Levhitika 26:4 - Xitsonga (Bibele)

⁴ ndzi ta mi nyika timpfula emikarhini ya tona; misava yi ta humesa swa yona, ni mirhi ya masimu yi ta veka mihandzu ya yona.

BIBELE Mahungu Lamanene

⁴ Loko mi endla sweswo, ndzi ta mi nisela mpfula hi tinguva ta kona, kutani masimu ya n'wina ma ta humesa ntshovelo lowo tala, ni mirhi ya n'wina ya mihandzu yi ta tswala swinene.

Levhitika 26:4 Referans Kwoze

Zakariya 8:12

Ndzi byala ku rhula, murhi wa vhinya wu ta veka mihandzu ya wona, ni misava yi ta veka swakudya swa yona, ni tilo ri nyika mberha ya rona, hinkwaswo sweswo ndzi ta swi nyika masalela ya tiko leri, yi va ndzhaka ya wona.

Pisalema 67:6

Misava yi humesile mihandzu ya yona, Xikwembu, Xikwembu xa hina xi ta hi katekisa.

Ezekiele 36:30

Ndzi ta andzisa mihandzu ya mirhi, ni leswi vekiwaka hi masimu, leswaku mi nga ha soriwi exikarhi ka matiko hikwalaho ka ndlala.

Esaya 30:23

Enkarhini wolowo u ta nisela timbewu leti mi nga ta byala emasin'wini kutani swakudya swa tinhlampfu leti mirisiweke hi misava swi ta va leswi noneke leswi xurhisaka. Enkarhini wolowo mitlhambi ya n'wina yi ta dyela emadyelweni lama ahlameke.

Ntirho 5:10

U chulula mpfula emisaveni, U chelela mati emasin'wini.

Duteronoma 28:12

Yehovha u ta ku pfulela tilo, byi nga vukosi bya yena lebyinene, ku nyika misava ya wena mpfula hi nkarhi wa yona, ni ku katekisa mitirho hinkwayo ya mavoko ya wena. Matiko layo tala ma ta lomba eka wena, kambe wena u nga ka u nga lombi eka vona.

Duteronoma 11:14

ndzi ta nyika tiko ra n'wina mpfula hi nkarhi wa yona, ti ri timpfula leto sungula, ni leto hetelela; u ta tshovela koro ya wena, ni vhinyo ya wena ni mafurha ya wena.

Levhitika 25:21

Ndzi ta katekisa ngopfu lembe ra ntlhanu na rin'we, ri va ri mi nyika swakudya leswi ringanaka malembe manharhu;

Timhaka 14:17

Hambiswiritano, a xi tipfumatanga vumbhoni, hi ku endlela vanhu swinene, ni ku hi nyika timpfula ta tilo ni tinguva ta ndzalo, xi hi andzisela ni swakudya, xi tata timbilu ta hina hi ku tsaka.”

Matewu 5:45

hileswaku mi hundzuka vana va Tata wa n'wina la nga ematilweni, hikuva u tsuvukisa dyambu ra yena ehenhla ka lavo biha ni lavo saseka, u nisa mpfula ehenhla ka lavo lulama ni lavo homboloka.

Pisalema 85:12

Hakunene Yehovha u ta nyika nkateko wa yena; Tiko ra hina ri ta humesa mihandzu ya rona.

Pisalema 68:9

Oho Xikwembu! U nisile mpfula ya ku kateka ehenhla ka ndzhaka ya wena, Ni loko yi karhele, u yi hile matimba.

Nhlavutelo 11:6

Va ni matimba yo pfala tilo leswaku mpfula yi nga ha ni hi masiku lawa va profeteke ha wona; kambe va ni matimba ya ku hundzula mati ma va ngati, ni ya ku ba misava hi makhombo walawo, hi mikarhi hinkwayo leyi va rhandzaka ku endlisa sweswo.

Yakobo 5:7

Loko swi ri tano, vamakwerhu, lehisani timbilu, Hosi yi ko yi ta. Vonani, murimi u langutela mihandzu leyi pfumariwaka ya misava, a ri karhi a lehisa mbilu ya yena, a ko a nyikiwa mpfula ya ku sungula ni leya makumu.

Yeremiya 14:22

Xana un'wana a nga va kona exikarhi ka swahava swa matiko la nisaka mpfula-ke? Kumbe tilo ri nga tinisela mpfula-ke? Xana a hi wena Yehovha Xikwembu xa hina? Na swona hi tshembile wena hikuva hi wena la endleke leswo hinkwaswo.

Esaya 5:6

Ndzi ta yi endla fusi yi nga ha hlakuriwi, yi nga ha rimiwi, ku ta mila mitwa ni swigatlu ntsena; kutani ndzi ta lerisa mapapa leswaku ma nga ha tshami ma nisa mpfula ehenhla ka yona.

Pisalema 104:13

U chelete tintshava, a ri endlwini ya yena leyi tlakukeke, Misava yi xurha mihandzu ya mitirho ya wena.

1 TIHOSI 17:1

Kutani Eliya, wa Tixibe, munhu wa tiko ra Giliyadi, a ku eka Akabu: “Yehovha, Xikwembu xa Israele, loyi ndzi yimaka emahlweni ka yena, wa hanya! Malembe lawa ku nga ka ku nga vi na mpfula ni mberha, loko ku nga ri hi rito ra mina.”

Levhitika 25:19

Misava yi ta humesa mihandzu ya yona, mi dya mi ko mi xurha, kutani mi ta aka eka yona mi nga chavi nchumu.

Duteronoma 11:13

“Kungakuloko mi yingisa swinene milawu ya mina leyi ndzi mi lerisaka namuntlha, mi va mi rhandza Yehovha, Xikwembu xa n'wina, mi n'wi tirhela hi timbilu hinkwato ta n'wina, ni mimoya hinkwayo ya n'wina,

Pisalema 67:7

Xikwembu xi ta hi katekisa, Kutani matlhelo hinkwawo ya misava ma ta xi chava.

Pisalema 85:13

Ku lulama ku ta famba emahlweni ka yena Ku lulamisa ndlela hi mikondzo ya yena.

Yuwele 2:22

Mi nga chaveni, n'wina swiharhi swa nhova; hikuva madyelo ya mananga ma ta hatlisa ma endla rihlaza, hikuva murhi wu ta veka mihandzu ya wona, makuwa ni vhinya swi ta humesa matimba ya swona.