Levhitika 26:33 - Xitsonga (Bibele)

³³ Loko mi ri n'wina, ndzi ta mi hangalasa ematikweni, ndzi humesa matlhari endzhaku ka n'wina, tiko ra n'wina ri ta sala ri kotisa mananga, ni miti ya n'wina yi va marhumbi.

BIBELE Mahungu Lamanene

³³ Ndzi ta mi vangela tinyimpi, ndzi mi hangalasa mi ya tshama exikarhi ka vamatiko. Etikweni ra n'wina ku ta sala ku nga ha ri na munhu, miti ya n'wina yi ta hundzuka marhumbi.

Levhitika 26:33 Referans Kwoze

Zakariya 7:14

“Ndzi va hangalasile hi mheho exikarhi ka matiko hinkwawo lawa va nga ma tivangiki, tiko ri sala ri onhakile endzhaku ka vona, ku pfumaleka la hundzaka kona ni la tlhelelaka kona, va hundzurile tiko lerinene rhumbi.”

Ezekiele 20:23

Na swona, ndzi yimisa voko ra mina eka vona le mananga, leswaku ndzi ta va hangalasa exikarhi ka matiko ni ku va khapela ematikweni hinkwawo,

Duteronoma 4:27

Yehovha u ta mi hangalasa ematikweni, kutani mi ta sala mi nga ri vangani exikarhi ka matiko lawa Yehovha a nga ta mi yisa eka wona;

Ezekiele 22:15

Ndzi ta ku hangalasa exikarhi ka matiko, ndzi ku hangalasela ematikweni, ndzi hlangula thyaka ra wena eka wena.

Pisalema 44:11

U hi nyiketile kukotisa tinyimpfu leti dyiwaka, U hi hangalasile xikarhi ka vamatiko.

Luka 21:24

Va ta wa hi ku kariha ka fumu, va ta yisiwa va ri makhumbi ematikweni hinkwawo; kutani Yerusalema, u ta kandziyeriwa hi vamatiko ku ko ku hela nkarhi wa vamatiko.

Swirilo 4:15

“Sukani, n'wina mi tinyamiseke!” Ku huweleriwe sweswo eka vona; “Sukani, sukani! Mi nga tshuki mi khumba!” Kuteloko va balekile, a ku ri ku tsendzeleka; A va ku exikarhi ka matiko: “A vanga vuyeli va aka kona.”

Yeremiya 9:16

Kutani ndzi ta va hangalasa ematikweni lama nga tiviwiki hi vona, ni loko va ri vatata wa vona; kutani ndzi ta rhuma fumu endzhaku ka vona, ndzi ko ndzi va heta.”

Swirilo 1:3

Yuda u yile evukhumbini hi maxangu ni ku xaniseka lokukulu; U tshamile exikarhi ka matiko, Kambe a nga vonanga laha a wisaka kona, Vaxanisi va yena hinkwavo va n'wi kumile a ri laha ku manyaneke.

Yakobo 1:1

Mina Yakobo, nandza wa Xikwembu ni wa Hosi Yesu Kriste; Eka tinxaka leta khume na timbirhi leti hangalakeke, ndzi ri: Xewani!

2 TIKRONIKA 7:19

Kambe loko mi hundzuka, ni loko mi fularhela ku lerisa ka mina, ni milawu ya mina leyi ndzi yi vekeke emahlweni ka wena, kutani mi ya tirhela swikwembu swin'wana, mi khinsama emahlweni ka swona;

Nehemiya 1:8

Wa nga anakanya rito leri u tshamaka u ri byela nandza wa wena, Muxe, u te: ‘Kutakuloko mi tiarisa, ndzi ta mi hangalasa exikarhi ka matiko;

Pisalema 106:27

Xi cukumeta rixaka ra vona exikarhi ka vamatiko, Xi va hangalasela ematikweni hinkwawo.

Esaya 1:7

Tiko ra n'wina i mananga, miti ya n'wina yi hisiwile hi ndzilo, vamatiko va dya misava ya n'wina emahlweni ka n'wina. Va phanga, va heta tanihi valala.

Yeremiya 7:34

Emitini ya Yuda ni le mitsendzeleni ya Yerusalema, ndzi ta miyeta rito ra ku tsaka ni rito ra ku tlanga, ni rito ra muteki ni ra mutekiwa; hikuva tiko ri ta va ri hundzukile mananga.

Yeremiya 13:24

Kambe ndzi ta va hangalasa kukotisa mungu lowu hahisiwaka hi moya wa mananga.

