Levhitika 23:3 - Xitsonga (Bibele)

³ “ ‘Ku ta tirhiwa hi masiku ya ntlhanu na rin'we; kambe siku ra ntlhanu na mambirhi, i Savata, siku ra ku wisa leri nga ni nhlengeletano leyi hlawuriweke; mi nga tshuki mi tirha ntirho ni wun'we; i ku wisa loku hlawuleriweke Yehovha emitini hinkwayo ya n'wina.

BIBELE Mahungu Lamanene

³ Mi ni masiku ya 6 lawa mi faneleke ku endla mintirho ya n'wina hinkwayo ha wona, kambe siku ra vu-7 i siku ro wisa ra Savata, leri mi faneleke ku hlengeletana ha rona mi ndzi gandzela. Hi siku leri, hinkwako lomu mi tshamaka kona, mi nga tshuki mi tirha ntirho ni wun'we; siku ra Savata ri hlawuleriwile mina HOSI.

Levhitika 23:3 Referans Kwoze

Levhitika 19:3

“ ‘Un'wana ni un'wana a a xixime mana wa yena ni tata wa yena; a a hlayise ni Tisavata ta mina. Hi mina Yehovha, Xikwembu xa n'wina.

Eksoda 23:12

“U ta tirha ntirho wa wena hi masiku ya ntlhanu na rin'we, kambe u ta wisa hi siku ra vuntlhanu na mambirhi leswaku homu ya wena ni mbhongolo ya wena swi wisa na swona ni leswaku n'wana wa khumbi ra wena ni wamatiko va wisa na vona.

Luka 13:14

Kambe hosi ya sinagoga yi hlunama, hikuva Yesu a a hanyisile munhu hi Savata, kutani yi byela vanhu, yi ku: “Ku ni masiku ya ntlhanu na rin'we, lawa ku fanelaka ku tirhiwa ha wona, tanani ha wona ku ta horisiwa, ku nga ri hi siku ra Savata.”

Eksoda 34:21

“U ta tirha hi masiku ya ntlhanu na rin'we, kutani u wisa hi siku ra ntlhanu na mambirhi; u ta wisisa sweswo, hambi ku ri loko ku rimiwa, hambiloko ku tshoveriwa.

Nhlavutelo 1:10

A ndzi tekiwile emoyeni hi siku ra Hosi, kutani ndzi twa endzhaku ka mina rito lerikulu kukotisa ra nanga,

Timhaka 15:21

hikuva ku sukela etinxakeni ta khale, Muxe u ni lava n'wi vulaka emutini wun'wana ni wun'wana, leswi a hlayiwaka emasinagogeni hi masiku hinkwawo ya Savata.”

Luka 23:56

Kutani va tlhelela ekaya, va ya lunghisa mirhi ya risuna; kambe hi siku ra Savata, va wisa hi nawu.

Esaya 58:13

“Loko u khoma nenge wa wena leswaku u nga tluri nawu wa Savata, hi ku ka u nga endli swa wena hi siku lero ra mina lero kwetsima, loko u vula leswaku siku ra Savata hi kona ku tsaka ka wena, ni leswaku lexi kwetsimeleke Yehovha xi fanekeriwa hi xichavo; loko u ri hlawula hi ku ka u nga fambi hi tindlela ta wena, hi ku ka u nga endli ku rhandza ka wena, u nga vuri timhaka ta swahava,

Esaya 56:6

Kutani vamatiko lava nga ta namarhela Yehovha ku n'wi tirhela, ni ku rhandza vito ra Yehovha, ku va malandza ya yena, hinkwavo lava nga ta hlawula Savata hi ku ka va nga ri nyamisi, lava nga ta tiyisela entwananweni wa mina,

Esaya 56:2

Ku katekile munhu loyi a endlaka sweswo, ni n'wana wa munhu la tiyiselaka ka swona, a ri karhi a hlayisa Savata hi ku ka a nga ri nyamisi, a ri karhi a tlhariha leswaku voko ra yena ri nga tshuki ri endla swo biha!”

Eksoda 16:29

Anakanyani leswaku Yehovha u mi nyikile Savata, hikwalaho a mi nyikaka vuswa bya masiku mambirhi hi siku ra ntlhanu na rin'we. Un'wana ni un'wana a a tshame ekaya, ku nga tshuki ku va na munhu la humaka ekaya hi siku ra ntlhanu na mambirhi.”

Eksoda 16:23

Kutani Muxe a ku eka vona: “Hi yona mhaka leyi lerisiweke hi Yehovha. Mundzuku i siku ra ku wisa, i Savata leri hlawuleriweke Yehovha; leswi mi swi swekaka, swekani namuntlha, mi oxa leswi oxiwaka, kutani hinkwaswo leswi salaka, mi swi hlayisela mundzuku.”

Eksoda 16:30

Kutani tiko ri wisa hi siku ra ntlhanu na mambirhi.