Levhitika 23:5 - Xitsonga (Bibele)

⁵ “ ‘En'hwetini yo sungula, hi siku ra khume na mune, nimadyambu, i Paseka ya Yehovha;

BIBELE Mahungu Lamanene

⁵ “Hi siku ra vu-14 ra n'hweti yo sungula, hi minkarhi ya madyambu, ku ta va ni Nkhuvo wa Paseka wo tlangela mina HOSI.

Levhitika 23:5 Referans Kwoze

Yoxuwa 5:10

Vana va Israele va dzima mixaxa eGiligala, kutani va endla Paseka hi siku ra 14 ra n'hweti, nimadyambu erivaleni ra Yeriko.

Matewu 26:17

Hi siku leri sungulaka nkhuvo wa swinkwa leswo kala comela, vadyondzisiwa va ta eka Yesu, va ku: “Hi kwihi laha u rhandzaka leswaku hi ya ku lunghisela Paseka, laha u nga yi dyelaka kona.”

Eksoda 23:15

U ta hlayisa nkhuvo wa vuswa lebyo kala comela hi masiku ya ntlhanu na mambirhi hi n'hweti ya Abibi, u ta dya vuswa lebyo kala comela hilaha u lerisiweke hakona; hikuva hi yona n'hweti leyi u humeke eEgipta ha yona; kutani vanhu va nga tshuki va humelela ntsena emahlweni ka mina.

Luka 22:7

Kuteloko siku ro sungula ra swinkwa leswo kala comela ri fikile, ri nga leri va tlhavaka Paseka ha rona,

Marka 14:12

Hi siku leri sungulaka nkhuvo wa swinkwa leswo kala comela, ri nga leri ku tlhaviwaka Paseka ha rona, vadyondzisiwa va ku eka yena: “U rhandza leswaku hi ya ku lunghisela kwihi Paseka, laha u nga yi dyelaka kona?”

Ezekiele 45:21

“Hi n'hweti yo rhanga, hi siku ra khume na mune ra n'hweti, mi ta va ni Paseka, nkhuvo wa masiku ya ntlhanu na mambirhi. Ku ta dyiwa swinkwa swo kala comela.