Levhitika 26:39 - Xitsonga (Bibele)

³⁹ Lava nga ta sala exikarhi ka n'wina, va ta tshwa hikwalaho ka ku dyoha ka vona etikweni ra valala va n'wina; va ta tshwa ni hikwalaho ka ku dyoha ka vatata wa vona, loku nga eka vona.

BIBELE Mahungu Lamanene

³⁹ Hinkwavo va ka n'wina lava va nga ta va va ponile va ta hela va nyamalala ematikweni ya valala va n'wina, va dlawela milandzu ya vona ni ya vatata wa vona, leyi na vona va feleke yona.

Levhitika 26:39 Referans Kwoze

Ezekiele 4:17

Va ta pfumala vuswa ni mati, va ta tshuka hinkwavo, va ta ondza eku hombolokeni ka vona.”

Ezekiele 33:10

“Wena n'wana wa munhu, u nge eka va yindlu ya Israele: Mi vulavula, mi ku: ‘Hakunene swionho swa hina ni swidyoho swa hina swi le henhla ka hina, kutani ha ondza hikwalaho ka swona, hi nga hanyisa ku yini xana?’

Ezekiele 24:23

Mi ta tshama mi bohile duku etinhlokweni ta n'wina, mi vehele tintanghu ta n'wina emilengeni; mi nga ka mi nga rili, ni loko ku ri ku kolola; kambe mi ta tsundzuka swidyoho swa n'wina, mi rila un'wana eka un'wana.

Ezekiele 6:9

Lava nga ta pona va ta ndzi anakanya va ri ematikweni laha va nga ta bohiwa kona, hikuva ndzi ta va ndzi tshovile timbilu ta vona leti hombolokeke, leti nga tshembekiki, ni mahlo ya vona lama oswaneke ni swikwembu swa vona. Va ta tinyenya va ri vona hikwalaho ka swidyoho hinkwaswo leswi va swi endleke, ni manyala hinkwawo ya vona.

Duteronoma 28:65

“Ematikweni lawa, u nga ka u nga kumi ku wisa, kambe ku nga ka ku nga vi na ku wisa ka mikondzo ya wena; Yehovha u ta ku nyika kona mbilu leyi rhurhumelaka, ni mahlo lama timekeke ni mbilu leyi kalaka matimba.

Eksoda 20:5

u nga tshuki u swi khinsamela, ni loko ku ri ku swi tirhela; hikuva hi mina Yehovha, Xikwembu xa wena, xa rilaveta, lexi baka vana hikwalaho ka ku homboloka ka vatswari va vona, ku yisa erixakeni ra vunharhu ni ra vumune eka lava ndzi vengaka;

Zakariya 10:9

Ndzi ta va byala exikarhi ka matiko, va ta ndzi tsundzuka ematikweni ya le kule va ta hanya ni vana va vona va ko va tlhela.

Hosiya 5:15

Ndzi ta suka, ndzi tlhelela exivandleni xa mina, ndzi tshama kona, va kondza va titwa swidyoho swa vona, va lava mombo wa mina. Ekhombyeni ra vona, va ta ndzi lava.

Ezekiele 36:31

Mi ta tsundzuka tindlela ta n'wina to biha, ni swiendlo swa n'wina leswi ngi swi nga ri leswinene mi tinyenyetsa hikwalaho ka swidyoho ni manyala ya n'wina.

Ezekiele 20:43

Kona, mi ta tsundzuka tindlela ta n'wina, ni swiendlo hinkwaswo swa n'wina leswo ingi mi tinyamisa ha swona, mi tinyenyetsa hikwalaho ka leswo biha hinkwaswo leswi mi swi endleke;

Ezekiele 18:19

“Mi ri: ‘N'wana a nga rhwali ha yini ku homboloka ka tata wa yena?’ Hi leswaku n'wana u endlile hi nawu, ni ku lulama, u hlayisile swileriso hinkwaswo swa mina ku swi hetisa, kunene u ta hanya.

Swirilo 4:9

Ku katekile lava dlayiweke hi tlhari, Ku tlula lava nga dlayiwa hi ndlala; Vona va wile va hele matimba Hi ku pfumala leswi vekiwaka hi nsimu.