Yeremiya 15:4

Ndzi ta va nyiketa eku xanisekeni eku fumeni hinkwako ka misava, hikwalaho ka Manase, n'wana Hezekiya hosi ya Yuda, ni hikwalaho ka lexi a xi endleke eYerusalema.

Yeremiya 31:10

“Yingisani rito ra Yehovha, n'wina matiko, mi tivisa swihlale swa le kule, mi ku: ‘La hangalaseke Israele wa n'wi hlengeleta, u ta n'wi risa kukotisa murisi la rixaka ntlhambi wa yena.’

Ezekiele 5:2

U ta hisa ku avanyisa ka vunharhu hi ndzilo exikarhi ka muti, loko masiku ya ku hlaseriwa ka muti ma ta va ma herile; u vuya u teka ku avanyisa ka vunharhu kun'wana, u ku tsemelela hi rikari ematlhelweni ya muti, kutani ku avanyisa ka vunharhu loku seleke, u ta ku cukumeta ku hahisiwa hi moya; kutani ndzi ta swi hlongorisa hi tlhari.

Amosi 9:4

Ni loko va ya evukhumbini, va byisiwa hi valala va vona, na kona, ndzi ta lerisa fumu leswaku ri va dlaya; ndzi ta va honokela hi mahlo ku va endla swo biha ku nga ri ku va endla swinene.”

1 TIHOSI 8:46

“Kutakuloko va ku dyohela, (hikuva a ku na munhu la nga dyohiki) loko u va hlundzukela, u va nyiketa valala, kutani va va yisa etikweni ra valala, hambi ekule, hambi ekusuhi;

2 TIHOSI 25:9

A hisa yindlu ya Yehovha, ni yindlu ya hosi; a hisa tindlu hinkwato ta Yerusalema, ni tindlu hinkwato ta vakulukumba.

Nehemiya 1:3

va ku eka mina: “Masalela, lama saleke eku bohiweni, lava akeke etikweni leriya, va le nhlomulweni lowukulu, ni le tinganeni; rirhangu ra Yerusalema, i swiphemu, ni timbanti ta kona ti tshwile hi ndzilo.”

Estere 3:8

Hamani a ku eka hosi Ahasuwerusi: “Ku ni vanhu van'wana lava hangalakeke, lava avaneke exikarhi ka vanhu va matiko hinkwawo ya ku fuma ka wena; milawu ya vona yi hambanile ni ya vanhu van'wana; a va yi hi milawu ya hosi; a hi swinene leswaku hosi yi va tshika va rhula.

Pisalema 44:12

U xavisele swahava tiko ra wena, U ri xavisele lexi nga riki xa nkoka.

Esaya 6:11

Kutani ndzi ku: “Ku ta va ku fika rini, Hosi?” A ku: “Miti yi ko yi mbundzuka, yi pfumatiwa vaaki, ni tindlu ti pfumala vanhu, ni tiko ri onhaka ri va rhumbi;

Yeremiya 4:7

Nghala yi humile exihlahleni xa yona, kambe muonhi wa matiko u hlomile, u hume exivandleni xa yena ku ya onha tiko ra wena; miti ya wena yi ta herisiwa yi pfumala muaki.

Yeremiya 8:3

Kutani ku ta rhandziwa rifu ngopfu ku ri ni vutomi hi masalela hinkwawo lama saleke ya rixaka leri ro biha, ematikweni hinkwawo lawa ndzi nga ta ma hangalasa eka wona, ku vula Yehovha wa tinyimpi.

Swirilo 1:1

Wu tshamile wu ri woxe ha yini, muti lowu ingi wu ri ni vanhu vo tala xana? Muti lowu ngi wu ri nkulukumba exikarhi ka matiko, Wu hundzukile ha yini wu fana ni noni? Lowu ngi wu ri ntsindza exikarhi ka matiko, Wu hundzukile lowu fuyiweke ha yini-ke?

Swirilo 4:16

Mombo wa Yehovha wu hangalasile, Evukarini bya yena a nga tlheli a va languta. A va vanga na xichavo eka vaprista, A va tsetselelanga swidyuhati.

Ezekiele 12:20

Miti leyi teleke hi vanhu, yi ta lovisiwa, tiko ri ta hundzuka mananga, mi ta tiva hakona leswaku hi mina Yehovha.

Hosiya 9:6

Hikuva va ta rhurha hikwalaho ka ku onhaka; Egipta u ta va hlengeleta; Memfisi a va yimbela. Swilo leswinene swa vona swa silivhere, swi ta funengetiwa hi swigatlu, mahlwehlwe ma mila ematendeni ya vona.