Levhitika 20:18 - Xitsonga (Bibele)

¹⁸ “Kungakuloko wanuna a etlela ni wansati, loko a ri ni tin'hweti, a funungula vuhava bya yena, u funungule masangu ya yena na yena wansati u funungule tingati ta yena, va ta susiwa havambirhi etikweni ra vona.

BIBELE Mahungu Lamanene

¹⁸ “Loko wanuna a ya etlela ni wansati loyi a nga masikwini ya yena ya n'hweti, ú fanele ku hlongoriwa swin'we ni wansati loyi, va susiwa exikarhi ka va ka vona, hikuva va ta va va humesele erivaleni xihlovo xa ngati ya wansati loyi.

Levhitika 20:18 Referans Kwoze

Levhitika 18:19

“ ‘U nga tshuki u tshinelela wansati hi nkarhi wa n'hweti ya yena ku funungula vuhava bya yena.

Levhitika 15:24

Kungakuloko wanuna a etlele na yena, ni loko masangu ya yena ma n'wi namarhela u ta va la yilaka hi masiku ya ntlhanu na mambirhi, kutani swilawu hinkwaswo leswi a etleleke eka swona, swi ta va leswi yilaka.

Ezekiele 22:10

Eka wena, va tlomula vuhava bya vatatana; eka wena, ku etleriwa ni wansati la hlambaka.

Ezekiele 18:6

la nga dyiki ehenhla ka tintshava, la nga tlakusiki mahlo ya yena eka swikwembu swahava swa yindlu ya Israele, la nga nyamisiki nsati wa nakulobye, la nga tshineleriki wansati la nga ni ngati;

Levhitika 12:2

“Byela vana va Israele, u ku: ‘Kutakuloko wansati a velekile n'wana wa wanuna a ta va la nga tengangiki hi masiku ya ntlhanu na mambirhi; u ta yila kukotisa emasikwini ya tin'hweti ta yena.

Eksoda 30:33

Mani na mani la lunghisaka mirhi leyo tano, kumbe, la totaka wamatiko ha wona, u ta humesiwa exikarhi ka varikwavo.’ ”