Levhitika 2:4 - Xitsonga (Bibele)

⁴ “ ‘Loko u humesa nhlengo wa leswi swekiwaka exitikweni, u ta teka mapa layo saseka, u ma pfuva hi mafurha, u endla swimbundzu leswi nga riki na comela, ni swimbhundzwana leswi nga riki na comela, leswi totiweke hi mafurha.

BIBELE Mahungu Lamanene

⁴ “Loko mi humesa magandzelo ya swa le masin'wini hi leswi swekiweke kunene, humesani swimbhundzwa leswo-ke-comela leswi endliweke hi mapa lamanene lama cheriweke mafurha, kumbe mi humesa xinkwa xo oma lexo-ke-comela lexi totiweke mafurha.

Levhitika 2:4 Referans Kwoze

Eksoda 29:2

“U ta teka xinkuzana, ni makhuna mambirhi lama nga riki na xivati, ni xinkwa lexi nga riki na comela; ni swinkwanyana leswi kalaka comela leswi pfuviweke hi mafurha; ni swimbundzunyana leswi kalaka comela leswi totiweke hi mafurha; u swi endla hi mapa lama hleriweke ya koro;

Pisalema 22:14

Ndzi khuluka kukotisa mati, Marhambu ya mina hinkwawo ma sulekile; Mbilu ya mina yi fana ni xihlenge xa tinyoxi, Yi nyukile emarhumbyini ya mina.

1 Petro 2:22

yena la nga dyohangiki, loyi kambe mavunwa ma nga kumiwangiki enon'wini wa yena;

1 Petro 2:1

Hikwalaho, tshikani lunya hinkwaro, ni ku xisa hinkwako, ni ku kanganyisa, ni mona, ni ku lumbeta hinkwako,

Vaheveru 7:26

Hikuva a hi faneriwa hi muprista lonkulu lowo tano, la hlawuriweke, la nga riki na leswo biha, ni loko xi ri xivati, la tihlawuleke eka vadyohi, a nga ehenhla ka matilo,

Yohane 12:27

“Sweswi, moya wa mina wa vaviseka; kutani ndzi to yini? ‘Tatana, ndzi ponise enkarhini lowu’? Kambe hi wona nkarhi lowu ndzi teleke wona.

Yohane 3:34

Hikuva la rhumiweke hi Xikwembu, u vula marito ya Xikwembu, hikuva Xikwembu xi n'wi nyika Moya ku nga ri hi mpimo.

Matewu 26:38

A ku eka vona: “Moya wa mina wu khomiwa hi gome ra ku fa; salani kwala, mi hiteka na mina.”

Esaya 42:1

“Hi loyi nandza wa mina, loyi ndzi nga ta n'wi yimela, Muhlawuriwa wanga, loyi moya wa mina wu n'wi tsakelaka. Ndzi vekile moya wa mina ehenhla ka yena, u ta dyondzisa vamatiko leswo lulama.

Levhitika 10:12

Muxe a byela Aroni, na Eliyazara, na Itamara, vana va yena lava n'wi saleleke, a ku: “Tekani leswi seleke swa timhamba leti hiseriweke Yehovha, mi dya swona swi nga ri na comela, mi ri ekusuhi ni alitari, hikuva i xilo lexi kwetsimaka ngopfu.

Ezekiele 46:20

Kutani a ku eka mina: “Hi leyi ndhawu leyi vaprista va nga ta sweka kona nyama ya magandzelo ya milandzu ni ya swidyoho; va ta sweka timhamba kona, va nga swi humesi ehandle, erivaleni ra le handle va nga ti kwetsimisa tiko ha tona.”

Esaya 61:1

Moya wa Hosi, Yehovha, wu le ka mina, hikuva u ndzi totile ku byela swisiwana mahungu ya ku saseka; u ndzi rhumile ku horisa lava nga ni timbilu leti vavisekaka, ku tivisa lava bohiweke leswaku va ta tshunxiwa, ni lava khotsiweke leswaku va ta humesiwa;

Levhitika 7:12

Loko munhu a ri humesa ku kombisa ku khensa ka yena, u ta humesa swin'we ni gandzelo ra ku khensa, swinkwa leswi nga riki na comela, leswi pfuviweke hi mafurha, ni swimbhundzwana leswi nga riki na comela, leswi totiweke hi mafurha, ni swimbundzu swa mapa layo saseka lama katingiweke, lama nga pfuviwa hi mafurha.

Levhitika 6:17

Va nga tshuki va swi sweka hi comela. Hi kona ku averiwa loku ndzi va nyikeke emagandzelweni ya mina lama hisiwaka hi ndzilo. I xilo lexi kwetsimaka ngopfu kukotisa gandzelo ra xidyoho, ni gandzelo ra ku riha.

Levhitika 1:11

Va ta yi tlhavela tlhelo ra n'walungu ra alitari, emahlweni ka Yehovha, kutani vaprista, vana va Aroni va ta halatela ngati ealitarini, ematlhelweni hinkwawo.

Eksoda 16:31

Kutani va yindlu ya Israele va thya vuswa lebyi vito ra manna (hileswaku i yini); a yi fana ni tindzhoho leto basa ta khoriyanda, swi nandziha kukota swimbundzu leswi pfuviweke ni vulombe.

Eksoda 12:8

Hi vusiku byebyo va ta dya nyama ya xona yi oxiwile; va ta yi dya ni vuswa lebyo kala comela, ni matsavu lama bavaka.

Tinhlayo 6:15

U ta tisa ni xirhundzu xa swinkwa leswi nga riki na comela, swi ri swimbundzu swa mapa layo saseka lama pfuviweke hi mafurha, ni swinkwa leswo kala comela, leswi totiweke hi mafurha: ehenhla ka swona, u ta tisa nhlengo ni swakunwa.