Levhitika 4:32 - Xitsonga (Bibele)

³² “ ‘Loko a humese xinyimpfana yi va mhamba ya nandzu wa yena, u ta humesa xa ntswele lexi nga riki na xivati.

BIBELE Mahungu Lamanene

³² “Loko a ta ni nyimpfu ku ta humesa ha yona mhamba yo susa swidyoho, nyimpfu ya kona yi fanele ku va leyi nga solekiki ya xisati.

Levhitika 4:32 Referans Kwoze

Levhitika 4:28

kutakuloko a tivisiwile nandzu lowo, u ta humesa mbuti ya ntswele leyi nga riki na xivati, hikwalaho ka nandzu wa yena.

1 Petro 3:18

Hikuva na yena Kriste, u twisiwile ku vava kan'we hikwalaho ka swidyoho, yena la lulameke ematshan'weni ya lavo homboloka, leswaku a tiva ku hi tisa eka Xikwembu; a nga yena la dlayiweke hitlhelo ra nyama, kambe u hanyisiwile hi Moya;

1 Petro 2:22

yena la nga dyohangiki, loyi kambe mavunwa ma nga kumiwangiki enon'wini wa yena;

Nhlavutelo 5:6

Kutani ndzi vona exikarhi ka xiluvelo ni swivumbiwa leswi hanyaka leswa mune, ni le xikarhi ka vakulukumba, xinyimpfana lexi ngi xi ri kona, lexi ngi xi tlhaviwile, xi ri ni timhondzo ta ntlhanu na timbirhi, ni mahlo ya ntlhanu na mambirhi, leyi nga mimoya ya ntlhanu na mimbirhi va Xikwembu, leyi rhumiweke hinkwako la emisaveni.

1 Petro 2:24

hi yena la rhwaleke swidyoho swa hina emirini wa yena exihambanweni, leswaku hi fa hitlhelo ra swidyoho kambe hi hanyela ku lulama; loyi kambe mi horisiweke hi matshimbi ya yena.

Vaheveru 9:14

ngopfungopfu ngati ya Kriste la tihumeseke eka Xikwembu hi Moya lowu nga heriki, a ri mhamba leyi nga riki na xivati, yi ta hlantswa mapfalo ya n'wina emitirhweni leyi feke, leswaku mi tirhela Xikwembu lexi hanyaka!

Vaheveru 7:26

Hikuva a hi faneriwa hi muprista lonkulu lowo tano, la hlawuriweke, la nga riki na leswo biha, ni loko xi ri xivati, la tihlawuleke eka vadyohi, a nga ehenhla ka matilo,

Vaefesa 5:27

a ta tiyimisela yona emahlweni ka yena, yi ri Kereke leyo kwetsima, leyi nga riki na xivati ni mikonya, ni loko xi ri xanchumu lexi fanaka na swona; kambe yi ri leyi nga riki na xisandzu.

Yohane 1:36

Kakuloko a vona Yesu a hundza, a ku: “Vonani Xinyimpfana xa Xikwembu.”

Yohane 1:29

Siku leri tlhandlamaka, Yohane loko a vona Yesu a ta eka yena, a ku: “Vonani Xinyimpfana xa Xikwembu, lexi susaka xidyoho xa misava.

Luka 1:35

“Moya lowo Kwetsima wu ta xikela eka wena, ni matimba ya La nge henhlahenhla ma ta ku funengeta; hikwalaho, n'wana lowo kwetsima la nga ta velekiwa hi wena, u ta vuriwa N'wana wa Xikwembu.

Esaya 53:7

Va n'wi xanisa, va n'wi tsongahata, a nga pfuli nomu. Kukota xinyimpfana lexi yisiwaka eku tlhaviweni, ni nyimpfu leyi miyelaka emahlweni ka lava yi tsemelaka voya a nga pfulanga nomu.

Levhitika 5:6

u ta humesela Yehovha hikwalaho ka nandzu wa yena, ntswele ya xifuwo lexitsongo, hambi yi ri nyimpfu, hambi mbuti leswaku yi va mhamba yo susa nandzu, kutani muprista u ta n'wi phahlela mhamba hikwalaho ka nandzu wa yena.

Eksoda 12:5

Xi va xinyimpfana lexi nga riki na vulema, xa khuna, xa lembe rin'we; mi ta xi hlawula exikarhi ka tinyimpfu ni timbuti.

Eksoda 12:3

Byelani nhlengeletano hinkwayo ya Israele, mi ku: Hi siku ra vukhume ra n'hweti leyi, un'wana ni un'wana u ta tihlawulela xinyimpfana kumbe ximbutana swi ya hi tindlu; yindlu yin'wana ni yin'wana yi ta va ni xinyimpfana kumbe ximbutana.

Levhitika 1:3

“ ‘Loko nhlengo wa yena yi ri holokosta ya xifuwo lexikulu, u ta humesa nkunzi leyi nga riki na xivati; u ta yi humesa enyangweni ya tabernakela ya nhlengeletano, yi ta amukeriwa emahlweni ka Yehovha.