Levhitika 24:7 - Xitsonga (Bibele)

⁷ U ta veka ehenhla ka rixaxa rin'wana ni rin'wana murhi wa risuna, xi va xitsundzuxo ehenhla ka swinkwa, yi nga nyiko leyi hisiwaka emahlweni ka Yehovha.

BIBELE Mahungu Lamanene

⁷ Erixaxeni rin'wana ni rin'wana, u ta veka murhi lowu tengeke wa risuna wo suma swinkwa, lowu wu nga ta humeseriwa mina HOSI.

Levhitika 24:7 Referans Kwoze

Levhitika 2:2

U ta swi yisa eka vaprista, vana va Aroni; kutani va ta teka xandla xa mapa layo saseka, lama cheriweke mafurha, ni mirhi ya risuna hinkwayo; kutani muprista u ta swi hisa ealitarini kukotisa xitsundzuxo, yi va mhamba leyi hisiwaka leyi nga ni risuna eka Yehovha.

Vaheveru 7:25

Hikwalaho, naswona, a swi kota ku ponisa, hi ku hetisisa lava tshinelelaka Xikwembu ha yena, hikuva u karhi wa hanya hi masiku ku va khongelela.

Vaefesa 1:6

eku dzunisiweni ka tintswalo to kwetsima ta xona, leti xi hi endleke ha tona lava tsakisaka eka Murhandziwa wa xona,

Timhaka 10:31

‘Korneliyo, mikhongelo ya wena yi yingisiwile, ni ku hanana ka wena ku fikile emahlweni ka Xikwembu xi va xitsundzuxo eka xona.

Timhaka 10:4

Yena loko a yi langutile, a tshuka hi ku chava, a ku: “Ku ni yini, Hosi?” Yi ku eka yena: “Mikhongelo ni ku hanana ka wena swi tlhandlukele emahlweni ka Xikwembu swi va switsundzuko eka xona.

Yohane 6:51

Hi mina vuswa lebyi hanyaka lebyi xikeke hi le tilweni; kungakuloko munhu a dya vuswa lebyi, u ta hanya hi masiku; kutani vuswa lebyi ndzi nga ta byi nyika, i nyama ya mina, leyi ndzi nga ta yi nyika misava, leswaku yi hanya.”

Yohane 6:35

Yesu a ku eka vona: “Hi mina vuswa bya vutomi; la taka eka mina, a nga ka a nga twi ndlala, ni la pfumelaka eka mina a nga ka a nga twi torha, ni siku ni rin'we.

Eksoda 17:14

Kutani Yehovha a ku eka Muxe: “Tsala mhaka leyi ebukwini, xi va xitsundzuxo lexi hlayisiwaka, u tivisa Yoxuwa leswaku ndzi ta lovisa ku tsundzukiwa ka Amaleke ehansi ka tilo.”

Eksoda 13:9

Xi ta va xikombiso evokweni ra wena, ni xitsundzuxo exikarhi ka mahlo ya wena. Nawu wa Yehovha wu ta va enon'wini wa wena, hikuva Yehovha a ku humesile eEgipta hi voko ra matimba.

Eksoda 12:14

Siku lero xi ta va xitsundzuxo xa n'wina; mi ta ri hlawula wu va nkhuvo wa Yehovha etinxakeni ta tinxaka: ku ve ku lerisa loku nga heriki.

Genesa 9:16

Nkwangulatilo wu ta va kona epapeni, kutani ndzi ta wu vona, ndzi tsundzuka ntwanano lowu nga riki na ku hela, lowu nga kona exikarhi ka Xikwembu ni leswi hanyaka hinkwaswo swa nyama yin'wana ni yin'wana leyi nga emisaveni.”

Eksoda 28:12

Maribye mambirhi u ta ma veka emakatleni ya efodi leswaku ma va maribye ya xitsundzuxo xa vana va Israele; Aroni u ta rhwala mavito ya vana va Israele emahlweni ka Yehovha emakatleni ya yena, xi va xitsundzuxo.

Levhitika 2:9

Muprista u ta pambula eka nyiko xitsundzuxo xa yona, u ta xi hisa ealitarini, yi va mhamba leyi hisiwaka leyi nga ni risuna eka Yehovha.

Esaya 43:23

A ku ndzi humeselangi tinyimpfu ta tiholokosta ta wena, a ku ndzi tlangelanga hi timhamba ta wena. A ndzi ku sindzisanga ku humesa mihlengo, a ndzi ku karhatelanga mirhi ya risuna.

Levhitika 2:1

“ ‘Loko munhu a humesela Yehovha nhlengo wa nyiko, nhlengo wa yena wu ta va wa mapa layo saseka; u ta chela mafurha ni mirhi ya risuna ehenhla ka wona.