Levhitika 4:24 - Xitsonga (Bibele)

²⁴ Yi ta tlhandleka voko ra yona enhlokweni ya xiphongo, va ta xi tlhava exivandleni lexi va tlhavaka holokosta eka xona, emahlweni ka Yehovha: i gandzelo ra nandzu.

BIBELE Mahungu Lamanene

²⁴ a fika a tlhandleka voko ra yena enhlokweni ya xona, a xi tlhavela endhawini leyi va tlhavelaka eka yona swifuwo swa magandzelo lama hisiwaka, emahlweni ka HOSI Xikwembu. Leyi i mhamba yo susa swidyoho.

Levhitika 4:24 Referans Kwoze

Esaya 53:6

Hinkwerhu a hi pepetseka tanihi tinyimpfu, a hi famba un'wana ni un'wana endleleni ya yena, kutani Yehovha u n'wi rhwexile ku dyoha ka hina hinkwerhu.

Levhitika 16:15

“Kutani u ta tlhava xiphongo xa gandzelo ra vudyoho, leri nga ra tiko, a va a tisa ngati ya xona endzeni ka nguvu ya xisirhelo; u ta endla hi ngati leyi kukotisa leswi a swi endleke hi ngati ya nkunzi; a xuva ha yona ehenhla ka vukhongelelo, ni le mahlweni ka byona.

Levhitika 7:2

Exivandleni lexi va tlhavaka timhamba leti hisiwaka, hi kona ku nga ta tlhaviwa xifuwo xa mhamba ya ku riha; va ta xuva ematlhelo ya alitari hi ngati ya yona,

Levhitika 6:25

“Byela Aroni ni vana va yena, u ku eka vona: ‘Hi wona nawu wa gandzelo ra nandzu. Exivandleni lexi va tlhavaka timhamba leti hisiwaka, hi kona ku nga ta tlhaviwa mhamba ya nandzu emahlweni ka Yehovha. I xilo lexi kwetsimaka ngopfu.

Levhitika 3:13

U ta tlhandleka voko ra yena enhlokweni ya yona; va yi tlhava emahlweni ka tabernakela ya nhlengeletano, kutani vana va Aroni va ta halatela ngati ya yona ealitarini, ematlhelweni hinkwawo.

Levhitika 3:8

U ta tlhandleka voko ra yena enhlokweni ya xifuwo; va ta xi tlhava emahlweni ka tabernakela ya nhlengeletano, kutani vana va Aroni va ta halatela ngati ya xona ealitarini ematlhelweni hinkwawo.

Levhitika 3:2

U ta tlhandleka voko ra yena enhlokweni ya nhlengo wa yena; va ta tlhava xifuwo enyangweni ya Tabernakela ya nhlengeletano, kutani vaprista, vana va Aroni va ta halatela ngati ealitarini, ematlhelweni hinkwawo.

Levhitika 1:11

Va ta yi tlhavela tlhelo ra n'walungu ra alitari, emahlweni ka Yehovha, kutani vaprista, vana va Aroni va ta halatela ngati ealitarini, ematlhelweni hinkwawo.

Levhitika 1:5

Va ta tlhava nkunzi emahlweni ka Yehovha, kutani vaprista, vana va Aroni va ta humesa ngati, va yi halatela ematlhelweni hinkwawo, ehenhla ka alitari leyi nga enyangweni ya tabernakela ya nhlengeletano.

Eksoda 29:38

“Leswi u nga ta swi tlhava ealitarini hi leswi: swinyimpfana swimbirhi swa lembe rin'we siku rin'wana ni rin'wana hi malembe hinkwawo.

Levhitika 14:13

Kutani u ta tlhava xinyimpfana exivandleni lexi va tlhavaka eka xona mhamba ya nandzu ni holokosta, exivandleni lexi hlawuriweke hikuva mhamba ya ku riha yi ri ya muprista kukotisa mhamba ya nandzu; i xilo lexi hlawuriweke ngopfu.

2 TIHOSI 12:16

Mali ya magandzelo ya milandzu, ni mali ya magandzelo ya xidyoho, a yi tisiwanga endlwini ya Yehovha a yi ri ya vaprista.

Levhitika 1:4

U ta tlhandleka voko ra yena enhlokweni ya holokosta kutani yi ta amukeriwa; u ta endleriwa mhamba ha yona.

Levhitika 6:18

Vana hinkwavo va xinuna va Aroni va ta xi dya. I ku averiwa loku nga heriki etinxakeni ta n'wina, emagandzelweni lama hiseriwaka Yehovha. Un'wana ni un'wana la nga ta khumba xona, a ta va la hlawulekeke.’ ”

Levhitika 6:22

N'wana wa yena la nga ta vekiwa muprista ematshan'weni ya yena, u ta humesa nhlengo wolowo. I ku lerisa loku nga heriki ka Yehovha, nhlengo wolowo wu ta hisiwa hinkwawo.

2 TIKRONIKA 29:23

Va tisa ni swiphongo swa gandzelo ra xidyoho emahlweni ka hosi ni ka nhlengeletano, kutani va tlhandleka mavoko ya vona henhla ka swona.