Levhitika 23:2 - Xitsonga (Bibele)

² “Byela vana va Israele, u ku eka vona: ‘Hi yona mikhuvo ya Yehovha leyi mi nga ta yi lerisa leswaku ti va tinhlengeletano leti hlawuriweke. Hi yona mikhuvo ya mina.

BIBELE Mahungu Lamanene

² ku ya tivisa Vaisraele marito ya xona lama nge: “Ku ni masiku lawa ndzi ma vekeke ya minkhuvo, lawa mi faneleke ku hlengeletana ha wona mi ndzi gandzela mina HOSI; lawa hi wona masiku ya minkhuvo lawa ndzi ma vekeke.

Levhitika 23:2 Referans Kwoze

Levhitika 23:37

“ ‘Hi yona mikhuvo ya Yehovha, ti nga tinhlengeletano leti hlawuriweke, mi ta ti tivisa leswaku ku humeseriwa Yehovha magandzelo lama hisiwaka, ti nga tiholokosta, ni mihlengo, ni timhamba, ni vhinyo; xilo xin'wana ni xin'wana xi ta humesiwa hi siku ra xona.

Levhitika 23:4

“ ‘Hi leyi mikhuvo ya Yehovha, hileswaku tinhlengeletano leto kwetsima leti mi nga ta ti lerisa emikarhini ya tona:

Yuwele 2:15

Yimbani timhalamhala eSiyoni, mi lerisa ku titsona swakudya, mi rhamba nhlengeletano.

Hosiya 2:11

Ndzi ta herisa mitsako ya yena hinkwayo ndzi herisa mikhuvo ya yena ni mitlango ya ku vonaka ka n'weti, ni Tisavata ta yena, ni tinhlengeletano ta yena hinkwato.

Pisalema 81:3

Hi n'weti lowuntshwa, yimbani nanga, Ni loko n'hweti wu be mahlampfu, hi siku ra nkhuvo wa hina!

Tinhlayo 29:39

“Hi swona leswi mi nga ta humesela Yehovha emikhubyeni ya n'wina, ehenhla ka magandzelo lawa mi ma humesaka ku tiyisa ku hlambanya ka n'wina, ni mihlengo ya ku tirhandzela ka n'wina, ti ri tiholokosta, ni tinyiko, ni vucheleto, ni magandzelo ya ku khensa.”

Tinhlayo 10:10

Emasikwini ya ku tsaka ka n'wina, ni le mikhubyeni ya n'wina, ni le ku sunguleni ka tin'hweti, mi ta yimba tinanga mi ri karhi mi humesa tiholokosta, ni magandzelo ya n'wina ya ku khensa, swi ta va xitsundzuxo emahlweni ka Xikwembu xa n'wina. Hi mina Yehovha, Xikwembu xa n'wina.”

Yohane 5:1

Endzhaku ka sweswo, nkhuvo wun'wana wa Vayuda wu va kona, kutani Yesu a tlhandlukela eYerusalema.

Nahume 1:15

Vonani ehenhla ka tintshava milenge ya la vulavulaka timhaka ta tintswalo, a twarisaka ta ku rhula! Wena, Yuda, endla mikhuvo ya wena, u riha ku hlambanya ka wena, hikuva lowa vumbabva a a nga ha hundzi eka wena; u lovisiwile makumu.

Yuwele 1:14

Lerisani siku ra ku titsona swakudya, mi rhamba nhlengeletano! Hlengeletani vakulukumba ni vaaki hinkwavo va tiko, va ta endlwini ya Yehovha, Xikwembu xa n'wina, mi huwelela eka Yehovha, mi ku: “Yo! Siku leri!”

Swirilo 1:4

Magondzo ya Siyoni ma rila, hikuva a ka ha ri na lava yaka emikhubyeni; Tinyangwa hinkwato ta yena ti onhakile, Vaprista hinkwavo va yena va hefemuteka, Vanhwanyana va yena va ni tingana, na yena u le nhlomulweni lowukulu.

Esaya 33:20

Languta Siyoni, muti wa mikhuvo ya hina! Mahlo ya wena ma ta vona Yerusalema, byi ri vuako byo tsaka, ni tende leri nga susiwiki, leri timhingu ta rona ti nga hlomuriwiki, leri mapindza ya rona ma nga tshunxiwiki.

2 TIKRONIKA 30:5

kutani va kanela makungu ku tivisa etikweni hinkwaro ra Israele, ku suka eBerexeba ku ya fika eDani, leswaku va ta Yerusalema, ku endlela Yehovha, Xikwembu xa Israele, Paseka; hikuva hi malembe layo tala, a va yi endlanga hilaha ku tsariweke hakona.

2 TIHOSI 10:20

Kutani Yehu a ku: “Endlelani Baali nhlengeletano leyo kwetsima.” Kavaloko va yi tivisa.

Levhitika 23:44

Kutani Muxe a tivisa vana va Israele mikhuvo ya Yehovha.

Levhitika 23:21

Hi siku rolero mi ta tivisa nkhuvo, kutani mi ta va ni nhlengeletano leyi hlawuriweke; mi nga tshuki mi tirha ntirho ni wun'we lowo tika. I ku lerisa loku nga heriki ka vatukulu va n'wina, ematikweni hinkwawo lawa mi nga ta aka eka wona.

Eksoda 32:5

Kakuloko Aroni a vona sweswo, a aka alitari emahlweni ka rhole; kutani Aroni a huwelela, a ku: “Mundzuku wu ta va nkhuvo wa Yehovha!”

Vakolosa 2:1

Hikuva ndzi rhandza leswaku mi tiva nyimpi leyikulu leyi ndzi mi lwelaka yona, n'wina, ni va Lawodikiya, ni hinkwavo lava nga ka va nga voni mombo wa mina;

Vakolosa 2:16

Hikwalaho, munhu a nga tshuki a mi sola emhakeni ya ku dya ni ya ku nwa, hambi ku ri emhakeni ya mikhuvo, ni ya tin'weti letintshwa ni ya Tisavata;

Levhitika 23:1

Yehovha a byela Muxe, a ku:

1 TIKRONIKA 23:31

va fanele ku humesela Yehovha tiholokosta hinkwato, hi Tisavata, ni le mikarhini ya n'weti leyintshwa, ni ya tinhlengeletano hi ntsengo wa tona, hilaha ku lerisiweke hakona, hi mikarhi hinkwayo emahlweni ka Yehovha.

Ezekiele 44:24

Va ta yima va avanyisa timhaka; va ta avanyisa hi ku avanyisa ka mina; va ta hlayisa milawu ya mina ni ku lerisa ka mina emikhubyeni ya mina hinkwayo, va kwetsimisa Tisavata ta mina.

2 TIKRONIKA 2:3

Solomoni a rhuma eka Hiramu hosi ya Tiri, a ku eka yena: “Leswi u swi endleleke tatana Davhida, loko u n'wi rhumerile mirhi ya kedari leswaku a tiakela yindlu ku tshama kona, u ndzi endlela na mina.

Ezra 3:5

Kambe ku humesiwa holokosta ya masiku, ni ya n'weti loko yi tshama, ni ya tinhlengeletano hinkwato leto kwetsima ta Yehovha ni ya munhu un'wana ni un'wana la swi rhandzaka ku tlhavela Yehovha mhamba.