Levhitika 2:2 - Xitsonga (Bibele)

² U ta swi yisa eka vaprista, vana va Aroni; kutani va ta teka xandla xa mapa layo saseka, lama cheriweke mafurha, ni mirhi ya risuna hinkwayo; kutani muprista u ta swi hisa ealitarini kukotisa xitsundzuxo, yi va mhamba leyi hisiwaka leyi nga ni risuna eka Yehovha.

BIBELE Mahungu Lamanene

² Kutani a ya na swona eka vaprista, va nga vana va Aroni, a fika a nusa mapa lama nga ni mafurha a tata xandla, kutani muprista ú ta swi hisa alitarini ni murhi hinkwawo wa risuna, swi va swo suma ha swona; hi yona mhamba leyi hiseriwaka HOSI Xikwembu, leyi ku nun'hwela ka yona ku nga ta xi tsakisa.

Levhitika 2:2 Referans Kwoze

Levhitika 6:15

Kutani va ta hunguta xandla xa mapa layo saseka ya nyiko, ni mafurha ya yona, ni mirhi ya risuna hinkwayo leyi engetelaka gandzelo kutani va ta swi hisa ealitarini swi va xitsundzuxo xa risuna lero nun'hwela eka Yehovha.

Levhitika 5:12

U ta ma tisa eka muprista, yena muprista u ta nusa eka wona, xandla xin'we, ku endla xitsundzuxo, a xi hisa ealitarini kukota magandzelo lama hiseriwaka Yehovha; i gandzelo ra nandzu.

Timhaka 10:4

Yena loko a yi langutile, a tshuka hi ku chava, a ku: “Ku ni yini, Hosi?” Yi ku eka yena: “Mikhongelo ni ku hanana ka wena swi tlhandlukele emahlweni ka Xikwembu swi va switsundzuko eka xona.

Levhitika 24:7

U ta veka ehenhla ka rixaxa rin'wana ni rin'wana murhi wa risuna, xi va xitsundzuxo ehenhla ka swinkwa, yi nga nyiko leyi hisiwaka emahlweni ka Yehovha.

Levhitika 2:9

Muprista u ta pambula eka nyiko xitsundzuxo xa yona, u ta xi hisa ealitarini, yi va mhamba leyi hisiwaka leyi nga ni risuna eka Yehovha.

Esaya 66:3

La tlhavaka homu, a kotisa loyi a dlayaka munhu, la gandzelaka hi nyimpfu, a kotisa loyi a tlhavaka mbyana; la humesaka nhlengo, a kotisa la humesaka ngati ya nguluve, la hisaka mirhi ya risuna, a fana ni la katekisaka swifaniso swa swikwembu. Valavo hinkwavo va titsakela etindleleni ta vona, kutani moya wa vona wu tsakela manyala ya vona.

Levhitika 2:16

Muprista u ta pambula tindzhoho leti khumuriweke, ni mafurha, ni mirhi hinkwayo ya risuna, a swi hisa xi va xitsundzuxo; i mhamba leyi hiseriwaka Yehovha.

Nehemiya 13:22

Kambe ndzi byela Valevhi leswaku va tibasisa, va ta langutela tinyangwa leswaku siku ra Savata ri ta hlawuriwa. Oho! Xikwembu xa mina! Ndzi anakanye ni le mhakeni leyi, u ndzi tsetselela hi vukulu bya tintswalo ta wena!

Nehemiya 13:14

Oho! Xikwembu xa mina, u ndzi anakanya hikwalaho ka sweswo, u nga hlanguli ku endla ka vukhongeri loku ndzi ku endleleke yindlu ya Xikwembu xa mina ni mitirho ya yona!

Tinhlayo 5:18

Muprista u ta yimisa wansati emahlweni ka Yehovha, kutani u ta funungula nhloko ya wansati, kutani a veka eswandleni swa yena nyiko ya xitsundzuxo, leyi nga nyiko ya rilondzo, kutani muprista u ta tamela evokweni ra yena mati yo dzunga lama nga ni ndzhukano.

Eksoda 30:16

U ta teka mali ya ku tikutsula, leyi humesiwaka hi vana va Israele, u ta tirha ha yona ntirho wa yindlu ya nhlengeletano; xi ta va xitsundzuxo eka vana va Israele emahlweni ka Yehovha, ku endla mhamba yo kutsula vutomi bya n'wina.”

Levhitika 4:31

Muprista u ta susa mafurha hinkwawo hi mukhuva lowu va susaka mafurha ya magandzelo ya ku khensa kutani a ma hisa ealitarini, ri va risuna eka Yehovha. Muprista u ta phahlela munhu loyi mhamba, kutani u ta rivaleriwa.

Levhitika 5:11

“ ‘Loko a pfumala matuva mambirhi hambi mavondlo mambirhi ya magugurhwana, u ta humesela nandzu wa yena ku avanyisa ka vukhume ka efa ya mapa layo basa, yi ta va mhamba ya nandzu. A nga tshuki a chela mafurha ehenhla ka wona, hambi yi ri mirhi ya risuna, hikuva i mhamba ya nandzu.

Tinhlayo 5:26

muprista u ta nusa xandla xa nyiko leyi ya xitsundzuxo a swi hisa ealitarini, a ta nwisa wansati mati.

Levhitika 1:9

Va ta hlantswa marhumbu ni swirho ematini, kutani muprista u ta hisa hinkwaswo ealitarini, yi va holokosta; i mhamba leyi hisiwaka, leyi nga ni risuna eka Yehovha.

Levhitika 1:13

Va ta hlantswa marhumbu ni swirho ematini, kutani muprista u ta hisa hinkwaswo ealitarini, yi va holokosta; i mhamba leyi hisiwaka, leyi nga ni risuna eka Yehovha.

Levhitika 1:17

U ta handzula nyanyana exikarhi ka timpapa, a nga yi avanyisi, kutani muprista u ta yi hisa ealitarini, ehenhla ka tihunyi leti va tshiveleke ndzilo ha tona; i holokosta, i mhamba leyi hisiwaka leyi nga ni risuna eka Yehovha.