Levhitika 21:5 - Xitsonga (Bibele)

⁵ Vaprista va nga tshuki va byewula misisi, va nga tshuki va titsemela ematlhelo ya malebvu, va nga titlhaveli emirini ya vona.

BIBELE Mahungu Lamanene

⁵ Enkarhini wa nkosi, vaprista va nga tshuki va byewula misisi kumbe ku tsemeta malebvu lomu matlhelo, naswona va nga tshuki va tixekelela-xekelela.

Levhitika 21:5 Referans Kwoze

Duteronoma 14:1

“Mi vana va Yehovha, Xikwembu xa n'wina: Mi nga tshuki mi titlhavela tinhlanga emirini, kambe mi nga tshuki mi byewula misisi emahlweni hikwalaho ka mufi.

Ezekiele 44:20

Va nga tshuki va byewula tinhloko ta vona, na kona va nga undli misisi ya vona; va to yi tsemeta ntsena.

Mikiya 1:16

Tsemela misisi ya wena, u byewula nhloko hikwalaho ka vana va wena lava rhandzekaka! Anamisa mpandhla wa wena wu kula, hikuva va yisiwa evukhumbini, ekule na wena.

Amosi 8:10

Ndzi ta hundzula mikhuvo ya n'wina mikosi, ni tinsimu hinkwato to tsaka, ndzi ti hundzula mahlomulo; ndzi ta ambexa swisuti hinkwaswo hi tinguvu to khwaxa, ndzi endla tinhloko hinkwato mimpandhla; e xirilo ndzi xi endla lexi fanaka ni xirilo lexi endleriwaka n'wana la nga swakwe, ku hetelela ka xona ku fana ni siku lero vava.

Yeremiya 48:37

Hikuva tinhloko hinkwato ti byewuriwile, ni malebvu hinkwawo va byewurile va tlhavele mavoko hinkwawo, kutani tinguvu ta ku khwaxa ti le swisutini hinkwaswo swa vona.

Yeremiya 16:6

Va ta fela etikweni leri, lavakulu ni lavatsongo, va nga ka va nga yimberiwi, va nga ka va nga rileriwi; kambe a va nga titlhaveri, a va nga tibyewuri hikwalaho ka vona.

Esaya 22:12

Hosi, Yehovha wa tinyimpi, u mi vitanele hi siku lero eku rileni ni ku tiba swifuva, ku byewula misisi ni ku ambala nguvu leyo khwaxa.

Esaya 15:2

Va tlhandlukela etempeleni, ni le Diboni, ni le switsungeni leswi tlakukeke va ya rila kona. Mowabu wa rila ehenhla ka Nebo na Medeba: nhloko yin'wana ni yin'wana yi byewuriwile, ni malebvu hinkwawo ma byewuriwile.

Levhitika 10:6

Muxe a ku eka Aroni na Eliyazara na Itamara, vana va Aroni: “Mi nga tshuki mi funungula tinhloko ta n'wina ni ku handzula tinguvu ta n'wina, mi nga ta fa, Yehovha a nga tshuki a karihela nhlengeletano hinkwayo. Vamakwenu, va yindlu hinkwayo ya Israele hi vona lava nga ta rila hikwalaho ka ritshwa leri hisiweke i Yehovha.

Levhitika 21:4

Leswi a nga ni vuhosi etikweni ra yena, a nga tshuki a tinyamisa a nyamisa ni vuhosi bya yena.

Ezekiele 5:1

“Wena, n'wana wa munhu, teka nsimbhi ya ku kariha, ri nga rikari ra mubyewuri, u byewula nhloko ya wena ni malebvu ya wena, teka ni xikalo xa ku pima, u avanyisa misisi.