Levhitika 26:14 - Xitsonga (Bibele)

¹⁴ “ ‘Kambe loko mi nga ndzi yingisi, ni loko mi nga fambi hi milawu hinkwayo leyi,

BIBELE Mahungu Lamanene

¹⁴ “Kasi loko mi nga ndzi yingisi, ni loko mi tshika ku hanya hi swileriso swa mina,

Levhitika 26:14 Referans Kwoze

Swirilo 2:17

Yehovha u endlile lexi a xi kaneleke, U hetisile makungu lawa ingi a ma lerisile emikarhini ya khale; U mbundzuxile, kutani a nga tsetselelanga; U tsakisile lava ku vengaka, u tlakusile rimhondzo ra lava va nga valala eka wena.

Yeremiya 17:27

Kambe loko mi nga ndzi yingisi, loko ndzi mi lerisa ku hlayisa siku ra Savata, ni ku ka mi nga rhwari mirhwalo, ni ku ka mi nga yi nghenisi hi tinyangwa ta Yerusalema, hi siku ra Savata, ndzi ta tshivela ndzilo etinyangweni ta muti, leswaku wu ta hisa tindlu ta tihosi ta Yerusalema, kambe wu nga ka wu nga timiwi.” ’ ”

Levhitika 26:18

“ ‘Kutani, kwalaho, loko mi nga ndzi yingisi, ndzi ta engeta ndzi mi ba kambe eka ntlhanu na kambirhi, hikwalaho ka ku dyoha ka n'wina.

Vaheveru 12:25

Tilanguteleni leswaku mi nga tshuki mi alela la vulavulaka; hikuva leswi lava aleleke la nga vulavula na vona a ha ri emisaveni, va nga ponangiki, ngopfungopfu hina hi nga ponisa ku yini, loko hi fularhela la vulavulaka na hina a ri ematilweni;

Timhaka 3:23

kutani ku ta endleka leswaku un'wana ni un'wana loyi a nga yingisiki muprofeta yeloyi, u ta susiwa exikarhi ka tiko.’

Malakiya 2:2

Loko mi nga yingisi, mi nga ku veki embilwini, mi dzunisa vito ra mina, ku vula Yehovha wa mavandla, ndzi ta rhumela ndzhukano ehenhla ka n'wina, ndzi rhuketela mikateko ya n'wina; ina, ndzi ta swi rhukana, hikuva a mi swi veki etimbilwini.

Swirilo 1:18

“Yehovha u lulamile, kasi ndzi arile ku lerisa ka yena: Oho! Yingisani n'wina matiko hinkwawo, Kutani mi vona ku vaviseka ka mina; Vanhwanyana ni majaha ya mina va yile evukhumbini.

Yoxuwa 23:15

Kutani, kukotisa loko marito hinkwawo lamanene, lawa Yehovha a mi byeleke wona, ma endleriwile n'wina, na swona Yehovha u ta tiyisa ehenhla ka n'wina, marito hinkwawo layo biha mi ko mi hela ehenhla ka tiko lerinene leri Yehovha Xikwembu xa n'wina, a mi nyikeke rona.

Vaavanyisi 2:15

Hinkwako laha va yaka kona, voko ra Yehovha a ri lwa na vona, hilaha Yehovha a nga vula hakona, ni hilaha Yehovha a va hlambanyeleke hakona, kutani va va ekhombyeni lerikulu.

1 SAMIELE 12:15

Kambe loko mi nga yingisi rito ra Yehovha, ni loko mi arisa ku lerisa ka Yehovha, voko ra Yehovha ri ta va henhla ka n'wina kukotisa loko ingi ri va henhla ka vatata wa n'wina.

2 TIKRONIKA 7:19

Kambe loko mi hundzuka, ni loko mi fularhela ku lerisa ka mina, ni milawu ya mina leyi ndzi yi vekeke emahlweni ka wena, kutani mi ya tirhela swikwembu swin'wana, mi khinsama emahlweni ka swona;

Swivuriso 3:33

Xirhuko xa Yehovha xi le ndlwini ya vadyohi, Kambe u katekisa yindlu ya lava lulameke.

Yeremiya 11:8

Kambe a va yingisanga a va rhiyanga tindleve, kambe a va ri karhi va famba un'wana ni un'wana eku tinonon'hwiseni ka mbilu ya yena, ku va laha ndzi va humeselaka marito hinkwawo ya ntwanano lowu ndzi nga va lerisa leswaku va wu hlayisa, kambe a va wu hlayisanga.’ ”

Yeremiya 26:4

“U va byela, u ku: ‘Ku vula Yehovha: Kungakuloko mi nga ndzi yingisi, ku famba emilawini leyi ndzi yi vekeke emahlweni ka n'wina,

Yeremiya 28:8

Vaprofeta va vile kona emahlweni ka mina ni le mahlweni ka wena, enkarhini wa khale va profetile ematikweni yo tala ni le ku fumeni lokukulu, leswaku tinyimpi ni makhombo, ni ntungu swi ta va kona.

Yeremiya 40:2

Ndhuna ya valanguteri, a teka Yeremiya, a n'wi byela, a ku: “Yehovha Xikwembu xa wena, u vurile ku biha loku ehenhla ka xivandla lexi.

Daniele 9:13

Kukotisa loko ku tsariwile enawini wa Muxe, swo biha leswi hinkwawo swi hi humelele sweswo. Kambe a hi olovisanga mombo wa Yehovha, Xikwembu xa hina, hi ku tshika swidyoho swa hina, ni ku tlharihela ntiyiso wa wena.

Hosiya 7:12

Va ku va ha ya, ndzi ta cela rindzi ra mina ehenhla ka vona, ndzi va hlawula kukotisa nyanyana loko yi ri ehenhla, ndzi va tshinya hilaha va tivisiweke hakona enhlengeletanweni ya vona.

2 TIHOSI 22:13

“Yanani, mi ndzi vutisela Yehovha, mi vutisela ni tiko ni va Yuda hinkwavo hikwalaho ka buku leyi kumiweke; hikuva vukari bya Yehovha lebyi hi pfurheleke byikulu, hikuva vatata wa hina a va yingisangi marito ya buku leyi, ku endla hinkwaswo hilaha hi tsaleriweke hakona eka yona.”

2 TIKRONIKA 34:24

‘Yehovha u vurisa sweswo, a ku: “Ndzi ta tisa khombo ehenhla ka ndhawu leyi ni le henhla ka vaaki va yona, hi mirhukano hinkwayo leyi tsariweke ebukwini leyi va yi hlayeke emahlweni ka hosi ya Yuda.

Pisalema 81:12

Hi laha ndzi va tshikeke eku tiariseni ka timbilu ta vona, Va landzela switsundzuxo leswi nga swa vona ...

Yeremiya 32:23

Va vuya va ta ri fuma; kambe a va yingisangi rito ra wena, a va fambanga hi milawu ya wena, a va endlanga swilo hinkwaswo leswi u va leriseke swona, leswaku va swi endla; hilaha u va humeseleke makhombo lawa hinkwawo!