Levhitika 26:16 - Xitsonga (Bibele)

¹⁶ na mina ndzi ta mi endla leswi: ndzi ta mi rhumela nchavo, xifuva, ni ku hisa ka miri swi ta heta mahlo ya n'wina, swi ta herisa ni timbilu ta n'wina; mi ta byalela timbewu ta n'wina mahala: valala va n'wina va ta ti dya.

BIBELE Mahungu Lamanene

¹⁶ ndzi ta mi endla leswi: Ndzi ta mi rhumela swilo swo chavisa ngopfu; mi ta va ni vuvabyi bya xifuva ni dari, byi mi dlaya mahlo byi mi heta ni matimba. Mi ta rima swilo leswi n'wina mi nga ta ka mi nga swi dyi, swi ta dyiwa hi valala va n'wina.

Levhitika 26:16 Referans Kwoze

Ntirho 31:8

Loko swi ri tano, ndza ha rima, un'wana u ta dya, Vusimekelo bya mina a byi tsuvuriwe!

1 SAMIELE 2:33

Ndzi ta tshika un'wana wa wena ekusuhi ni alitari ya mina, ku hisa mahlo ya wena ni ku dyisa moya wa wena mbitsi; kambe hinkwavo va yindlu ya wena va ta fa va nga si dyuhala.

Mikiya 6:15

U ta byala, kambe u nga ka u nga tshoveri; u ta khuvuta mihandzu ya mitlhwari, kambe a ku nga toli mafurha ya yona; u ta kama mihandzu ya tivhinya, kambe a ku nga nwi vhinyo.

Ezekiele 33:10

“Wena n'wana wa munhu, u nge eka va yindlu ya Israele: Mi vulavula, mi ku: ‘Hakunene swionho swa hina ni swidyoho swa hina swi le henhla ka hina, kutani ha ondza hikwalaho ka swona, hi nga hanyisa ku yini xana?’

Yeremiya 5:17

Ri ta dya mavele ya wena ni vuswa bya wena; ri ta dya vana va wena va xinuna ni va xisati; ri dya tinyimpfu ta wena ni tihomu ta wena; ri dya vhinya ya wena ni mikuwa ya wena, ri ta heta hi fumu miti ya wena ya makhokholo leyi u yi tshembeke.

Pisalema 78:33

Xi va tshika, masiku ya vona ma hela hi vuhava, Ni malembe ya vona hi ku hela loku tshukisaka.

Duteronoma 28:51

va ta dya marhole ya swifuwo swa wena, ni mihandzu ya misava ya wena, u ko u herisiwa; va nga ka va nga ku siyeli nchumu, hambi yi ri koro, ni vhinyo, ni mafurha, ni marhole ya tihomu ta wena, ni swinyimpfana swa tinyimpfu ta wena, va kondza va ku herisa.

Vaheveru 10:31

I mhaka leyi chavisaka ku wela emavokweni ya Xikwembu lexi hanyaka.

Zakariya 14:12

Hi rona khombo leri Yehovha a nga ta ba matiko hinkwawo lama hlaseleke Yerusalema: Nyama ya vona yi ta bola va ri karhi va yimile hi milenge ya vona, mahlo ya vona ma ta bola emakheleni ya wona, ni tindzimi ta vona emilon'wini ya vona.

Hagayi 1:6

ma dya, kambe a mi xurhi, ma nwa, kambe a mi kolwi; ma funengela, kambe a mi kufumeli; la tirhelaka hakelo, u yi tirhela ku yi nghenisa exikhwameni lexi boxekeke.

Yeremiya 20:4

Hikuva Yehovha u te: ‘Waswivo, ndzi ta ku endla ku chava, ku ri ka wena, ni ka maxaka ya wena hinkwawo, va ta wa hi fumu ra lava nga valala va vona, kutani u ta vona sweswo hi mahlo; kambe ndzi ta nyiketa va Yuda hinkwavo emavokweni ya hosi ya Babilona, leswaku a va yisa evukhumbini eBabilona, kutani a va dlaya hi fumu.

Yeremiya 15:8

Tinoni ta vona ti tlula sava ra lwandle, emahlweni ka mina. Ndzi tisile ku ta lwa na vona, ku ta lwa ni mana wa lavantshwa, e muonhi la onhaka ninhlekanhi; ndzi va wisele ehenhla hi xipuku, eku rhurhumela ni ku tsekatseka.

Yeremiya 12:13

Va byarile koro, kutani va tshovele mitwa; va tikarhatile, kambe a va tshovelanga nchumu. Mi va ni tingana eku tshoveleni ka n'wina, hikwalaho ka ku kariha loku hisaka ka Yehovha.”

