Levhitika 24:11 - Xitsonga (Bibele)

¹¹ Kavaloko n'wana wa wansati wa Israele a sandza ni ku rhuketela vito ra Xikwembu; kutani va n'wi tisa eka Muxe. Vito ra mana wa yena a a ri Xelomiti, n'wana Dibri, wa nyimba ya Dani.

Levhitika 24:11 Referans Kwoze

Esaya 8:21

Ri ta pepetseka emisaveni exikarhi ka masangu, ri ta xanisiwa ri twa ndlala; kutakuloko ri twa ndlala, ri ta kariha, ri rhuketela hosi ya rona ni Xikwembu xa rona; kutani ri ta languta ehenhla,

Ntirho 2:5

Wa nga tlakusa voko ra wena, u khumba marhambu ya yena ni nyama ya yena u vona loko a nga ku rhukani erivaleni xana?”

Eksoda 20:7

“U nga tshuki u tlanga hi vito ra Yehovha Xikwembu xa wena, hikuva Yehovha a nga ka a nga tshiki nandzu wa la tlangaka hi vito ra yena.

Eksoda 18:26

leti faneleke ku avanyisela tiko hi masiku; timhaka leto nonon'hwa, va ti tisa eka Muxe; letitsongo va ti avanyisa va ri vona.

Eksoda 18:22

kutani ti avanyisela tiko hi masiku; timhaka letikulu hinkwato ti ti tisa eka wena, letitsongo ti ti heta ti ri tona. Hunguta ndzhwalo wa wena va wu rhwala swin'we na wena.

Eksoda 3:15

Xikwembu xi engeta xi ku eka Muxe: “U ta va byela, u ku: ‘Yehovha, Xikwembu xa vatata wa n'wina, Xikwembu xa Abrahama, Xikwembu xa Isaka, Xikwembu xa Yakobo, xi ndzi rhumile eka n'wina.’ Hi rona vito ra mina hilaha ku nga heriki; hi xona xitsundzuxo xa mina etinxakeni ta tinxaka.

Nhlavutelo 16:21

Kutani xihangu lexikulu lexi nga ni ku tika ka talenta, xi na hi le tilweni, xi wela ehenhla ka vanhu; kambe vanhu va sandza Xikwembu hikwalaho ka khombo ra xihangu, hikuva i khombo lerikulu ngopfu.

Nhlavutelo 16:11

Kutani va sandza Xikwembu xa le henhla hikwalaho ka ku vaviseka ka vona, ni ka swilondza swa vona, kambe a va hundzukanga eku endleni ka vona.

1 Timotiya 1:13

Kambe ndzi tsetseleriwile hi tintswalo, hikuva a ndzi endla hi ku kohleka, ndzi nga si pfumela;

Varhoma 2:24

Hikuva vito ra Xikwembu ri soriwa hikwalaho ka n'wina exikarhi ka vahedeni hinkwavo, hilaha ku tsariweke hakona.

Matewu 26:65

Kutani muprista lonkulu a handzula tinguvu ta yena, a ku: “U sandzile Xikwembu; ha ha tilavela yini timbhoni? Vonani, mi yingisile sweswi, ku sandza ka yena. N'wina mi ri yini?”

Pisalema 74:22

Pfuka, oho Xikwembu, lwela mhaka ya wena. Tsundzuka ku sandziwa loku nala a ku sandzaka hakona hi masiku!

Pisalema 74:18

Tsundzuka leswaku nala wa sandza, Yehovha, Tiko leri nga riki na mano ri sola vito ra wena.

Ntirho 1:22

Eka swona hinkwaswo, Yobo a nga sandzanga, a nga vekangi nandzu eka Xikwembu, ni lowutsongo.

Ntirho 1:11

Wa nga tshambuluta voko ra wena u khumba hinkwaswo leswi a nga na swona, u ta vona xana a nga ka a nga ku sandzi emahlweni erivaleni-ke?”

Ntirho 1:5

Kuteloko va hetile mikhuvo ya vona, Yobo a a va vitana ku ta va basisa, a pfuka nimixo, a tlhava magandzelo yo hisiwa lama ringanaka ntsengo wa vona hinkwavo, hikuva Yobo a a ku: “Kumbe vana va mina va dyohile; va rivele Xikwembu etimbilwini ta vona.” Yobo a a tshama a endlisa sweswo hi masiku hinkwawo.

2 TIHOSI 19:22

“ ‘U rhukanile mani, u sandzile mani, xana? U tlakusile rito ra wena ehenhla ka mani? U tlakusile mahlo ya wena ehenhla ku lwa ni Mukwetsimi wa Israele.

2 TIHOSI 19:10

“Mi ta vurisa sweswo eka Hezekiya, hosi ya Yuda, mi ku: ‘U nga tshuki u xisiwa hi Xikwembu xa wena lexi u xi tshembaka loko u ku: “Yerusalema, a nga ka a nga nyiketiwi emavokweni ya hosi ya Asiriya.”

2 TIHOSI 19:6

Kutani Esaya a ku eka vona: “Mi ta vurisa sweswo eka hosi ya n'wina, mi ku: ‘Yehovha u vurisile sweswo, a ku: “U nga chavi hikwalaho ka marito lawa u ma yingiseke, lawa malandza ya hosi ya Asiriya ma ndzi sandzeke ha wona.

2 TIHOSI 18:37

Kavaloko Eliyakimi, n'wana Hilkiya, ndhuna ya yindlu ya hosi, na Xebina, mutsari, na Yowa, n'wana Asafa, muhlayisi wa timhaka, va ta eka Hezekiya, tinguvu ta vona ti handzuriwile va n'wi byela marito ya Rhabi-Xake.

2 TIHOSI 18:35

Hi swihi swikwembu exikarhi ka swikwembu hinkwaswo swa matiko lawa leswi kutsuleke matiko ya swona evokweni ra mina, leswaku Yehovha a kutsula Yerusalema, evokweni ra mina-ke?’ ”

2 TIHOSI 18:30

Hezekiya a nga tshuki a mi khongotela ku tshemba Yehovha, a ku eka n'wina: “Yehovha u ta hi kutsula kunene, ni muti lowu wu nga ka wu nga nyiketiwi emavokweni ya hosi ya Asiriya.” ’

1 TIHOSI 21:13

kutani vanhu vambirhi lavo biha va ta tshamisa emahlweni ka yena; vanhu vo biha lava, va vula vumbhoni ehenhla ka Naboto, emahlweni ka tiko, va ku: “Naboto u rhukanile Xikwembu ni hosi.” Kutani va n'wi humesela ehandle ka muti, va n'wi khandla hi maribye, a fa.

1 TIHOSI 21:10

mi veka ni vanhu vambirhi lavo biha emahlweni ka yena, leswaku va vula vumbhoni ehenhla ka yena, va ku: ‘U rhukanile Xikwembu ni hosi.’ Kutani mi n'wi humesela ehandle, mi n'wi khandla hi maribye, a fa.”

2 SAMIELE 12:14

kambe leswi u tsan'wiseke Yehovha eka valala va yena emhakeni leyi, n'wana loyi u velekeriweke yena u ta fa hakunene.”

Eksoda 22:28

“U nga tshuki u sandza Xikwembu xa wena, nakambe u nga tshuki u rhukana hosi ya ka rikwenu.

Levhitika 24:10

N'wana wa wansati wa Muisraele, kambe tata wa yena a a ri Muegipta, a ta exikarhi ka vana va Israele; a lwa emixaxeni ni wanuna wa Israele.