Levhitika 23:21 - Xitsonga (Bibele)

²¹ Hi siku rolero mi ta tivisa nkhuvo, kutani mi ta va ni nhlengeletano leyi hlawuriweke; mi nga tshuki mi tirha ntirho ni wun'we lowo tika. I ku lerisa loku nga heriki ka vatukulu va n'wina, ematikweni hinkwawo lawa mi nga ta aka eka wona.

BIBELE Mahungu Lamanene

²¹ Hi siku roleri, mi fanele ku vitanana, mi hlengeletana mi ndzi gandzela, mi nga tirhi ntirho na wun'we lowu tikaka. Nawu lowu, mi fanele ku wu landza hinkwako lomu mi nga ta tshama kona, n'wina ni vatukulu va n'wina hilaha ku nga heriki.

Levhitika 23:21 Referans Kwoze

Levhitika 23:2

“Byela vana va Israele, u ku eka vona: ‘Hi yona mikhuvo ya Yehovha leyi mi nga ta yi lerisa leswaku ti va tinhlengeletano leti hlawuriweke. Hi yona mikhuvo ya mina.

Tinhlayo 18:23

Valevhi va ta tirha ntirho wa tabernakela ya nhlengeletano, kutani va ta rhwala milandzu ya vona. I ku lerisa loku nga heriki etinxakeni ta tinxaka; va nga ka va nga vi na ndzhaka exikarhi ka vana va Israele.

Levhitika 23:14

Mi nga tshuki mi dya vuswa, hambi ti ri tindzhoho leti oxiweke, kumbe leti siriweke, ku ko ku fika siku rolero mi tisaka nhlengo wa Xikwembu xa n'wina; i ku lerisa loku nga heriki etinxakeni ta n'wina ematikweni hinkwawo laha mi nga ta aka kona.

Levhitika 23:4

“ ‘Hi leyi mikhuvo ya Yehovha, hileswaku tinhlengeletano leto kwetsima leti mi nga ta ti lerisa emikarhini ya tona:

Genesa 17:7

“Kutani ndzi ta tiyisa ntwanano wa mina exikarhi ka mina na wena, ni vatukulu va wena endzhaku ka wena, etinxakeni ta vona, wu va ntwanano lowu nga heriki, ndzi ta va Xikwembu xa wena ni xa vatukulu va wena endzhaku ka wena.

Esaya 11:10

Enkarhini wolowo rimitsu ra Yese ri ta yimiseriwa matiko tanihi mfungho, matiko ma ta ri lava, kutani vuako bya rona byi ta va ku vonakala ntsena.

Duteronoma 16:11

U ta titsakela emahlweni ka Yehovha, Xikwembu xa wena, u ri ni n'wana wa wena wa wanuna, ni wa wansati, ni nandza wa wena wa wanuna ni wa wansati, ni Mulevhi la nga emindyangwini ya wena, ni xisiwana, ni noni, va ri lava nga ta tshama exikarhi ka n'wina, exivandleni lexi Yehovha, Xikwembu xa wena, a nga ta xi hlawula ku akisa vito ra xona kona;

Levhitika 23:7

Hi siku ro rhanga, mi ta va ni nhlengeletano leyo kwetsima; mi nga tshuki mi tirha ntirho ni wun'we lowo tika.

Levhitika 3:17

Hi ku lerisa loku nga heriki etinxakeni ta n'wina, hinkwako laha mi nga ta aka kona: mi nga tshuki mi dya mafurha, hambi yi ri ngati.’ ”

Levhitika 23:20

Muprista u ta swi ndziwita ni swinkwa swa swirhangana, wu va nhlengo lowu ndziwitiwaka emahlweni ka Yehovha; swi ta hlawuleriwa Yehovha swin'we ni swinyimpfana swimbirhi, kutani swi ta va swa muprista.

Levhitika 23:25

Mi nga ka mi nga tirhi ntirho ni wun'we lowo tika, kambe mi ta humesela Yehovha magandzelo lama hisiwaka.’ ”

Eksoda 27:21

Aroni ni vana va yena va ta ti lunghisa eTabernakeleni, ehandle ka nguvu leyi nga emahlweni ka vumbhoni, leswaku ti voninga emahlweni ka Yehovha, ku sungula nimadyambu, ku fika nimixo. I ku lerisa loku nga heriki etinxakeni ta vana va Israele.”

Levhitika 23:31

Mi nga tshuki mi tirha ntirho ni wun'we. I nawu lowu nga heriki wa vatukulu va n'wina ematikweni hinkwawo laha mi nga ta aka kona.