Levhitika 20:13 - Xitsonga (Bibele)

¹³ “Loko wanuna a etlela ni wanunakulobye, kukotisa loko munhu a etlela ni wansati va endlile havambirhi xilo lexo biha ngopfu, va ta dlawa; ngati ya vona yi le henhla ka vona.

BIBELE Mahungu Lamanene

¹³ “Wanuna loyi a etlelaka ni wanuna-kulobye, wonge o va wansati, ú fanele ku dlayiwa swin'we ni wanuna wa kona; rifu ro tano va ta va va lo tivangela, hikuva va endlile manyala hi vumbirhi bya vona.

Levhitika 20:13 Referans Kwoze

1 Vakorinto 6:9

Xana a mi swi tivi leswaku lavo biha va nga ka va nga dyi ndzhaka ya ku fuma ka Xikwembu xana?

Levhitika 18:22

“ ‘U nga tshuki u etlela ni wanuna kukotisa loko u etlela ni wansati; i ku dyoha lokukulu ngopfu.

1 Timotiya 1:10

ni lava dlayaka vanhu, ni vaoswi, ni va Sodoma, ni lava yivaka vanhu, ni vahembi, ni lava hundzukaka eku hlambanyeni ka vona, hambi xi ri xilo xihi ni xihi lexi lwaka ni dyondzo leyi lulameke,

Yuda 1:7

Kukotisa Sodoma na Gomora, ni miti leyi ngi yi ri ekusuhi na kona, yi nga leyi tinyiketeke vuoswini ni ku landzela nyama yimbe, hi mukhuva wu ri wun'we na tona, miti leyi yi vekiwile ku va xikombiso, yi ri karhi yi avanyiseriwe ndzilo lowu nga heriki.

Duteronoma 23:17

“Ku nga tshuki ku va ni wansati la nyiketiweke vuoswi exikarhi ka vanhwanyana va Israele, kambe ku nga tshuki ku va ni wanuna la nyiketiweke vuoswi exikarhi ka vana va Israele.

Genesa 19:5

Kutani va vitana Lota, va ku eka yena: “Va kwihi vanhu lava ngheneke eka wena hi vusiku lebyi? Va humesele ehandle hi va tiva.”

Vaavanyisi 19:22

Va ku va ha tsakisa timbilu ta vona, vonani, vavanuna va muti, vanhu va Beliyali, va fika va rhendzela yindlu exikarhi, va bakanya rivanti, va vulavula ni wanuna wa xidyuhati, n'wini wa yindlu, va ku: “Humesela ehandle nuna la hambukeleke eka wena, hi ta n'wi tiva.”

Duteronoma 23:18

“U nga tshuki u tisa endlwini ya Yehovha Xikwembu xa wena hakelo ya nsati wa mbhisa, hambi mali ya mbyana, ku tiyisa rito rin'wana ra ku hlambanya; hikuva swilo leswimbirhi swa yila eka Yehovha, Xikwembu xa wena.