Levhitika 26:6 - Xitsonga (Bibele)

⁶ Ndzi ta nghenisa ku rhula etikweni mi ta etlela mi nga tshukisiwi hi munhu; ndzi ta susa swivandzana etikweni, ni fumu ri nga ka ri nga fiki etikweni ra n'wina.

BIBELE Mahungu Lamanene

⁶ Ndzi ta endla leswaku ku va na ku rhula etikweni, kutani loko mi etlele, a mi nga chavisiwi hi nchumu; hambi swi ri swiharhi leswo dlaya ndzi ta swi susa etikweni, ni tinyimpi a ti nga mi ngheneli.

Levhitika 26:6 Referans Kwoze

Esaya 35:9

Kona a ku na nghala, a ku na xivandzana lexi nga ta veka nenge kona, ni loko ku ri ku kumiwa kona, kambe lava kutsuriweke va ta fambafamba kona.

Sofoniya 3:13

Nsalo wa Israele wu nga ka wu nga endli leswo biha, wu nga ka wu nga vulavuri mavunwa ririmi ra ku kanganyisa ri nga ka ri nga kumiwi emilon'wini ya vona va ta dya va etlela ehansi, ku nga ri na loyi a va chavisaka.”

Pisalema 147:14

U veka ku rhula emindzilekaneni ya wena, U ku xurhisa hi mongo wa koroni.

Yeremiya 30:10

Kutani wena Yakobo, nandza wa mina, u nga chavi, ku vula Yehovha, u nga rhurhumeli, Israele, hikuva vona, ndzi ta ku ponisa, ndzi ku vita emisaveni ya le kule, ndzi lava ni rixaka ra wena etikweni ra vukhumbi. Yakobo a ta vekiwa, a titshamela a tsakile, a nga ha chavisiwi hi munhu.

Hagayi 2:9

Ku kwetsima ka yindlu ya le ndzhaku ku ta tlula ka leyo sungula, ku vula Yehovha wa mavandla; exivandleni lexi, ndzi ta veka ku rhula, ku vula Yehovha wa mavandla.’ ”

Hosiya 2:18

Kambe hi siku lero, ndzi ta va endlela ntwanano ni swiharhi swa nhova, ni tinyanyana ta tilo, ni leswi kokovaka emisaveni, kutani ndzi ta tshova vurha ni tlhari ndzi va ndzi herisa ku lwa emisaveni, kutani ndzi va akisa hi ku rhula.

Ezekiele 34:25

“Ndzi ta va endlela xinakulobye xa tintswalo, ndzi heta swivandza leswo biha etikweni, va ta aka emananga hi ku tikhorisa va etlela eswihlahleni.

Pisalema 29:11

Yehovha u ta nyika tiko ra yena matimba; Yehovha u ta katekisa tiko ra yena hi ku rhula.

Ezekiele 14:15

“Loko ngi ndzi tsemakanyisa exikarhi ka tiko leri swivandzana ku heta vanhu, leswaku ri hundzuka mananga, laha vanhu va chavaka ku famba hikwalaho ka swivandzana,

Ntirho 11:19

Ku wisa ka wena a ku nga karhatiwi hi munhu, Lavo tala va ta tsakela mombo wa wena.

Eksoda 23:29

Ndzi nga ka ndzi nga va susi emahlweni ka wena hi lembe rin'we, leswaku tiko ri nga hundzuki mananga, kutani swivandzana swa nhova swi andza, swi mi dlaya.

Yohane 14:27

“Ndzi mi siyela ku rhula, ndzi mi nyika ku rhula ka mina; a ndzi mi nyiki hilaha misava yi nyikaka hakona Timbilu ta n'wina ti nga tshuki ti kanakana, naswona mi nga chavi.

Zakariya 9:10

Ndzi ta susa tigolonyi exikarhi ka Efrayimi, ni tihanci eka Yerusalema, kutani vurha bya nyimpi byi ta herisiwa. U ta vula ku rhula eka matiko, u ta fuma ku sukela elwandle rin'wana ku yisa elwandle rin'wana, ni ku suka enambyeni ku yisa makumu ya misava.

Mikiya 4:4

Va ta tshama un'wana ni un'wana ehansi ka nkuwa, ni le hansi ka vhinya ya yena, ku nga ri na loyi a va pfuxaka; hikuva nomu wa Yehovha wa tinyimpi wu vurisile.

Ezekiele 14:17

“Ni loko ngi ndzi tisa fumu ehenhla ka tiko, ndzi ku: Fumu ri ta tsemakanya etikweni ku lovisa vanhu swin'we ni swifuwo,

Ezekiele 5:17

Ndzi ta mi rhumela swivandzana leswo biha, leswi nga ta mi dlayela vana va n'wina, ni ntungu, ni ngati, ku ta mi hetisa, ndzi va ndzi rhumela tlhari ehenhla ka wena. Hi mina Yehovha ndzi vulavulaka sweswo.”

Pisalema 85:8

Ndzi ta yingisa leswi vuriwaka hi Yehovha Xikwembu; Hikuva u vula ku rhula ka tiko ra yena, ni ka vahlawuriwa va yena; Kambe va nga tshuki va ha vuyela eku hungukeni ka vona.

Pisalema 4:8

Ndzi sivama, ndzi etlela hi ku rhula, Hikuva hi wena Yehovha u ri swaku la ndzi akisaka eku sasekeni.