Yeremiya 31:29

Enkarhini wolowo, a va nga ha tshami, va ku: ‘Vatatana va dyile mihandzu leyo bava kutani meno ya vana ma rherhemela.’

Yeremiya 29:12

Mi ta vitana eka mina, mi va mi ndzi khongela, mina ndzi mi yingisa.

Yeremiya 3:25

Hi funengerile tingana ta hina, hi ambarile xisandzu xa hina; hikuva hi dyohele Yehovha, Xikwembu xa hina, hina ni vatata wa hina, ku sungula evuntshweni bya hina ku fika siku leri, kambe a hi yingisanga rito ra Yehovha, Xikwembu xa hina.”

Nehemiya 1:9

kambe loko mi hundzukela eka mina, mi endla hakona, hambi mi nga hangalasiwa emakun'wini ya matilo, ndzi ta mi hlengeleta ndzi mi vuyisela endhawini leyi ndzi yi hlawuleke ku veka vito ra mina ka yona.’

Duteronoma 30:1

“Kutakuloko swilo leswi ndzi swi vekeke emahlweni ka wena, yi nga mikateko ni mirhukano, loko swi fikile henhla ka wena, ni loko u swi anakanya embilwini ya wena, ematikweni hinkwawo lawa Yehovha, Xikwembu xa wena ingi xi ku hlongorisile ka wona,

Duteronoma 5:9

“ ‘U nga tshuki u xi khinsamela, ni loko ku ri ku xi tirhela; hikuva hi mina Yehovha, Xikwembu xa wena, xa rilondzo, lexi baka ku homboloka ka vatswari ehenhla ka vana va vona, ku yisa erixakeni ra vunharhu ni ra vumune eka lava ndzi vengaka;

Tinhlayo 14:18

‘Yehovha u hlwele ku kariha, u tele tintswalo, wa khomela nandzu ni ku dyoha; kambe xidyohi, a nga xi vuri la nga riki na nandzu, kutani a londza ku dyoha ka vatatana ehenhla ka vana va vona, ku fika erixakeni ra vunharhu ni ra vumune.’

Eksoda 34:7

lexi tsetselelaka tinxaka ta madzana ya khume, lexi khomelaka munhu ku homboloka ni ku dyoha, ni xivi; kambe lexi nga landzuriki nandzu wa loyi a nga na wona; lexi baka vana ni vatukulu ku yisa erixakeni ra vunharhu, ni ra vumune hikwalaho ka ku dyoha ka vatata wa vona.”

Esaya 14:21

Lunghiselani vana va yena ku dlawa hikwalaho ka ku dyoha ka vatata wa vona! Va nga ti tshuka va pfuka ku fuma misava, ni ku tata misava hi miti ya vona!”

Esaya 24:16

Emakun'wini ya misava hi twile tinsimu leti nge: ‘Ku kwetsima eka mululami!’ ” Kambe mina ndzi ku: “Ndzi lovile, ndzi lovile! Ndzi ni khombo! Vaxengi va xenga, vaxengi va xenga ni ku xenga.”

Swirilo 1:3

Yuda u yile evukhumbini hi maxangu ni ku xaniseka lokukulu; U tshamile exikarhi ka matiko, Kambe a nga vonanga laha a wisaka kona, Vaxanisi va yena hinkwavo va n'wi kumile a ri laha ku manyaneke.

Duteronoma 8:20

Mi ta lova kukotisa matiko lawa Yehovha a ma loviseke emahlweni ka n'wina, hikuva a mi yingisanga rito ra Yehovha, Xikwembu xa n'wina.

2 TIKRONIKA 34:24

‘Yehovha u vurisa sweswo, a ku: “Ndzi ta tisa khombo ehenhla ka ndhawu leyi ni le henhla ka vaaki va yona, hi mirhukano hinkwayo leyi tsariweke ebukwini leyi va yi hlayeke emahlweni ka hosi ya Yuda.

Ezra 9:7

Ka ha ri mpfhuka wa vatata wa hina, hi tshama enandzwini lowukulu ku fikela sweswi hikwalaho ka swidyoho swa hina, hi nyiketiwile ni tihosi ta hina, ni vaprista va hina, emavokweni ya tihosi ta matiko walawo, hi nyiketiwa fumu ni ku bohiwa, ni ku onhaka, ni tingana, kukotisa namuntlha.