Levhitika 4:18 - Xitsonga (Bibele)

¹⁸ U ta tota hi ngati timhondzo ta alitari leyi nga emahlweni ka Yehovha, etabernakeleni ya nhlengeletano, kutani a halatela ngati hinkwayo leyi seleke ehansi ka alitari ya holokosta, leyi nga enyangweni ya tabernakela ya nhlengeletano,

BIBELE Mahungu Lamanene

¹⁸ ú ta tota ngati yin'wana etimhondzweni ta alitari leyi yi nga ndzeni ka Ntsonga lowo Hlawuleka, emahlweni ka HOSI Xikwembu; kasi ngati leyin'wana hinkwayo, ú ta yi chela ehansi ka alitari ya magandzelo lama hisiwaka, leyi yi nga nyangweni ya Ntsonga lowo Hlawuleka.

Levhitika 4:18 Referans Kwoze

Levhitika 4:7

Muprista emahlweni ka Yehovha, u ta tota hi ngati timhondzo ta alitari ya mirhi ya risuna, leyi nga etabernakeleni ya nhlengeletano; kutani ngati hinkwayo ya nkunzi u ta yi halatela ehansi ka ya nkunzi u ta yi halatela ehansi ka alitari ya holokosta, leyi nga enyangweni ya tabernakela ya nhlengeletano.

Levhitika 4:25

Muprista u ta nusa hi ritiho ngati ya gandzelo ra nandzu, a tota ha yona timhondzo ta alitari ya holokosta, u ta halatela ngati ehansi ka alitari ya holokosta.

Levhitika 4:30

Muprista u ta peta ritiho ra yena engatini ya mbuti, u ta yi tota etimhondzweni ta alitari ya holokosta, kutani u ta halatela ngati hinkwayo ehansi ka alitari.

Levhitika 4:34

Kutani muprista u ta peta ritiho ra yena engatini ya gandzelo ra nandzu, a tota ha yona timhondzo ta alitari ya magandzelo, kutani u ta halatela ngati hinkwayo leyi seleke ehansi ka alitari.

Levhitika 5:9

kutani u ta xuva matlhelo ya alitari hi ngati ya mhamba ya nandzu; ngati leyi seleke, yi ta kameriwa ehansi ka alitari; hi yona mhamba ya nandzu.

Levhitika 6:30

Kambe ku nga tshuki ku dyiwa mhamba ya nandzu, hambi yi ri yin'we, leyi va nga yisa ngati ya yona etabernakeleni ya nhlengeletano ku endla mhamba evukwetsimelweni; yona yi ta hisiwa endzilweni.

2 TIKRONIKA 29:22

Kutani va tlhava tihomu, kutani vaprista va hlengeleta ngati, va xuva alitari ha yona; va tlhava ni tinyimpfu, kutani va xuva alitari hi ngati ya tona; va tlhava ni swinyimpfana, kutani va xuva alitari hi ngati ya swona.

Eksoda 29:12

Kutani u ta teka ngati ya nkunzi, u yi tota etimhondzweni ta alitari hi ritiho; ngati hinkwayo yin'wana, u yi chela ekusuhi ni alitari.

Eksoda 30:10

Aroni u ta endla mhamba etimhondzweni ta alitari siku rin'we hi lembe hi ngati ya gandzelo ra xidyoho. Kan'we hi lembe, u ta endla ealitarini mhamba etinxakeni ta tinxaka. Alitari leyi, yi ta va leyi hlawuriweke ngopfu emahlweni ka Yehovha.”

Levhitika 8:15

Muxe a yi tlhava, a teka ngati ya yona kuteloko a petile ritiho ra yena engatini, a tota timhondzo ta alitari hinkwako; a tengisa alitari; kutani a chela ngati ehansi ka alitari, a yi hlawula leswaku ku ta phahliwa timhamba ehenhla ka yona.

Levhitika 9:9

Vana va Aroni va n'wi tisela ngati, a peta ritiho ra yena engatini a yi tota etimhondzweni ta alitari kutani a chela ngati ehansi ka alitari.