Levhitika 23:10 - Xitsonga (Bibele)

¹⁰ “Byela vana va Israele, u ku eka vona: ‘Kutakuloko mi nghenile etikweni leri ndzi mi nyikaka rona, loko mi va mi tshovela, mi ta tisa eka muprista nyandza leyo rhanga ya ku tshovela ka n'wina.

BIBELE Mahungu Lamanene

¹⁰ ku ya tivisa Vaisraele marito ya xona lama nge: “Loko mi ta va mi fikile etikweni leri ndzi mi nyikaka rona, kutani mi tshovela leswi mi swi byaleke, mi fanele ku teka xirhundzu xa leswi mi nga ta rhanga mi swi tshovela, mi ya na xona eka muprista.

Levhitika 23:10 Referans Kwoze

Eksoda 34:26

“U ta tisa endlwini ya Yehovha Xikwembu xa wena, swirhangana swa ku sungula swa masimu ya wena. “U nga tshuki u sweka ximbutana hi ntswamba wa mana wa xona.”

Eksoda 23:19

“U ta tisa endlwini ya Yehovha Xikwembu xa wena, swirhangana swa mihandzu leyo sungula ya tiko ra wena. U nga tshuki u sweka ximbutana hi ntswamba wa mana wa xona.

Nhlavutelo 14:4

Hi lava nga tinyamisangiki hi vavasati, hikuva va tengile; hi lava landzaka Xinyimpfana hinkwako laha xi yaka kona; va kutsuriwile exikarhi ka vanhu leswaku swi va swirhangana eka Xikwembu ni ka Xinyimpfana.

Yakobo 1:18

Hi ku rhandza ka yena, u hi velekile hi rito leri tiyeke, leswaku hi va swirhangana swa swivumbiwa swa yena.

Duteronoma 16:9

“U ta hlaya mavhiki ya ntlhanu na mambirhi; u ta sungula ku hlaya mavhiki lawa ya ntlhanu na mambirhi, hi nkarhi lowu va sungulaka ku tsema koro hi sikela; kutani u ta endlela Yehovha, Xikwembu xa wena, nkhuvo.

Tinhlayo 28:26

“Hi siku ra swirhangana, kutakuloko mi humesela Yehovha nhlengo lowuntshwa, enkhubyeni wa n'wina wa mavhiki, mi ta va ni nhlengeletano leyi hlawuriweke; mi nga tshuki mi tirha ntirho ni wun'we lowo tika.

Ezekiele 44:30

Swirhangana swa mihandzu ya tinxaka hinkwato ni mihlengo hinkwayo ya hinkwaswo leswi mi avelaka Xikwembu, swi ta va swa vaprista; mi ta nyika vaprista na swona swirhangana swa mapa ya n'wina, leswaku mi tisa mikateko etindlwini ta n'wina.

Tinhlayo 15:2

“Byela vana va Israele, u ku eka vona: ‘Kutakuloko mi nghenile etikweni leri mi nga ta aka eka rona, leri ndzi mi nyikaka,

Levhitika 23:17

Mi ta tisa swinkwa swimbirhi swa nhlengo lowu ndziwitiweke, swi ri leswi humaka etindlwini ta n'wina, swi va swa mipimo mimbirhi ya vukhume bya efa ya mapa yo saseka lama swekiweke hi comela; hi swona swirhangana swa Yehovha.

Eksoda 34:22

“U ta endla nkhuvo wa mavhiki, lowu nge wa swirhangana swa ku tshovela koro, ni nkhuvo wa ku tleketlela, loko lembe ri hundzile.

Eksoda 23:16

U ta hlayisa nkhuvo wa ku tshovela, wu nga wa swirhangana swa ntirho wa wena, leswi u swi byaleke emasin'wini. Va ta hlayisa ni nkhuvo wa ku hlengeleta, eku heleni ka lembe, loko u hlengeletile mitirho ya masimu ya wena.

Eksoda 22:29

“U nga tshuki u hlwela ku humesa nhlengo wa leswi teleke enguleni, ni wa leswi kamiweke etimbiteni. U ta ndzi nyika mativula ya vana va wena.

Varhoma 11:16

Loko swirhangana swi kwetsimile, vunyingi, na byona, byi kwetsimile; kutani loko rimitsu ri kwetsimile, marhavi, na wona, ma tano.

Yoxuwa 3:15

Kuteloko vaprista lava rhwalaka areka va fika eYordani, ni loko mikondzo ya vona yi nghena ematini (kambe nambu wa Yordani wu tala, wu huma eribuwini hinkwako enkarhini hinkwawo wa ku tshovela),

Levhitika 14:34

“Kutakuloko mi nghenile etikweni ra Kanana leri ndzi mi nyikaka rona, loko ndzi nga ba hi nhlokonho yin'wana yindlu ya tiko leri nga ta va ra n'wina,

Levhitika 23:9

Yehovha a byela Muxe, a ku:

Levhitika 23:11

U ta ndziwita nyandza leyi emahlweni ka Yehovha, leswaku mi amukeriwa ha yona; muprista u ta yi ndziwita siku leri tlhandlamaka Savata.

Rhuti 1:22

Hi kona ku vuya ka Nahumi, a ri na Rhuti, wa Mowabu n'wingi wa yena, la humeke etikweni ra Mowabu, kutani va nghena eBetlehema eku sunguleni ka ku tshovela ka barley.