Levhitika 3:2 - Xitsonga (Bibele)

² U ta tlhandleka voko ra yena enhlokweni ya nhlengo wa yena; va ta tlhava xifuwo enyangweni ya Tabernakela ya nhlengeletano, kutani vaprista, vana va Aroni va ta halatela ngati ealitarini, ematlhelweni hinkwawo.

BIBELE Mahungu Lamanene

² Kutani ú ta tlhandleka voko enhlokweni ya xifuwo enyangweni ya Ntsonga lowo Hlawuleka, a xi tlhavela kwalaho. Vaprista, va nga vana va Aroni, va ta teka ngati ya xifuwo, va xuva ha yona alitari matlhelo hinkwawo.

Levhitika 3:2 Referans Kwoze

Eksoda 29:10

“Kutani u ta tshineta xinkuzana emahlweni ka Tabernakela ya nhlengeletano, kutani Aroni ni vana va yena va ta tlhandleka mavoko enhlokweni ya xona.

2 Vakorinto 5:21

Hlanganani na Xikwembu! Hikuva la nga tivangiki xidyoho, Xikwembu xi n'wi endle xidyoho hikwalaho ka hina, hi ta hlayiwa ha yena lava lulameke emahlweni ka Xikwembu.

Timhaka 3:26

Xikwembu xi sungurile ha n'wina, ku mi humesela nandza wa xona Yesu, xi n'wi rhuma ku ta mi katekisa, hi ku hundzuluxa un'wana ni un'wana wa n'wina eku biheni ka yena.”

Timhaka 3:15

Kasi mi dlele Hosi ya vutomi, yeloyi Xikwembu xi n'wi pfuxeke eku feni; kutani na hina hi timbhoni ta swona.

Zakariya 12:10

Ndzi ta chela ehenhla ka yindlu ya Yuda ni le henhla ka vaaki va Yerusalema, moya wa tintswalo ni wa mikhongelo; kutani va ta languta eka mina loyi va n'wi tlhaveke. Va ta n'wi rilela kukota loko va rilela n'wana la nga tswariwa a ri yexe va hlomuka ngopfu ehenhla ka yena, kukotisa loko va hlomukela n'wana wa mativula.

Esaya 53:6

Hinkwerhu a hi pepetseka tanihi tinyimpfu, a hi famba un'wana ni un'wana endleleni ya yena, kutani Yehovha u n'wi rhwexile ku dyoha ka hina hinkwerhu.

Levhitika 8:22

A tshineta ni khuna ra vumbirhi khuna ra ku veka muprista, kutani Aroni ni vana va yena va tlhandleka mavoko enhlokweni ya khuna.

Levhitika 1:11

Va ta yi tlhavela tlhelo ra n'walungu ra alitari, emahlweni ka Yehovha, kutani vaprista, vana va Aroni va ta halatela ngati ealitarini, ematlhelweni hinkwawo.

Eksoda 29:11

Kutani u ta xi tlhava emahlweni ka Yehovha enyangweni ya Tabernakela ya nhlengeletano.

Eksoda 29:16

kutani u ri tlhava, u teka ngati ya rona, u yi chela ematlhelo hinkwawo ya alitari.

Levhitika 3:3

Kutani va ta humesa mhamba leyi hiseriwaka Yehovha, yi huma egandzelweni ra ku khensa: ma ri mafurha lama funengetaka marhumbu, ni mafurha hinkwawo lama pambelaka marhumbu,

Levhitika 3:8

U ta tlhandleka voko ra yena enhlokweni ya xifuwo; va ta xi tlhava emahlweni ka tabernakela ya nhlengeletano, kutani vana va Aroni va ta halatela ngati ya xona ealitarini ematlhelweni hinkwawo.

Tinhlayo 18:17

Kambe mativula ya tihomu ni mativula ya tinyimpfu, ni mativula ya timbuti, u nga ka u nga ma kutsuli, ma hlawulekile. U ta halata ngati ya wona ealitarini, kutani u ta hisa mafurha ya wona; i gandzelo leri hisiwaka, leri nun'hwelaka eka Yehovha.

Eksoda 29:15

“U ta teka khuna rin'wana, Aroni ni vana va yena va ta ri tlhandleka mavoko enhlokweni,

Eksoda 29:19

“U ta teka khuna ra vumbirhi, Aroni ni vana va yena va ta tlhandleka mavoko ya vona enhlokweni ya khuna,

Levhitika 17:3

Munhu un'wana ni un'wana wa yindlu ya Israele, kungakuloko a tlhava homu, kumbe xinyimpfana kumbe mbuti emixaxeni, hambi ku ri ehandle ka mixaxa,

Levhitika 17:4

kutani a nga xi tisi enyangweni ya tabernakela ya nhlengeletano, ku xi humesela Yehovha emahlweni ka vukwetsimelo bya Yehovha, u ta vekeriwa nandzu wa ngati leyi: u halatile ngati, munhu loyi u ta susiwa exikarhi ka tiko ra yena.