSI Xikwembu ma hiseriwaka kona. Hi ndlela leyi, muprista ú ta va a basisile munhu wa kona, kutani ú ta rivaleriwa swidyoho leswi a swi endleke.

Levhitika 4:35 Referans Kwoze

Levhitika 4:26

U ta hisa ealitarini mafurha hinkwawo, kukotisa mafurha ya gandzelo ra ku khensa. Muprista u ta phahlela hosana leyo mhamba hikokwalaho ka nandzu wa yona, kwalaho yi ta rivaleriwa.

Levhitika 4:20

Va ta endla hi nkunzi leyi, kukotisa leswi va swi endleke hi nkunzi ya nandzu; ku ta endlisiwa sweswo ha yona. Muprista u ta va phahlela mhamba, kutani va ta rivaleriwa.

Levhitika 14:18

Mafurha lama nga ta sala exandleni xa yena u ta ma tota enhlokweni ya la tibasisaka kutani muprista u ta n'wi phahlela mhamba emahlweni ka Yehovha.

Levhitika 6:7

Muprista u ta n'wi phahlela mhamba emahlweni ka Yehovha, kutani u ta rivaleriwa, hambi nandzu wa yena wu nga va wihi ni wihi.”

1 Yohane 2:2

Kutani hi yena, hi xiviri xa yena, a nga mhamba ya swidyoho swa hina; swi nga ri swa hina ntsena, kambe ni swa vanhu hinkwavo.

1 Yohane 1:7

Kambe kungakuloko hi famba eku vonakaleni, kukota xona xi nga eku ku vonakaleni, hi ni ku hlangana swin'we, kutani ngati ya Yesu Kriste, N'wana wa xona, ya hi hlantswa, yi susa swidyoho hinkwaswo swa hina.

1 Petro 3:18

Hikuva na yena Kriste, u twisiwile ku vava kan'we hikwalaho ka swidyoho, yena la lulameke ematshan'weni ya lavo homboloka, leswaku a tiva ku hi tisa eka Xikwembu; a nga yena la dlayiweke hitlhelo ra nyama, kambe u hanyisiwile hi Moya;

1 Petro 2:24

hi yena la rhwaleke swidyoho swa hina emirini wa yena exihambanweni, leswaku hi fa hitlhelo ra swidyoho kambe hi hanyela ku lulama; loyi kambe mi horisiweke hi matshimbi ya yena.

1 Petro 2:22

yena la nga dyohangiki, loyi kambe mavunwa ma nga kumiwangiki enon'wini wa yena;

Vaheveru 9:14

ngopfungopfu ngati ya Kriste la tihumeseke eka Xikwembu hi Moya lowu nga heriki, a ri mhamba leyi nga riki na xivati, yi ta hlantswa mapfalo ya n'wina emitirhweni leyi feke, leswaku mi tirhela Xikwembu lexi hanyaka!

Vaheveru 7:26

Hikuva a hi faneriwa hi muprista lonkulu lowo tano, la hlawuriweke, la nga riki na leswo biha, ni loko xi ri xivati, la tihlawuleke eka vadyohi, a nga ehenhla ka matilo,

Vaheveru 4:14

Hikwalaho, leswi hi nga ni muprista lonkulu ngopfu, la tsemakanyeke matilo, a nga Yesu, N'wana wa Xikwembu, a hi tiyiseleni eka lexi hi tivuleke xona.

Vaheveru 1:3

yena yeloyi a nga ku vonakala ka ku kwetsima ka xona, ni xivumbeko xa xiviri xa xona, la tamelaka swilo hinkwaswo hi rito ra yena ra matimba kuteloko a hlantswile swidyoho swa hina hi xiviri xa yena, u tshamile evokweni ra xinene ra vukulukumba bya le henhla,

Vakolosa 1:14

yeloyi hi nga ni ku kutsuriwa ha yena, ku nga ku rivaleriwa ka swidyoho.

Vaefesa 5:2

mi famba erirhandzwini kukotisa loko Kriste, na yena, a mi rhandzile, kutani u tinyiketele hina, a va mhamba ni gandzelo ra ku nun'hwela eka Xikwembu.