1 TIKRONIKA 22:9

Waswivo, u ta velekeriwa n'wana; u ta va munhu wo rhula; ndzi ta n'wi nyika ku rhula eka valala hinkwavo va yena va matlhelo hinkwawo; hikuva vito ra yena a ta va Solomoni (wa ku rhula), kutani ndzi ta nyika Israele ku rhula, ni ku tsaka eku hanyeni ka yena.

2 TIHOSI 2:24

Yena a hundzuluka, a va vona, a va rhukana hi vito ra Yehovha. Kutani tibere timbirhi ti huma exihlahleni, ti handzulela varisanyana va mune wa makume na vambirhi exikarhi ka vona.

Varhoma 5:1

Kutani leswi hi nga hlayiwa lava lulameke hi ku pfumela, hi ni ku rhula eka Xikwembu ha Yesu Kriste Hosi ya hina,

Timhaka 12:6

Hi siku Heroda a lavaka ku n'wi humesa emahlweni ka tiko, hi vusiku byebyo, Petro a etlele exikarhi ka masocha mambirhi, a bohiwile hi timpecana timbirhi; kutani valanguteri va nyangwa a va langutela khotso.

Ezekiele 14:21

“Hikuva Hosi Yehovha u ri: Hambi ndzi ba muti wa Yerusalema, hi ku avanyisa ka mina ka mune, ku nga tlhari, ni ndlala, ni swivandzana, ni ntungu, leswaku ku herisiwa vanhu ni swifuwo,

Yeremiya 31:26

Kavaloko ndzi pfuka, ndzi languta; kutani vurhongo bya mina a byi ri lebyo nandziha.

Esaya 45:7

Hi mina la endleke ku vonakala ni munyama, ndzi tsakisa munhu, ndzi n'wi rhumela khombo; hi mina Yehovha, la endleke swilo sweswo hinkwaswo.

Esaya 9:7

ku kurisa ku fuma, ni ku nyika xiluvelo xa Davhida ni ku fuma ka yena ku rhula loku nga heriki, ni ku xi tiyisa, ni ku xi seketela hi ku avanyisa ni ku lulama, sweswi ni hilaha ku nga heriki; ku hiseka ka Yehovha wa tinyimpi ku ta endla sweswo!

Pisalema 3:5

Ndza sivama, ndzi etlela, Ndzi tlhela ndzi pfuka, hikuva Yehovha wa ndzi tiyisa.

Swivuriso 6:22

Loko u famba, yi ta ku fambisa, Ni loko u etlela, yi ta ku rindza; Loko u pfuka evurhongweni yi ta vulavula na wena.

Swivuriso 3:24

Loko u ya eku etleleni, u nga ka u nga chavi, Ni loko u tilatile, vurhongo bya wena byi ta nandziha.

Ntirho 5:23

Hikuva u ta endla xinakulobye ni maribye ya nhova, Kambe swivandzana swa nhova swi ta rhula na wena.

Levhitika 26:22

Ndzi ta mi nyiketa swivandzana, swi mi hlongorisa, swi khoma vana va n'wina, swi heta swifuwo swa n'wina, swi mi siya mi nga ri vangani, kutani tindlela ta n'wina ti va ti tlhuma.

Levhitika 26:7

Mi ta hlongorisa valala va n'wina, va wa hi matlhari emahlweni ka n'wina.

Levhitika 26:25

Ndzi ta rhumela ehenhla ka n'wina matlhari yo rihisela ntwanano wa mina; kutani, kutakuloko mi hlengeletanile emitini ya n'wina, ndzi ta rhuma ntungu exikarhi ka n'wina kutani mi ta nyiketiwa emavokweni ya nala.

Levhitika 25:18

“ ‘Mi ta hlayisa milawu ya mina, mi yingisa ku lerisa ka mina, mi endla hakona; kutani mi ta aka etikweni, mi nga chavi nchumu.

Levhitika 25:19

Misava yi ta humesa mihandzu ya yona, mi dya mi ko mi xurha, kutani mi ta aka eka yona mi nga chavi nchumu.

2 TIKRONIKA 20:30

Kwalaho ku fuma ka Yoxafati ku va ni ku rhula, Xikwembu xi n'wi nyika ku wisa ematlhelweni hinkwawo.

Pisalema 144:14

Mathokazi ya hina ma tswala, ku hava khombo, Ku hava ku hlaselwa ni mikosi emitsendzeleni ya hina.

Esaya 35:8

Gondzo ri ta va kona, ni ndlela leyi vuriwaka ndlela yo kwetsima; a ku na munhu wa thyaka la nga ta hundza kona; yi ta va ya lavo lulama ntsena. Lava nga ta famba endleleni yoleyo, hambi xi ri xiphukuphuku va nga ka va nga lahleki.

Ezekiele 34:27

Murhi wa le masin'wini wu ta veka mihandzu ya wona, ni tiko ri ta veka swa rona; va ta tikhorisa etikweni ra vona, kutani va ta tiva leswaku hi mina Yehovha, siku ndzi tshovaka swiboho swa joko ra vona ndzi va lamulelaka emavokweni ya lava va fambisaka.

Hosiya 2:20

Ndzi ku teka ni le ku tshembekeni, kutani u ta tiva Yehovha.