Levhitika 23:11 - Xitsonga (Bibele)

¹¹ U ta ndziwita nyandza leyi emahlweni ka Yehovha, leswaku mi amukeriwa ha yona; muprista u ta yi ndziwita siku leri tlhandlamaka Savata.

BIBELE Mahungu Lamanene

¹¹ Kutani hi siku leri landzaka ra Savata, muprista ú ta teka xirhundzu lexi, a ndzi widzela xona yi va nyiko ya mina leyo hlawuleka, leswaku ndzi ta mi tsakela.

Levhitika 23:11 Referans Kwoze

Eksoda 29:24

U ta veka swilo leswi hinkwaswo eswandleni swa Aroni, ni le swandleni swa vana va yena, u swi ndziwita emahlweni ka Yehovha;

Levhitika 10:14

Loko xi ri xifuva lexi ndziwitiweke, ni voko leri pamburiweke, u ta swi dya exivandleni lexi tengeke, wena ni vana va wena va xinuna ni va xisati, hikuva mi nyikiwile swona; i ku averiwa ka wena ni ka vana va wena, swi huma etimhambeni ta ku khensa ta vana va Israele.

Levhitika 9:21

Loko swi ri swifuva ni voko ra xinene, Aroni a swi ndziwita emahlweni ka Yehovha yi va nyiko leyi ndziwitiweke, hilaha Muxe a leriseke hakona.

Eksoda 28:38

Kutani Aroni u ta rhwala swidyoho leswi endliweke hi vana va Israele, loko va tisa timhamba hinkwato leti hlawuriweke ta vona; xi ta va emombyeni wa yena hi masiku, leswaku va sasekisiwa emahlweni ka Yehovha.

Levhitika 23:10

“Byela vana va Israele, u ku eka vona: ‘Kutakuloko mi nghenile etikweni leri ndzi mi nyikaka rona, loko mi va mi tshovela, mi ta tisa eka muprista nyandza leyo rhanga ya ku tshovela ka n'wina.

Levhitika 23:12

Siku mi nga ta ndziwita nyandza, mi ta humesa xinyimpfana lexi nga riki na xivati, xa lembe rin'we, yi va holokosta eka Yehovha.

Rhuti 1:22

Hi kona ku vuya ka Nahumi, a ri na Rhuti, wa Mowabu n'wingi wa yena, la humeke etikweni ra Mowabu, kutani va nghena eBetlehema eku sunguleni ka ku tshovela ka barley.