Levhitika 22:18 - Xitsonga (Bibele)

¹⁸ “Byela Aroni ni vana va yena, ni vana hinkwavo va Israele, u ku eka vona: ‘Mani na mani wa yindlu ya Israele, hambi wa valuveri va Israele, la humeselaka Yehovha holokosta ku tiyisa rito leri a nga ri vula eka Yehovha, hambi yi ri nyiko yihi ni yihi, hi ku tirhandzela ka yena,

BIBELE Mahungu Lamanene

¹⁸ ku ya tivisa Aroni ni vana va yena ni Vaisraele hinkwavo marito ya xona lama nge: “Muisraele un'wana ni un'wana, kumbe munhu loyi a luveleke exikarhi ka Vaisraele, loko a lava ku ndzi humesela magandzelo lama hiseriwaka mina HOSI, lawa a tiboheke hi ku hlambanya leswaku ú ta ma humesa, kumbe lawa a ngo ma humesa hi ku titwa,

Levhitika 22:18 Referans Kwoze

Duteronoma 12:6

Mi ta tisa kona tiholokosta ta n'wina, ni magandzelo ya n'wina, ni swa vukhume bya n'wina, ni leswi mavoko ya n'wina ma nga ta swi pambula, ni magandzelo ya n'wina ya ku tiboha hi ku hlambanya, ni magandzelo ya ku tirhandzela ka n'wina, ni mativula ya swifuwo leswikulu ni leswitsongo swa n'wina.

Tinhlayo 15:3

loko mi humesela Yehovha gandzelo leri hisiwaka, hambi yi ri holokosta, hambi ri ri gandzelo ro tiyisa rito ra ku hlambanya, hambi yi ri nyiko ya ku tirhandzela ka n'wina, hambi ku ri emikhubyeni ya n'wina; loko mi rhandza ku humesela Yehovha risema leri nun'hwelaka, exikarhi ka swifuwo leswikulu kumbe leswitsongo:

Levhitika 1:2

“Byela vana va Israele, u ku eka vona: ‘Kutakuloko un'wana wa n'wina a humesela Yehovha nhlengo, mi ta humesa swifuwo leswikulu ni leswitsongo, wu ve nhlengo wa n'wina.

Timhaka 18:18

Pawulo, kuteloko a xwile kona masiku layo tala, a sarisa vamakwavo, a ya eSiriya hi byatso, a ri na Prisila, na Akwila, a tibyewule nhloko eKenikreya, hikuva a a tibohile hi ku hlambanya.

Nahume 1:15

Vonani ehenhla ka tintshava milenge ya la vulavulaka timhaka ta tintswalo, a twarisaka ta ku rhula! Wena, Yuda, endla mikhuvo ya wena, u riha ku hlambanya ka wena, hikuva lowa vumbabva a a nga ha hundzi eka wena; u lovisiwile makumu.

Yonasi 2:9

Lava tinyiketaka eka leswa hava, va titsonela tintswalo.

Yonasi 1:16

Kutani vavanuna volavo va khomiwa hi ku chava lokukulu ka Yehovha, va humesela Yehovha magandzelo, va tiboha eka yena hi ku hlambanya.

Eklesiasta 5:4

Loko u tibohile eka Xikwembu hi ku hlambanya u nga hlweri ku hetisa, hikuva a xi tsakisiwi hi swihunguki. Hetisa ku hlambanya loku u ku hlambanyeke.

Pisalema 116:18

Ndzi ta tirha ku hlambanya ka mina Emahlweni ka tiko hinkwaro ra yena,

Pisalema 116:14

Ndzi ta tirha ku hlambanya ka mina, eka Yehovha, Emahlweni ka tiko ra yena hinkwaro.

Pisalema 66:13

Ndzi ta nghena endlwini ya wena hi tiholokosta, Ndzi ku rihela leswi ndzi ku hlambanyeleke,

Pisalema 65:1

Oho Xikwembu! U ta dzunisiwa hi ku rhula eSiyoni, Ku hlambanya ku ta hetisiwa eka wena.

Pisalema 61:8

Hi laha ndzi nga ta dzunisa vito ra wena hi masiku, Ndzi hetisa ku hlambanya ka mina siku rin'wana ni rin'wana.

