Levhitika 26:11 - Xitsonga (Bibele)

¹¹ Ndzi ta aka yindlu ya mina exikarhi ka n'wina, ni moya wa mina wu nga ka wu nga phirweki ha n'wina.

BIBELE Mahungu Lamanene

¹¹ Xivandla lexi ndzi nga ta tshama eka xona, xi ta va exikarhi ka n'wina; ndzi nga ka ndzi nga hambani na n'wina.

Levhitika 26:11 Referans Kwoze

Eksoda 25:8

Va ta ndzi lunghisela xikwetsimiso, ndzi ta tshamisa exikarhi ka vona.

Nhlavutelo 21:3

Kutani ndzi twa rito lerikulu ri huma exiluvelweni, ri ku: “Vonani tabernakela ya Xikwembu exikarhi ka vanhu; xi ta aka na vona, ri ta va tiko ra xona, kutani Xikwembu xi ta va na vona hi xiviri xa xona, xi va Xikwembu xa vona.

Eksoda 29:45

ndzi ta aka exikarhi ka vana va Israele, ndzi va Xikwembu xa vona;

Vaefesa 2:22

na n'wina mi ri karhi mi akiwa swin'we eka yena ku va yindlu ya Xikwembu eMoyeni.

Pisalema 106:40

Vukari bya Yehovha byi pfurhela tiko ra yena, Ndzhaka ya yena yi hundzuka xilo lexa manyala.

Pisalema 76:2

Tabernakela ya xona yi le Salema. Ni vutshamo bya xona eSiyoni.

Levhitika 20:23

Mi nga tshuki mi landza mikhuva ya tiko leri ndzi ri hlongolaka emahlweni ka n'wina, hikuva va endlile swilo sweswo hinkwaswo, hakona va ndzi nyenyetsa.

1 TIHOSI 8:27

“Kambe, xana kunene Xikwembu xi nga aka emisaveni xana? Waswivo, matilo ni matilo ya matilo a ma ku eneri; xana-ke Yindlu leyi ndzi akeke yona a hi yitsongo ku tlurisa xana?

1 TIHOSI 8:13

Kunene ndzi ku akele Yindlu, vutshamo lebyi u nga ta tshama eka byona hilaha ku nga heriki.”

Yoxuwa 22:19

Kambe loko tiko ra ndzhaka ya n'wina ri nga tenganga, pelelani etikweni ra ndzhaka ya Yehovha, laha yindlu ya Yehovha yi yimisiweke kona, kutani mi va ni ndzhaka exikarhi ka hina; kambe mi nga tshuki mi pfuka Yehovha, kutani mi nga hambani na hina hi ku tiakela alitari ehandle ka alitari ya Yehovha, Xikwembu xa hina.

Swirilo 2:7

Hosi yi phirhekile hi alitari ya yena, ni vukwetsimelo bya yena byi va manyala eka yena; U nyiketile emavokweni ya nala makhumbi ya tindlu ta yena ta vuhosi. Va tlakusile marito ya vona endlwini ya Yehovha, Kukota leswi endliwaka hi siku ra nkhuvo.

Yeremiya 14:21

Hikwalaho ka vito ra wena, u nga tshuki u sandzisa, hambi ku ri ku onha xiluvelo xa ku kwetsima ha wena. Anakanya, u nga tshuki u tshova ntwanano wa wena na hina!

Duteronoma 32:19

“Yehovha u swi vonile, kutani a kariha, U holovele vana va yena va xinuna ni va xisati,

Zakariya 11:8

Ndzi lovisa varisi vanharhu hi n'hweti yin'we; ntsena moya wa mina wu herisiwa mbilu hi tinyimpfu; na tona, mimoya ya tona yi phiriwa hi mina.

Pisalema 78:59

Kutani Xikwembu, loko xi vona sweswo, xi kariha, Xi phirweka ngopfu hi Vaisraele;

Nhlavutelo 7:15

Hikwalaho va nga emahlweni ka xiluvelo xa Xikwembu, va xi tirhela nhlekanhi ni vusiku etempeleni ya xona; kutani la tshamaka exiluvelweni u ta aka na vona, a va sirheleta.

Eksoda 29:46

va ta tiva leswaku hi mina Yehovha, Xikwembu xa vona lexi va humeseke etikweni ra Egipta, leswaku ndzi aka exikarhi ka vona. Hi mina Yehovha Xikwembu xa vona.”

Levhitika 26:15

loko mi sandza ku lerisa ka mina, ni loko mimoya ya n'wina yi phiriwa hi ku lerisa ka mina, leswaku mi nga fambi hi milawu ya mina hinkwayo, ni leswaku mi tlula ntwanano wa mina,

Levhitika 26:43

kambe tiko ri ta sala ntsena vona va nga ri kona, kutani ri ta titsakela eTisavateni ta rona, hi nkarhi lowu ri nga ta tshama ntsena va nga ri kona, kutani va ta amukela ku biwa ka milandzu ya vona, hikuva va sandzile ku lerisa ka mina ni mimoya ya vona yi vengile milawu ya mina.

Levhitika 26:44

Kambe, hambi va nghenile etikweni ra valala va vona, ndzi nga ka ndzi nga va cukumeti, ndzi nga ka ndzi nga va tshiki ndzi ko ndzi va heta, ndzi va ndzi tlula ntwanano wa mina na vona: hikuva hi mina Yehovha, Xikwembu xa vona.

Yoxuwa 22:31

Kavaloko Finiyasi, n'wana Eliyazara, muprista, a ku eka vana va Rhuveni, ni ka vana va Gadi, ni ka vana va Manase: “Namuntlha ha tiva leswaku Yehovha u le xikarhi ka hina, leswi mi nga dyohelangiki Yehovha hi mukhuva lowu: Sweswi mi ponisile vana va Israele evokweni ra Yehovha.”

2 SAMIELE 7:7

Hinkwako laha ndzi fambeke kona ni vana va Israele hinkwavo, xana ndzi vurile rito rin'we eka rin'wana ra tinyimba ta Israele leti ndzi ti leriseke ku risa Israele, tiko ra mina, ndzi te: “A mi ndzi akelanga ha yini yindlu ya kedari xana?” ’

1 TIHOSI 6:13

kutani ndzi ta aka exikarhi ka vana va Israele, ndzi nga tshiki tiko ra mina ra Israele.”

Yuwele 2:27

Mi ta tiva leswaku ndzi le xikarhi ka Israele, ni leswaku mina Yehovha ndzi Xikwembu xa n'wina; a ku na xin'wana; tiko ra mina ri nga ka ri nga ha tshami ri khomiwa hi tingana, ni siku ni rin'we.