Levhitika 3:5 - Xitsonga (Bibele)

⁵ Vana va Aroni va ta swi hisa ealitarini, ehenhla ka holokosta leyi vekiweke tihunyini leti va tshiveleke ndzilo ha tona, yi ta va mhamba leyi hisiwaka leyi nga ni risuna eka Yehovha.

BIBELE Mahungu Lamanene

⁵ Kutani vana va Aroni va ta swi teka va swi hisa ehenhla ka alitari, swin'we ni magandzelo lama nga ta va ma ri endzilweni. Leyi i mhamba leyi hiseriwaka HOSI Xikwembu, leyi ku nun'hwela ka yona ku nga ta xi tsakisa.

Levhitika 3:5 Referans Kwoze

Levhitika 6:12

Ndzilo wu ta pfurha ealitarini, wu nga timeki. Hi masiku hinkwawo nimixo, muprista u ta hlanganyeta tihunyi, a lunghisa gandzelo ehenhla ka tona, a hisa mafurha ya mihlengo ya ku khensa.

1 Petro 2:5

na n'wina, kukota maribye lama hanyaka, ma akiwa, mi va yindlu ya moya leswaku mi ta va vaprista lavo kwetsima ku ta humesa magandzelo ya moya lama tsakisaka Xikwembu ha Yesu Kriste.

Eksoda 29:13

U ta teka mafurha hinkwawo lama pambelaka marhumbu ni mpambana wa xivindzi, ni tinswo timbirhi, ni mafurha ya tona, u swi hisa ealitarini.

Ezekiele 44:15

“Loko va ri vaprista va Valevhi, vana va Sadoki, lava hlayiseke milawu ya vukwetsimelo bya mina, loko vana va Israele va ndzi hambukele, vona va ta tshinelela emahlweni ka mina ku tirha ntirho wa mina, va ta yima emahlweni ka mina, va ndzi humesela mafurha, ni ngati, ku vula Hosi Yehovha.

Ezekiele 44:7

lawa mi nga nghenisa ha wona vamatiko lava va makhuna etimbilwini, ni le nyameni, evukwetsimelweni bya mina, va tshama eka byona ku nyamisa yindlu ya mina, loko mi humesa vuswa bya mina, ni mafurha, ni ngati; hi sweswo va tlurile ntwanano wa mina hikwalaho ka manyala hinkwawo ya n'wina.

2 TIKRONIKA 35:14

Kutani va tilunghisela vona ni vaprista tinyama, hikuva vaprista, vana va Aroni, a va tirha ku humesa holokosta ni mafurha ku ko ku fika vusiku kutani Valevhi va tilunghisela vona ni vaprista, vana va Aroni.

1 TIHOSI 8:64

Hi siku rolero, hosi yi hlawula xivandla xa le xikarhi ka xivava lexi nga emahlweni ka Yindlu ya Yehovha, ku humesela kona tiholokosta ni mihlengo, ni mafurha ya magandzelo ya ku khensa, hikuva alitari ya koporo leyi nga emahlweni ka Yehovha a yi ri leyitsongo ku ringanisa tiholokosta, ni mihlengo, ni mafurha ya magandzelo ya ku khensa.

Levhitika 4:35

U ta susa mafurha hinkwawo hi mukhuva lowu va susaka ha wona mafurha ya xinyimpfana xa gandzelo ra ku khensa, kutani muprista u ta ma hisa ealitarini, ehenhla ka magandzelo lama hiseriwaka Yehovha. Muprista u ta endlela munhu loyi, mhamba, hikwalaho ka nandzu wa yena, kutani u ta rivaleriwa.

Levhitika 4:31

Muprista u ta susa mafurha hinkwawo hi mukhuva lowu va susaka mafurha ya magandzelo ya ku khensa kutani a ma hisa ealitarini, ri va risuna eka Yehovha. Muprista u ta phahlela munhu loyi mhamba, kutani u ta rivaleriwa.

Levhitika 1:9

Va ta hlantswa marhumbu ni swirho ematini, kutani muprista u ta hisa hinkwaswo ealitarini, yi va holokosta; i mhamba leyi hisiwaka, leyi nga ni risuna eka Yehovha.

Levhitika 3:4

ni tinswo timbirhi, ni mafurha lama nga ehenhla ka tona, lama nga ematsheveni, ni mpambana wa xivindzi va wu tsema ehenhla ka tinswo.

Levhitika 3:11

Muprista u ta swi hisa ealitarini, swi ri swakudya swa mhamba leyi hiseriwaka Yehovha.

Levhitika 7:28

Yehovha a byela Muxe a ku:

Levhitika 9:17

A humesa ni nhlengo; a nusa hi xandla xin'we, a swi hisa ealitarini ku engetela holokosta ya mixo.

Tinhlayo 15:8

“ ‘Loko u humesa nkunzi ya ku endla holokosta, kumbe gandzelo ra ku tiyisa rito ra ku hlambanya, kumbe gandzelo ra ku khensa Yehovha,

Tinhlayo 28:3

“U ta ku eka vona: magandzelo lama hisiwaka hi ndzilo, lawa mi nga ta ma humesela Yehovha, hi lawa: “Siku rin'wana ni rin'wana, swinyimpfana swimbirhi swa lembe rin'we leswi nga riki na xivati, yi va holokosta ya masiku ni masiku.

Tinhlayo 28:12

ni ku avanyisa ka khume loku hlayiweke kanharhu, ka mapa layo saseka, lama pfuviweke hi mafurha, yi va nyiko leyi lulamelaka nkunzi yin'wana ni yin'wana, ni ku avanyisa ka vukhume loku hlayiweke kambirhi ka mapa layo saseka, lama pfuviweke hi mafurha, yi va nyiko leyi lulamelaka khuna rin'wana ni rin'wana;

Levhitika 1:13

Va ta hlantswa marhumbu ni swirho ematini, kutani muprista u ta hisa hinkwaswo ealitarini, yi va holokosta; i mhamba leyi hisiwaka, leyi nga ni risuna eka Yehovha.

Levhitika 1:17

U ta handzula nyanyana exikarhi ka timpapa, a nga yi avanyisi, kutani muprista u ta yi hisa ealitarini, ehenhla ka tihunyi leti va tshiveleke ndzilo ha tona; i holokosta, i mhamba leyi hisiwaka leyi nga ni risuna eka Yehovha.

Tinhlayo 18:17

Kambe mativula ya tihomu ni mativula ya tinyimpfu, ni mativula ya timbuti, u nga ka u nga ma kutsuli, ma hlawulekile. U ta halata ngati ya wona ealitarini, kutani u ta hisa mafurha ya wona; i gandzelo leri hisiwaka, leri nun'hwelaka eka Yehovha.