Levhitika 4:26 - Xitsonga (Bibele)

²⁶ U ta hisa ealitarini mafurha hinkwawo, kukotisa mafurha ya gandzelo ra ku khensa. Muprista u ta phahlela hosana leyo mhamba hikokwalaho ka nandzu wa yona, kwalaho yi ta rivaleriwa.

BIBELE Mahungu Lamanene

²⁶ Loko ma ri mafurha ya xiphongho, muprista ú ta ma hisa hinkwawo ehenhla ka alitari, ku fana ni mafurha ya xifuwo xa magandzelo ya xinakulobye. Hi ndlela leyi, muprista ú ta basisa swidyoho swa murhangeri loyi, kutani ú ta rivaleriwa swona.

Levhitika 4:26 Referans Kwoze

Levhitika 4:20

Va ta endla hi nkunzi leyi, kukotisa leswi va swi endleke hi nkunzi ya nandzu; ku ta endlisiwa sweswo ha yona. Muprista u ta va phahlela mhamba, kutani va ta rivaleriwa.

Tinhlayo 15:28

Muprista u ta phahlela munhu la dyoheke hi ku hoxa mhamba emahlweni ka Yehovha; kutakuloko mhamba yi phahleriwe yena, u ta khomeriwa.

Levhitika 5:10

Hi nyanyana leya vumbirhi, u ta endla gandzelo leri hisiwaka hi nawu wa kona. Hi mukhuva wolowo, muprista u ta phahlela munhu loyi, mhamba, hikwalaho ka nandzu wa yena, kutani u ta rivaleriwa.

Levhitika 4:35

U ta susa mafurha hinkwawo hi mukhuva lowu va susaka ha wona mafurha ya xinyimpfana xa gandzelo ra ku khensa, kutani muprista u ta ma hisa ealitarini, ehenhla ka magandzelo lama hiseriwaka Yehovha. Muprista u ta endlela munhu loyi, mhamba, hikwalaho ka nandzu wa yena, kutani u ta rivaleriwa.

Levhitika 4:31

Muprista u ta susa mafurha hinkwawo hi mukhuva lowu va susaka mafurha ya magandzelo ya ku khensa kutani a ma hisa ealitarini, ri va risuna eka Yehovha. Muprista u ta phahlela munhu loyi mhamba, kutani u ta rivaleriwa.

Levhitika 3:5

Vana va Aroni va ta swi hisa ealitarini, ehenhla ka holokosta leyi vekiweke tihunyini leti va tshiveleke ndzilo ha tona, yi ta va mhamba leyi hisiwaka leyi nga ni risuna eka Yehovha.

Levhitika 6:7

Muprista u ta n'wi phahlela mhamba emahlweni ka Yehovha, kutani u ta rivaleriwa, hambi nandzu wa yena wu nga va wihi ni wihi.”

Levhitika 5:18

U ta tisela muprista ku riha nandzu wa yena, khuna leri nga riki na xivati, leri hlawuriweke entlhambini wa yena, leri u ri ringaniseke; muprista u ta n'wi phahlela mhamba hikwalaho ka nandzu lowu a nga wu kuma a nga swi tivi, kutani u ta rivaleriwa.

Levhitika 5:16

U ta humesa mali ya lexi a xi tekeke xi ri xa vukwetsimelo; kambe a engetela hi vuntlhanu bya swona, a swi nyika muprista; kutani muprista u ta n'wi phahlela mhamba hi khuna leri humesiwaka ku va gandzelo ra ku riha, kutani u ta rivaleriwa.

Levhitika 5:13

Muprista u ta phahlela munhu loyi, mhamba ya nandzu lowu a wu kumeke emhakeni yin'wana ya leti, kutani u ta rivaleriwa. Mapa lama nga ta sala, ma ta va ya muprista, kukotisa leswi endliwaka egandzelweni ra nhlengo.’ ”

Levhitika 1:4

U ta tlhandleka voko ra yena enhlokweni ya holokosta kutani yi ta amukeriwa; u ta endleriwa mhamba ha yona.

Levhitika 4:19

kutani u ta pambula mafurha hinkwawo, ya nkunzi a ma hisa ealitarini.

Levhitika 12:8

Kambe kutakuloko a nga swi koti ku humesa xinyimpfana, u ta teka matuva mambirhi, kumbe mavondlo mambirhi ya swigugurwana, yin'wana ya gandzelo leri hisiwaka, yin'wana ya gandzelo ra nandzu. Muprista u ta n'wi phahlela mhamba, kutani u ta va a basile.’ ”

Levhitika 14:18

Mafurha lama nga ta sala exandleni xa yena u ta ma tota enhlokweni ya la tibasisaka kutani muprista u ta n'wi phahlela mhamba emahlweni ka Yehovha.

2 TIKRONIKA 29:24

Kutani vaprista va swi tlhava, va humesa ngati ya swona ealitarini hikwalaho ka swidyoho, ku phahlela Vaisraele hinkwavo mhamba; hikuva hosi a yi lerisile leswaku holokosta ni gandzelo ra xidyoho swi humeseriwa Vaisraele hinkwavo.

Levhitika 15:15

Muprista u ta ma humesa, rin'wana ri va gandzelo ra xidyoho, rin'wana yi va holokosta; kutani muprista u ta n'wi phahlela mhamba emahlweni ka Yehovha hikwalaho ka ndzundzwana wa yena.

Levhitika 17:11

hikuva moya wa nyama wu le ngatini. Ndzi mi nyikile yona ealitarini ku phahlela mimoya ya n'wina mhamba; hikuva hi yona ngati leyi phahlelaka moya mhamba.

Levhitika 19:22

“ ‘Muprista u ta n'wi phahlela mhamba emahlweni ka Yehovha hi khuna ra gandzelo ra nandzu, hikwalaho ka xivi lexi a xi endleke, kutani u ta rivaleriwa xivi lexi a xi endleke.

Tinhlayo 15:25

Muprista u ta phahlela nhlengeletano hinkwayo ya vana va Israele mhamba kutani va ta khomeriwa, hikuva i ku dyoha loku endliweke ku nga ri ha vomu; naswona va tisile nhlengo wa vona, ri ri gandzelo leri hiseriwaka Yehovha, ni gandzelo ra vona ra nandzu emahlweni ka Yehovha, hikwalaho ka xidyoho xa vona lexi endliweke ku nga ri ha vomu.

Ezekiele 43:22

Hi siku ra vumbirhi, u ta humesa xiphongo lexi pfumalaka xivati, ma va magandzelo ya xidyoho, ku susiwa nandzu sweswo ealitarini, hilaha swi endliweke hakona hi nkunzi.