Levhitika 23:4 - Xitsonga (Bibele)

⁴ “ ‘Hi leyi mikhuvo ya Yehovha, hileswaku tinhlengeletano leto kwetsima leti mi nga ta ti lerisa emikarhini ya tona:

BIBELE Mahungu Lamanene

⁴ Minkhuvo leyi yi vekiweke yo tlangela mina HOSI, ma nga masiku lawa mi faneleke ku vitanana ha wona, mi hlengeletana mi ndzi gandzela, hi leyi:

Levhitika 23:4 Referans Kwoze

Levhitika 23:2

“Byela vana va Israele, u ku eka vona: ‘Hi yona mikhuvo ya Yehovha leyi mi nga ta yi lerisa leswaku ti va tinhlengeletano leti hlawuriweke. Hi yona mikhuvo ya mina.

Eksoda 23:14

“U ta ndzi endlela nkhuvo kanharhu hi lembe.

Levhitika 23:37

“ ‘Hi yona mikhuvo ya Yehovha, ti nga tinhlengeletano leti hlawuriweke, mi ta ti tivisa leswaku ku humeseriwa Yehovha magandzelo lama hisiwaka, ti nga tiholokosta, ni mihlengo, ni timhamba, ni vhinyo; xilo xin'wana ni xin'wana xi ta humesiwa hi siku ra xona.

Eksoda 12:14

Siku lero xi ta va xitsundzuxo xa n'wina; mi ta ri hlawula wu va nkhuvo wa Yehovha etinxakeni ta tinxaka: ku ve ku lerisa loku nga heriki.

Levhitika 23:21

Hi siku rolero mi ta tivisa nkhuvo, kutani mi ta va ni nhlengeletano leyi hlawuriweke; mi nga tshuki mi tirha ntirho ni wun'we lowo tika. I ku lerisa loku nga heriki ka vatukulu va n'wina, ematikweni hinkwawo lawa mi nga ta aka eka wona.

Nehemiya 8:15

ni leswaku va fanele ku hangalasa ni ku rhuma xitiviso emitini hinkwayo ya vona ni Yerusalema, lexi nge: “Yanani entshaveni mi ya teka marhavi ya mutlhwari lowu velekaka mafurha, ni marhavi ya mutlhwari wa nhova, ni marhavi ya mirta, ni marhavi ya micindzu, ni marhavi ya mirhi leyi teleke matluka, mi ta endla mitsonga ha wona, hilaha ku tsariweke hakona.”

Ezekiele 44:24

Va ta yima va avanyisa timhaka; va ta avanyisa hi ku avanyisa ka mina; va ta hlayisa milawu ya mina ni ku lerisa ka mina emikhubyeni ya mina hinkwayo, va kwetsimisa Tisavata ta mina.

Nahume 1:15

Vonani ehenhla ka tintshava milenge ya la vulavulaka timhaka ta tintswalo, a twarisaka ta ku rhula! Wena, Yuda, endla mikhuvo ya wena, u riha ku hlambanya ka wena, hikuva lowa vumbabva a a nga ha hundzi eka wena; u lovisiwile makumu.

Esaya 29:1

Khombo ri na Ariele, ri na Ariele, muti lowu Davhida a simekeke ntsonga wa yena kona! Engetelelani lembe hi lembe; a ku tlhandlamane mikhuvo,