Levhitika 2:16 - Xitsonga (Bibele)

¹⁶ Muprista u ta pambula tindzhoho leti khumuriweke, ni mafurha, ni mirhi hinkwayo ya risuna, a swi hisa xi va xitsundzuxo; i mhamba leyi hiseriwaka Yehovha.

BIBELE Mahungu Lamanene

¹⁶ Kutani muprista ú ta nusa tindzhoho leti ni mafurha ya kona, a ti hisa ni mirhi ya risuna hinkwato, a suma ha swona. Leyi hi yona mhamba leyi hiseriwaka HOSI Xikwembu.

Levhitika 2:16 Referans Kwoze

Vaheveru 5:7

Hi yena loyi, emasikwini ya nyama ya yena, a tiseleke loyi ngi a ri ni matimba ya ku n'wi ponisa eku feni, mikhongelo ya ku chivirika, a ri karhi a huwelela ni ku rila; a tlhela a yingisiwa, a susiwa tingana;

Esaya 61:1

Moya wa Hosi, Yehovha, wu le ka mina, hikuva u ndzi totile ku byela swisiwana mahungu ya ku saseka; u ndzi rhumile ku horisa lava nga ni timbilu leti vavisekaka, ku tivisa lava bohiweke leswaku va ta tshunxiwa, ni lava khotsiweke leswaku va ta humesiwa;

Pisalema 141:2

Xikhongelo xa mina a xi tlhandlukele eka wena tani hi mirhi ya risuna, Ni ku tlakuka ka mavoko ya mina a ku fane ni gandzelo ra madyambu!

Levhitika 2:12

Mi ta swi tisela Yehovha kun'we ni nhlengo wa swirhangana, kambe swi nga ka swi nga vekiwi ealitarini, kukotisa nhlengo lowu nga ni risuna.

Levhitika 2:9

Muprista u ta pambula eka nyiko xitsundzuxo xa yona, u ta xi hisa ealitarini, yi va mhamba leyi hisiwaka leyi nga ni risuna eka Yehovha.

Levhitika 2:14

“ ‘Loko u humesela Yehovha nhlengo wa swirhangana swa mihandzu, u ta humesa min'oko leyintshwa leyi oxiweke endzilweni, yi ri min'oko leyinene leyi khumuriweke.

Levhitika 2:15

U ta yi cheleta hi mafurha, u veka ni mirhi ya risuna ehenhla ka yona: hi wona nhlengo.

Levhitika 1:9

Va ta hlantswa marhumbu ni swirho ematini, kutani muprista u ta hisa hinkwaswo ealitarini, yi va holokosta; i mhamba leyi hisiwaka, leyi nga ni risuna eka Yehovha.