Levhitika 26:19 - Xitsonga (Bibele)

¹⁹ Ndzi ta tshova ku tikukumuxa ka n'wina ni matimba ya n'wina ndzi endla tiko ra n'wina ri fana ni nsimbhi, ni misava ya n'wina, yi fana ni koporo.

BIBELE Mahungu Lamanene

¹⁹ Nkanu leyi endlaka leswaku mi tikurisa, ndzi ta yi herisa; ndzi ta pfala tilo ri tiya wonge i nsimbhi, ndzi nonon'hwisa misava yi tiya kukota koporo.

Levhitika 26:19 Referans Kwoze

Duteronoma 28:23

“Tilo ri ta va ra koporo ehenhla ka nhloko ya wena, ni misava yi ta va ya nhumbu ehansi ka wena.

1 TIHOSI 17:1

Kutani Eliya, wa Tixibe, munhu wa tiko ra Giliyadi, a ku eka Akabu: “Yehovha, Xikwembu xa Israele, loyi ndzi yimaka emahlweni ka yena, wa hanya! Malembe lawa ku nga ka ku nga vi na mpfula ni mberha, loko ku nga ri hi rito ra mina.”

Luka 4:25

Kunenenene ndzi ri eka n'wina: Vavasati va tinoni lavo tala a va ri kona etikweni ra Israele, emikarhini ya Eliya, loko tilo ri pfariwa hi malembe manharhu na ntlhanu wa tin'hweti ni n'hweti yin'we, kutani ndlala leyikulu yi va kona emisaveni hinkwayo;

Sofoniya 3:11

Esikwini lero, a ku nga ha khomiwi hi tingana hikwalaho ka swiendlo swa wena hinkwaswo leswi u ndzi hundzukeleke ha swona; hikuva kona ndzi ta susa lava titsakelaka eku tikukumuxeni ka vona exikarhi ka wena, kutani a ku nga ha tshami u tikukumuxa entshaveni ya mina leyi hlawulekeke.

Daniele 4:37

Sweswi, mina, Nebukadnetsara, ndza dzunisa, ndza vonga, ndza kurisa Hosi ya le matilweni hikuva mitirho ya yena i ya xiviri, ni tindlela ta yena i ku lulama, kutani u ni matimba ya ku tsongahata lava fambaka hi ku tikurisa.

Ezekiele 30:6

“Yehovha u ri: Loko va ri lava tiyisaka Egipta, va ta wa, ku tikukumuxa ka kona loka matimba ku ta tsongahatiwa; ku suka eMigidolo ku fika eSeyene, vanhu va ta wa hi fumu, ku vula Hosi Yehovha.

Yeremiya 13:9

“Ku vula Yehovha, a ku: ‘Ndzi ta borisisa sweswo vumbhurhi bya Yuda, ni vumbhurhi lebyikulu bya Yerusalema.

Esaya 25:11

exikarhi ka wona u ta tshambuluta mavoko tanihi xihlambi loko a hlamba, kambe ku tikurisa ka yena ku ta tsongahatiwa a nga koti nchumu hi mavoko.

1 SAMIELE 4:11

Areka ya Xikwembu yi tekiwa, na vona vana vambirhi va Heli, Hofini na Finiyasi, va dlawa.

Ezekiele 7:24

Ndzi ta vitana matiko lama tlulaka matiko hinkwawo hi ku biha, leswaku ma fuwa tindlu ta vona; ndzi ta susa vubombi bya lava tikurisaka, kutani swivandla leswo kwetsima swa vona swi ta nyamisiwa.

Esaya 26:5

Hikuva u tsongahatile lava akeke etindhawini leti nga ehenhla; u wu tsongahata ku fika ehansi, muti lowu tlakukeke,

Esaya 2:12

Hikuva ku ni siku ra Yehovha wa tinyimpi, ra ku tsongahata hinkwaswo leswi tlakukeke, ni hinkwaswo leswi tikukumuxaka;

1 SAMIELE 4:3

Tiko ri tlhela ri nghena emixaxeni, kutani vakulukumba va Israele va ku: “Xana Yehovha u hi tshikele yini hi hluriwa hi Vafilista namuntlha xana? A hi yeni Xilo, hi ya lava areka ya ntwanano wa Yehovha, a yi te xikarhi ka hina, yi hi ponisa emavokweni ya valala va hina.”

1 TIHOSI 8:35

“Kutakuloko tilo ri pfariwa, mpfula yi nga ni, hikuva a va ku dyohele, loko va khongela exivandleni lexi, va dzunisa vito ra wena, va tshika xidyoho xa vona, hikuva u va tsongahatile:

Esaya 28:1

Khombo ri ni xintlontlo lexi tiarisaka xa vapyopyiwa va Efrayimi, khombo ri ni xiluva lexi vuneke byi nga vubombi bya vona, ehenhla ka nkova lowu noneke wa lava hluriwaka hi vhinyo!

Yeremiya 3:3

Hikwalaho mpfula yi nga siveriwa, ni mpfula ya hlovo a yi vanga kona; kambe mombo wa wena i wa muoswi, a ku khomiwi hi tingana.

Ezekiele 24:21

‘U nge eka va yindlu ya Israele: Hosi Yehovha u ri: Vonani, ndzi ta nyamisa leswo kwetsima swa mina, ku nga ku tikukumuxa ka matimba ya n'wina, ni ku navela ka mahlo ya n'wina, ni leswi rhandziwaka hi mimoya ya n'wina; varisanyana va n'wina ni vanhwanyana va n'wina lava mi va siyeke va ta wisiwa hi fumu.

Duteronoma 11:17

hikuva vukari bya Yehovha byi ta mi pfurhela, u ta pfala tilo leswaku mpfula yi nga ha ni, na yona misava yi nga ha veki swa yona, kutani mi ta hatlisa ku fa emisaveni leyinene leyi Yehovha, Xikwembu xa n'wina, xi mi nyikaka yona.

Ezekiele 33:28

Ndzi ta endla tiko emananga ni rhumbi, ku tikukumuxa ka matimba ya rona ku ta hela, tintshava ta Israele ti ta onhaka, a ku nga vi na un'we la nga hundzaka eka tona.