Levhitika 24:2 - Xitsonga (Bibele)

² “Lerisa vana va Israele va ku tisela mafurha yo saseka ya mitlhwari leyi khuvutiweke, leswaku ma cheriwa hi masiku hinkwawo emavoningweni ya kandelari.

BIBELE Mahungu Lamanene

² “Lerisa Vaisraele leswaku va ndzi tisela mafurha layo tenga lama humaka eka murhi wa mutlhwari, leswaku rivoni ri ta lumekiwa namadyambu siku rin'wana ni rin'wana.

Levhitika 24:2 Referans Kwoze

2 Vakorinto 4:6

Hikuva Xikwembu lexi nga ku: “Ku vonakala a ku humelele emunyameni,” hi xona lexi tsuvukiseke etimbilwini ta hina ku vonakala, ni ku tiva ka ku kwetsima ka Xikwembu, emahlweni ka Kriste.

Yohane 8:12

Kutani Yesu a tlhela a vulavula na vona, a ku: “Hi mina ku vonakala ka misava; la ndzi landzelaka, a nga ka a nga fambi emunyameni, kambe u ta va ni ku vonakala ka vutomi.”

Timhaka 26:18

ku ya hanyanyisa mahlo ya vona, leswaku va huma emunyameni va nghena eku vonakaleni, va suka ni le ku fumeni ka Satana ku hundzukela eka Xikwembu, va ta vona ku khomeriwa ka swidyoho swa vona, ni ku averiwa exikarhi ka vakwetsimi, loko va pfumerile eka mina.’

Yohane 5:35

Yohane a a ri rivoningo leri pfurhaka, leri voningaka; kutani n'wina mi rhandzile ku tsakela ku vonakala ka yena hi nkarhinyana.

Yohane 1:9

A ku ri kona ku vonakala lokunene loku voningaka munhu un'wana ni un'wana la tumbulukaka la emisaveni.

Yohane 1:4

Vutomi a byi ri eka rona, kutani vutomi a byi ri ku vonakala ka vanhu.

Luka 12:35

“A ku tsimbiwe swisuti swa n'wina, mavoningo ya n'wina a ma lumekiwe.

Luka 1:79

leri nga huma ehenhla ku voninga lava nga tshama emunyameni ni le ndzhutini wa rifu, ni ku fambisa mikondzo ya hina endleleni ya ku tsaka.”

Matewu 5:16

Ku vonakala ka n'wina a ku voningise vanhu sweswo, va ta vona mitirho ya n'wina leyo saseka, va dzunisa Tata wa n'wina la nga etilweni.

Matewu 4:16

Tiko leri ngi ri tshame emunyameni, ri vonile ku vonakala lokukulu; volavo ingi va tshamile etikweni ra rifu ni le ndzhutini wa rona, ku vonakala ku va humelele.”

Esaya 11:2

Moya wa Yehovha wu ta tshama ehenhla ka yena, moya wa vutlhari ni wa mianakanyo, moya wa ntsundzuxo ni wa matimba, moya wa ku tiva ni wa xichavo xa Yehovha.

Esaya 8:20

A hi tlheleleni enawini ni le vumbhonini. Kungakuloko ku nga yiwi hi rito leri, tiko a ri nga ha tsuvukeriwi hi vurhonga byin'wana!

Swivuriso 6:23

Hikuva xitsundzuxo i rivoningo, ni dyondzo i ku vonakala, Ku tshinya ka ku laya i ndlela ya vutomi:

Pisalema 119:130

Hlavutelo ya marito ya wena ya voninga, Yi nyika lavo rivala ku twisisa.

Pisalema 119:105

Rito ra wena i rivoningo emilengeni ya mina, Ni ku vonakala endleleni ya mina.

2 TIKRONIKA 13:11

Siku rin'wana ni rin'wana, nimixo ni madyambu, va hisela Yehovha tiholokosta ni mirhi ya risuna, va veka ni swinkwa swa xikombiso etafuleni leri tengeke va lumeka nimadyambu masiku hinkwawo mavoningo ya kandelari ya nsuku, hikuva hi hlayisa milawu ya Yehovha, Xikwembu xa hina, kambe n'wina mi n'wi tshikile.

Eksoda 40:24

Kandelari, yona a yi veka endlwini ya nhlengeletano, yi lavane ni tafula, edzongeni ra tabernakela.

Eksoda 39:37

ni kandelari ya nsuku lowo tenga, ni mavoningo ya yona, ni timboningo leti lunghisiweke, ni swibya swa yona hinkwaswo, ni mafurha ya rivoni;

Levhitika 24:1

Yehovha a byela Muxe, a ku:

Levhitika 24:3

Aroni a ta yi lunghisa ehandle ka xisirhelo xa vumbhoni, etabernakeleni ya nhlengeletano; ya ta pfurha emahlweni ka Yehovha hi masiku hinkwawo, ku sungula nimadyambu, ku fika nimixo: I ku lerisa loku nga heriki ka vatukulu va n'wina.