Levhitika 27:18 - Xitsonga (Bibele)

¹⁸ Kambe loko a hlawulela Yehovha nsimu ya yena endzhaku ka Jubili, muprista u ta ringanisa mali hi nhlayo ya malembe lama seleke ku ya fika Jubili, kutani ku ta hungutiwa mali leyi ringanaka.

BIBELE Mahungu Lamanene

¹⁸ Kambe loko munhu a nyiketa nsimu ya yena lembe ra Jubili ri hundzile khalenyana, muprista ú fanele ku veka mali yo kutsula hi ku ya hi malembe lama saleke ku ya fika eka Jubili leyi taka; mali ya kona yi fanele ku hungutiwa yi fambelana ni ntsengo wa malembe ya kona.

Levhitika 27:18 Referans Kwoze

Levhitika 25:27

u ta hlaya malembe lama hundzeke ku suka eku xaviseni ka yena, kutani u ta tlherisela muxavi mali leyi ringanaka, kutani u ta tlhelela endzhakeni ya yena.

Levhitika 27:14

“ ‘Kutakuloko munhu a hlawulele Yehovha yindlu ya yena, muprista u ta yi ringanisa hi ku saseka ka yona, kumbe hi ku biha ka yona kutani ku ta endliwa hi ku ringanisa ka muprista.

Levhitika 27:17

Loko a hlawulela Yehovha nsimu ya yena ku suka eka lembe ra Jubili, ku ta endliwa hi ku ringanisa kuloku.

Levhitika 27:19

Kungakuloko loyi a hlawuleleke Yehovha nsimu ya yena, a rhandza ku yi kutsula, u ta engetela hi ku avanyisa ka vuntlhanu bya mali leyi ringanisiweke hi muprista, kutani nsimu yi ta va ya yena.

Levhitika 27:23

muprista u ta ringanisa mali ya yona hi ku hlaya ku fika eka lembe ra Jubili, kutani munhu loyi u ta humesa mali ya yona hi siku rolero, hikuva nsimu yi hlawuleriwe Yehovha.