Levhitika 20:9 - Xitsonga (Bibele)

⁹ “Un'wana ni un'wana la rhukanaka tata wa yena, hambi mana wa yena, u ta dlawa: u rhukanile tata wa yena hambi mana wa yena; ngati ya yena yi le henhla ka yena.

BIBELE Mahungu Lamanene

⁹ “Loko munhu a rhuketela tata wa yena kumbe mana wa yena, ú fanele ku dlayiwa. Ú ta va a lo tivangela rifu, hikuva ú rhuketerile vatswari.

Levhitika 20:9 Referans Kwoze

Eksoda 21:17

“La rhukaneke tata wa yena kumbe mana wa yena, u ta dlawa.

Marka 7:10

Hikuva Muxe u te: ‘U va ni xichavo eka tata wa wena ni mana wa wena’ kutani ‘la rhuketelaka tata wa yena hambi mana wa yena, u ta dlawa.’

Duteronoma 27:16

“ ‘A ku rhukaniwe la sandzaka tata wa yena, hambi a ri mana wa yena!’ Kutani tiko hinkwaro ri ta hlamula, ri ku: ‘Amen!’

Matewu 15:4

Hikuva Xikwembu xi lerisile, xi te: ‘Chava tata wa wena ni mana wa wena’; kambe xi te: ‘La rhukanaka tata wa yena, hambi mana wa yena a a dlayiwe.’

Swivuriso 20:20

La rhukanaka tata wa yena ni mana wa yena, Rivoni ra yena ri ta timeka emunyameni lowukulu.

Swivuriso 30:17

Tihlo ra munhu leri solaka tatana, Leri sandzaka ku yingisa manana, Mawukuwuku ya le nambyeni ma ta ri boxa, Mavondlo ya gama ma ta ri dya.

Swivuriso 30:11

Ri kona rixaka rin'we leri rhukanaka tata wa rona, Ri nga khensi mana wa rona.

2 SAMIELE 1:16

Davhida a ku eka yena: “Ngati ya wena yi le nhlokweni ya wena, hikuva nomu wa wena wu ku landzurile, wu te: ‘Hi mina ndzi dlayeke muhlawuriwa wa Yehovha.’ ”

Vaavanyisi 9:24

swi ri leswaku nandzu wa ku dlaya, vana va Yerubaali va 70, ni ngati ya vona yi tlheriseriwa eka Abimeleke, makwavo wa vona la nga va dlaya ni ka vini va Xikeme lava nga n'wi pfuna ku dlaya vamakwavo.

Matewu 27:25

Kutani tiko hinkwaro ri hlamula, ri ku: “Ngati ya yena a yi ve ehenhla ka hina ni le henhla ka vana va hina.”

1 TIHOSI 2:32

Yehovha u ta veka ngati ya yena enhlokweni ya yena, hikuva u dlayile vavanuna vambirhi lavo lulama lavanene ku tlula yena, a va dlaya hi tlhari, tatana Davhida a nga tivanga nchumu: a ri Abinere, n'wana Neri, ndhuna ya nyimpi ya Israele, na Amasa, n'wana Yetere, ndhuna ya nyimpi ya Yuda.

Yoxuwa 2:19

Mani na mani la nga ta huma enyangweni ya yindlu ya wena, ku ya ehandle, ngati ya yena yi ta va enhlokweni ya yena, kutani hi nga ka hi nga vi na nandzu. Kambe un'wana ni un'wana la nga ta va na wena endlwini, loko a dlawa, ngati ya yena yi ta va etinhlokweni ta hina.

Levhitika 20:27

“Kungakuloko wanuna, hambi wansati, a vutisa swikwembu, kumbe loko va bvumbha, va ta dlawa; va ta khandliwa hi maribye; ngati ya vona yi le henhla ka vona.”

Levhitika 20:16

Kungakuloko wansati a tshinelela xifuwo ku endla manyala na xona, u ta dlaya wansati ni xifuwo: kunene u ta dlawa, na xona xifuwo xi ta dlawa; ngati ya wansati yi ta va ehenhla ka yena, swi va tano ni xifuwo.

Ezekiele 22:7

Va rhukana vatata wa vona ni vamana wa vona eka wena; wamatiko wa xanisiwa exikarhi ka wena, eka wena, la feleke hi tata wa yena, ni wansati wa noni va kandziyeriwa.

Ezekiele 18:13

loko a vitana bindzu, xana n'wana loyi u ta hanya xana? A nga ka a nga hanyi; u dyohile, u fanela hi ku fa kunene, ngati ya yena yi ta va ehenhla ka yena!