Esaya 10:4

A ku salanga nchumu loko ku nga ri ku tsongahatiwa exikarhi ka lava bohiweke, kumbe ku wa exikarhi ka lava dlayiweke. Hambiswiritano, vukari bya yena a byi tlhelanga, ni voko ra yena ra ha tshambulutiwile.

Esaya 7:2

Kutani yindlu ya Davhida yi byeriwa leswaku: “Tiko ra Siriya ri tiyimisile ku yima ni tiko ya Efrayimi.” Kavaloko mbilu ya hosi ni timbilu ta vanhu va yena ti tsekatseka, tanihi mirhi ya swihlahla loko yi tsekatsekisiwa hi mheho.

Pisalema 109:6

Nyiketa munhu lowo tano emavokweni ya lowo biha, Kambe nala a a yime etlhelweni ra yena ra xinene!

Pisalema 73:19

Aha! Va herise ku yini kan'wekan'we, Va susiwa, va herisiwa hi ku chava?

Ntirho 20:25

U ta hlomula nseve emirini wa yena, Nhumbu leyo hatima yi huma exivindzini xa yena; U khomiwile hi ku chavisa ka rifu.

Ntirho 18:11

Michavo yi n'wi tshukisa matlhelo hinkwawo. Yi n'wi tshunxa, yi n'wi tsutsumela.

Vaavanyisi 6:11

Kutani ntsumi ya Yehovha yi ta, yi tshamisa ehansi ka nsinya wa munga lowu nga eOfira, wa Yowasi, Muabiezere. Gidiyoni, n'wana wa yena, a a ri karhi a hula mavele exikhuvutelweni, leswaku a ta ya fihlela Vamidiyani.

Duteronoma 32:25

Ehandle va ta dlawa hi tlhari, Endzeni, va ta fa hi nchavo: Jaha ri ta lova kukotisa wanhwanyana, La an'waka, kukota nkulukumba.

Eksoda 15:26

“Loko u yingisa rito ra Yehovha, Xikwembu xa wena, u endla leswi lulameke emahlweni ka yena, loko u rhiya ndleve eku leriseni ka yena, kutani u hlayisa milawu ya yena hinkwayo, ndzi nga ka ndzi nga ku tiseli makhombo lama nga wela Vaegipta; hikuva hi mina Yehovha muongori wa wena.”

1 TIHOSI 8:37

“Kungakuloko ndlala yi ta va kona etikweni, ni ntungu, ni mumu, ni ku bola ka mavele, ni tinjiya ta tinxakaxaka, loko valala va ta hlasela etikweni laha ku nga ni miti ya rona loko ntungu ni vuvabyi bya tinxakaxaka byi va kona;

Swivuriso 3:33

Xirhuko xa Yehovha xi le ndlwini ya vadyohi, Kambe u katekisa yindlu ya lava lulameke.

Esaya 62:8

Yehovha u hlambanyile hi voko ra yena ra xinene, hi voko ra matimba ra yena: “Ndzi nga ka ndzi nga ha nyiki valala va wena koro ya wena, leswaku va dya, kutani vana va n'eni va nga ka va nga ha nwi vhinyo ya wena, wu nga mbhandzu wa mitirho ya wena;

Yeremiya 15:3

Ndzi ta veka eka vona makhombo ya tinxaka ta mune, ku vula Yehovha: ri ta va tlhari leri dlayaka, ni timbyana leti handzulaka ni makoti ya tilo, ni swivandzana swa matiko ku dya ni ku onha.

Ezekiele 24:23

Mi ta tshama mi bohile duku etinhlokweni ta n'wina, mi vehele tintanghu ta n'wina emilengeni; mi nga ka mi nga rili, ni loko ku ri ku kolola; kambe mi ta tsundzuka swidyoho swa n'wina, mi rila un'wana eka un'wana.

Malakiya 2:3

Vonani, ndzi ta onha timbewu ta n'wina, ndzi hangalasa vulongo emimombyeni ya n'wina, byi nga vulongo bya swilo leswi tlhaveriwaka mikhuvo ya n'wina, kutani va ta mi cukumeta ehandle na byona.

Amosi 5:11

Hikwalaho, leswi mi kandziyelaka lontsongo, mi teka koro ya yena hi nsele; hambiloko mi akile tindlu hi maribye lama vatliweke, mi nga ka mi nga tshami eka tona; ni loko mi simekile tivhinya leto saseka, mi nga ka mi nga nwi vhinyo ya tona.