2 Vakorinto 5:21

Hlanganani na Xikwembu! Hikuva la nga tivangiki xidyoho, Xikwembu xi n'wi endle xidyoho hikwalaho ka hina, hi ta hlayiwa ha yena lava lulameke emahlweni ka Xikwembu.

Varhoma 10:4

Hikuva ku hela ka nawu i Kriste la nyikaka ku lulama eka mani na mani la pfumelaka eka yena.

Varhoma 8:1

Kutani sweswi, a ka ha ri na ku avanyisiwa eka lava nga ka Yesu Kriste.

Varhoma 4:25

a nga yena la nyiketiweke hikwalaho ka ku dyoha ka hina, kutani u pfuxiwile hikwalaho ka ku khanisiwa ka hina.

Tinhlayo 15:25

Muprista u ta phahlela nhlengeletano hinkwayo ya vana va Israele mhamba kutani va ta khomeriwa, hikuva i ku dyoha loku endliweke ku nga ri ha vomu; naswona va tisile nhlengo wa vona, ri ri gandzelo leri hiseriwaka Yehovha, ni gandzelo ra vona ra nandzu emahlweni ka Yehovha, hikwalaho ka xidyoho xa vona lexi endliweke ku nga ri ha vomu.

Levhitika 14:53

Kutani u ta tshika nyanyana leyi hanyaka, yi hahela ehandle ka muti, emananga, u ta phahlela yindlu mhamba, kutani yi ta va leyi tengeke.”

Levhitika 12:8

Kambe kutakuloko a nga swi koti ku humesa xinyimpfana, u ta teka matuva mambirhi, kumbe mavondlo mambirhi ya swigugurwana, yin'wana ya gandzelo leri hisiwaka, yin'wana ya gandzelo ra nandzu. Muprista u ta n'wi phahlela mhamba, kutani u ta va a basile.’ ”

Levhitika 9:7

Muxe a ku eka Aroni: “Tshinela ekusuhi ni alitari, u humesa gandzelo ra nandzu, ni holokosta, u tiphahlela mhamba ya wena ni ya tiko; u ta humesa ni nhlengo wa tiko, u va phahlela mhamba hilaha Yehovha a leriseke hakona.”

Levhitika 5:13

Muprista u ta phahlela munhu loyi, mhamba ya nandzu lowu a wu kumeke emhakeni yin'wana ya leti, kutani u ta rivaleriwa. Mapa lama nga ta sala, ma ta va ya muprista, kukotisa leswi endliwaka egandzelweni ra nhlengo.’ ”

Levhitika 5:10

Hi nyanyana leya vumbirhi, u ta endla gandzelo leri hisiwaka hi nawu wa kona. Hi mukhuva wolowo, muprista u ta phahlela munhu loyi, mhamba, hikwalaho ka nandzu wa yena, kutani u ta rivaleriwa.

Levhitika 5:6

u ta humesela Yehovha hikwalaho ka nandzu wa yena, ntswele ya xifuwo lexitsongo, hambi yi ri nyimpfu, hambi mbuti leswaku yi va mhamba yo susa nandzu, kutani muprista u ta n'wi phahlela mhamba hikwalaho ka nandzu wa yena.

Tinhlayo 15:28

Muprista u ta phahlela munhu la dyoheke hi ku hoxa mhamba emahlweni ka Yehovha; kutakuloko mhamba yi phahleriwe yena, u ta khomeriwa.

Levhitika 15:15

Muprista u ta ma humesa, rin'wana ri va gandzelo ra xidyoho, rin'wana yi va holokosta; kutani muprista u ta n'wi phahlela mhamba emahlweni ka Yehovha hikwalaho ka ndzundzwana wa yena.

Levhitika 19:22

“ ‘Muprista u ta n'wi phahlela mhamba emahlweni ka Yehovha hi khuna ra gandzelo ra nandzu, hikwalaho ka xivi lexi a xi endleke, kutani u ta rivaleriwa xivi lexi a xi endleke.