Levhitika 26:36 - Xitsonga (Bibele)

³⁶ Loko va ri lava nga ta pona, ndzi ta va endla matoya etikweni ra valala va vona; pongo ra tluka leri tsekatsekisiwaka ri ta va hlongola va ta baleka kukotisa loko va baleka emahlweni ka matlhari; va ta wa va nga hlongorisiwi.

BIBELE Mahungu Lamanene

³⁶ Lava va nga ta va va ponile exikarhi ka n'wina, ndzi ta endla leswaku va tshama va ri ku chaveni kwale matikweni ya valala va n'wina. Loko va twa xo chakala, va ta suka va tsutsuma wonge vo va eku hlongorisiweni, va wa va nga hlongorisiwi hi munhu.

Levhitika 26:36 Referans Kwoze

Ezekiele 21:7

“N'wana wa munhu rhendzeleta mombo wa wena tlhelo ra Yerusalema, u humesela tlhelo ra xivandla lexo kwetsima rito ra wena, u profetela tiko ra Israele!

Esaya 30:17

Va khume ra madzana va ta tsutsuma, va chavisa hi munhu a ri un'we; loko lava ntlhanu va mi chavisa, mi ta tsutsuma mi ko mi sala kukotisa mhandze leyi celeriweke enhlohlorhini ya ntshava, ni kukotisa mujeko entsungeni.”

Levhitika 26:17

Ndzi ta mi languta hi vukari; mi ta tlhaviwa hi valala va n'wina; lava mi vengaka va ta mi fuma, kutani mi ta baleka mi nga hlongorisiwi hi munhu.

Ezekiele 21:15

Ri lotiwele ku dlaya lokukulu; ri lotiwe ri kondza ri vangama. Kumbe hi nga tsaka hi ku: Nhonga ya n'wananga yi sola mirhi hinkwayo.

Ezekiele 21:12

Kutakuloko va ku eka wena: U hefemutekela yini? U ta ku: Ndzi hefemutekela timhaka leti taka; hikuva timbilu hinkwato ti ta n'oka, mavoko hinkwawo ma ta hela matimba, mimoya hinkwayo yi ta chava, ni matsolo hinkwawo ma ta hundzuka mati; vonani, timhaka ta ta, ti tile, ku vula Hosi Yehovha.”

Esaya 7:4

u ku eka yena: ‘Tivone, titshamele, u nga chavi, mbilu ya wena yi nga tshuki yi tsana hikwalaho ka swisana leswimbirhi leswi mpukukaka, hikwalaho ka vukari lebyi pfurhaka bya Resini ni bya Siriya, ni bya n'wana Remaliya,

Esaya 7:2

Kutani yindlu ya Davhida yi byeriwa leswaku: “Tiko ra Siriya ri tiyimisile ku yima ni tiko ya Efrayimi.” Kavaloko mbilu ya hosi ni timbilu ta vanhu va yena ti tsekatseka, tanihi mirhi ya swihlahla loko yi tsekatsekisiwa hi mheho.

Swivuriso 28:1

Lowo biha u tsutsuma hambi a nga landziwi, Kambe lowo lulama u tsakile kukota xinghalana.

2 TIKRONIKA 14:14

va hlasela miti hinkwayo leyi nga ekusuhi na Gerara, hikuva ku chava ka Yehovha a ku va khomile, va phanga miti hinkwayo hikuva a yi ri ni xuma lexikulu ngopfu.

1 SAMIELE 17:24

Vavanuna hinkwavo va Israele, kuteloko va vonile wanuna loyi, va baleka emahlweni ka yena, va chava ngopfu.

Yoxuwa 5:1

Tihosi ta Vaamori leti nga evupeladyambu ka Yordani, ni tihosi hinkwato ta Vakanana leti nga eribuwini ra lwandle, kuteloko ti twile leswaku Yehovha a omisile mati ya Yordani emahlweni ka vana va Israele va ko va pela, timbilu ta tona ti nyuka, ti tsemeka mihlana emahlweni ka vana va Israele.

Duteronoma 1:44

Kutani Vaamori, lava akeke entshaveni leyi, va huma, va mi hlongorisa kukotisa tinyoxi, va mi hlasela Seyira, ku fika eHorma.

Genesa 35:5

Kavaloko va suka; kutani ku chava Xikwembu ku ve ehenhla ka miti leyi vandzamaneke na vona, hikwalaho a va landzelangi vana va Yakobo.

Genesa 4:12

Kutakuloko u rima misava, yi nga ka yi nga ha ku nyiki mihandzu ya yona; u ta va la pepetsekaka ni la fambafambaka emisaveni.”

Levhitika 26:35

Hi masiku hinkwawo ya ku onhaka ka rona, ri ta wisa, hikuva a ri nga wisanga eTisavateni ta n'wina, enkarhini lowu ngi mi akile eka rona.

Yoxuwa 7:5

Vanhu va Ayi va dlaya vanhu va vona lava lavaka ku va 36, kutani va va hlongorisa emahlweni ka nyangwa, ku fika eXebarimi, va va hlula eku rheleleni, kutani mbilu ya tiko yi nyuka yi fana ni mati.

Ntirho 13:25

Xana u rhandza ku chavisa tluka leri hehukeke? Kumbe ku hlongola mungu lowu omeke xana?

Pisalema 53:5

Va ta rhurhumela hi ku chava, Laha ku nga riki na mhaka ya ku chava; Hikuva Xikwembu xi ta hangalasa marhambu ya lava ku rhendzelaka; U ta va khomisa tingana, hikuva Xikwembu xi va cukumetile.

Yeremiya 37:10

Hikuva loko ngi mi dlayile nyimpi hinkwayo ya Vakalediya lava lwaka na n'wina, ku sala vanhu va timbanga ntsena, a va ta pfuka un'wana ni un'wana etendeni ya yena, va hisa muti lowo hi ndzilo!’ ”

Yeremiya 46:16

Va tele lava tsekatsekaka, lava waka, un'wana u wela ehenhla ka un'wana va ku: ‘Pfuka, hi vuyela eka tiko ra rikwerhu, ni tiko leri hi nga tswariwa ka rona, hi chava tlhari leri dlayaka.’

Swirilo 1:3

Yuda u yile evukhumbini hi maxangu ni ku xaniseka lokukulu; U tshamile exikarhi ka matiko, Kambe a nga vonanga laha a wisaka kona, Vaxanisi va yena hinkwavo va n'wi kumile a ri laha ku manyaneke.

Swirilo 1:6

Vubombi hinkwabyo bya nhwanyana wa Siyoni byi herile, Vakulu va yena va fana ni tinhongo Leti nga voniki madyelo, Leti balekaka emahlweni ka lava ti hlongorisaka, ti heleriwe hi matimba.

Swirilo 4:19

Vaxanisi va hina va ni matsamba Ku tlula magama ya le henhla; Va hi hlongorisa etintshaveni; Emananga va hi celela marindzi.

Pisalema 53:6

Aa! Ku kutsula ka Israele ku ta pfa rini eSiyoni xana? Siku Xikwembu xi nga ta tlherisa vabohiwa va tiko ra xona, Yakobo u ta khana, Israele u ta tsaka.

Pisalema 89:43

U bvinyile ku kariha ka tlhari ra yena; A ku n'wi tiyisanga eku lweni.

Hosiya 8:3

Israele u sandze leswi lulameke, xirha xi ta n'wi landzelela.