Pisalema 61:5

Hikuva wena, Xikwembu, u yingisile ku kombela ka mina, U ndzi nyikile ndzhaka ya lava chavaka vito ra wena.

Pisalema 56:12

Oho Xikwembu! Ndzi rhandza ku hetisa ku hlambanya ka mina eka wena; Ndzi ta ku humesela ku khensa.

Pisalema 22:25

U ta khensiwa hi mina enhlengeletanweni leyikulu: Ndzi ta ku rihela ku hlambanya ka mina emahlweni ka lava ku chavaka.

Duteronoma 16:10

Mihlengo leyi u nga ta yi humesa yi ta huma eku tirhandzeleni ka mbilu ya wena, hilaha Yehovha, Xikwembu xa wena, xi ku katekiseke hakona.

Duteronoma 12:17

“U nga ka u nga dyi emindyangwini ya wena swa vukhume bya mavele ya wena, ni bya vhinyo ya wena, ni bya mafurha ya wena, hambi ma ri mativula ya tihomu ta wena ni ya timbuti ta wena, ni loko xi ri xilo lexi u nga ta xi humesa loko u hlambanyile, hambi yi ri mihlengo ya ku tirhandzela ka wena, hambi xi ri lexi voko ra wena ri xi pambuleke.

Levhitika 23:38

Ehenhla ka swona, mi ta hlayisa Tisavata ta Yehovha, kutani mi ta tshama mi tisela Yehovha mihlengo ya n'wina, ni magandzelo hinkwawo ya ku tiyisa marito, ni tinyiko hinkwato ta ku tirhandzela ka n'wina.

Levhitika 17:13

Munhu un'wana ni un'wana wa vana va Israele, hambi wa valuveri lava tshamaka exikarhi ka vona, kungakuloko a khomile xiharhi eku hloteni hambi yi ri nyanyana leyi dyiwaka, u ta halata ngati ya yona, a yi seletela hi misava;

Levhitika 17:10

“ ‘Munhu un'wana ni un'wana wa yindlu ya Israele, hambi a ri wa valuveri lava akeke exikarhi ka vona, kungakuloko a dyile ngati, hambi yi ri yihi ni yihi, ndzi ta n'wi languta hi vukari, ndzi va ndzi n'wi susa etikweni ra yena,

Levhitika 7:16

Loko gandzelo ri humesiwa hi munhu la tibohaka hi ku hlambanya, kumbe loko ri endliwa hi ku rhandza ka munhu ntsena, ri ta dyiwa siku leri va gandzelaka ha rona, kambe leswi nga ta sala swi ta dyiwa siku leri tlhandlamaka.

Levhitika 1:10

“ ‘Loko nhlengo wa yena wu ri wa swifuwo leswitsongo, ti nga tinyimpfu kumbe timbuti, ti va ta holokosta, u ta humesa ya xinuna leyi nga riki na xivati.

Eksoda 12:5

Xi va xinyimpfana lexi nga riki na vulema, xa khuna, xa lembe rin'we; mi ta xi hlawula exikarhi ka tinyimpfu ni timbuti.

Levhitika 22:17

Yehovha a byela Muxe, a ku:

Amosi 4:5

Magandzelo ya n'wina ya mikhenso mi endla ni comela; mi lerisa ni mihlengo leyi humesiwaka hi ku tirhandzela ka munhu, hikuva hi leswi mi swi rhandzaka, n'wina, vana va Israele,” ku vula Hosi Yehovha.

Malakiya 1:14

Kambe ku rhukaniwa muxisi, ku nga loko a hlambanya, a humesela Hosi xifuwo lexo biha, kasi lexa matsune xi kona entlhambini wa yena, hikuva ndzi Hosi leyikulu, ku vula Yehovha wa mavandla, kutani vito ra mina ri chaviwa exikarhi ka matiko.

2 TIKRONIKA 31:14

Kore, n'wana Imina, Mulevhi, mulanguteri wa nyangwa ya le vuxeni, a a ri muhlayisi wa tinyiko leti humeseriweke Xikwembu hi ku rhandza, ku avela mihlengo leyi humeseriweke Yehovha, ni swilo leswi hlawuriweke ngopfu.