Levhitika 26:8 - Xitsonga (Bibele)

⁸ Vanhu va ntlhanu va n'wina va ta hlongorisa dzana, ni dzana ra va ka n'wina va ta hlongorisa dzana ra madzana; valala va n'wina va ta dlawa hi matlhari emahlweni ka n'wina.

BIBELE Mahungu Lamanene

⁸ Vavanuna va ka n'wina va ntlhanu va nga hlongorisa valala va 100, kasi vavanuna va 100 va nga hlongorisa valala va 10 000; mi ta swi kota ku hlula valala va n'wina hi fumu.

Levhitika 26:8 Referans Kwoze

Yoxuwa 23:10

Munhu un'we exikarhi ka n'wina u ta hlongorisa khume ra madzana ya vona; hikuva i Yehovha, Xikwembu xa n'wina, la mi lwelaka hilaha a mi byeleke hakona.

Duteronoma 28:7

“Yehovha u ta ku nyika ku hlula valala va wena lava nga ta ku pfuka va ta huma hi ndlela yin'we ku lwa na wena, kambe va ta baleka emahlweni ka wena hi tindlela ta ntlhanu na timbirhi.

Duteronoma 32:30

Xana munhu a nga hlongorisa ku yini va 1 000 xana? Ni vambirhi va nga hlongorisa va 10 000 xana? Loko ngi ribye ra vona ri nga va xavisanga, Ni loko Yehovha a nga va nyiketanga xana?

1 TIKRONIKA 11:20

Abixayi, makwa Yowabu, a a ri hosi ya tindhuna, a tlakusa tlhari ra yena ehenhla ka vanhu va madzana manharhu, a va dlaya A dzunisiwa exikarhi ka lavanharhu.

Tinhlayo 14:9

Ntsena mi nga tshuki mi pfukela Yehovha; loko mi ri n'wina, mi nga chaveni vanhu va tiko leri, hikuva swi ta va swakudya swa hina; ndzhuti wa vona wu sukile ehenhla ka vona, kasi Yehovha u na hina, mi nga tshuki mi va chava.”

1 TIKRONIKA 11:11

Hi wona ntsengo wa tinhenha ta Davhida: Yaxobeyama, n'wana Hakimoni ndhuna yin'wana leyikulu a tlakusa tlhari ra yena ehenhla eka vavanuna va madzana manharhu lava a va dlayeke kan'we.

Levhitika 26:7

Mi ta hlongorisa valala va n'wina, va wa hi matlhari emahlweni ka n'wina.

Vaavanyisi 15:15

Kutani a vona rihlaya leri tsakamaka ra mbhongolo, a ri teka, kutani a dlaya vanhu va 1 000 ha rona.

Estere 9:16

Vayuda van'wana, lava nga ematikweni ya hosi, va hlengeletana na vona, va yimela ku hanya ka vona; va vona ku wisa eka valala va vona, kutani va dlaya vanhu va 75 000 exikarhi ka lava va va vengeke, kambe a va phanganga nchumu.

Zakariya 12:8

“Hi siku rolero Yehovha u ta sirhela vaaki va Yerusalema; loko a ri loyi a nga riki na matimba exikarhi ka vona, esikwini rolero, u ta kotisa Davhida; yindlu ya Davhida vi va kukota Xikwembu, kukota ntsumi ya Yehovha emahlweni ka vona.

Tinhlayo 31:4

Mi ta rhuma enyimpini vavanuna va 1 000 hi nyimba yin'wana ni yin'wana ya Vaisraele, va ta huma etinyimbeni hinkwato.”