Levhitika 2:1 - Xitsonga (Bibele)

¹ “ ‘Loko munhu a humesela Yehovha nhlengo wa nyiko, nhlengo wa yena wu ta va wa mapa layo saseka; u ta chela mafurha ni mirhi ya risuna ehenhla ka wona.

BIBELE Mahungu Lamanene

¹ “Loko munhu a humesela HOSI Xikwembu magandzelo ya swa le masin'wini, ú fanele ku humesa mapa lamanene, a ma chela mafurha, a ma n'wan'wasela ni murhi wa risuna.

Levhitika 2:1 Referans Kwoze

Nhlavutelo 8:3

Kutani ku ta ntsumi yin'wana yi yima ealitarini, yi tamele ximbitana xa nsuku, yi nyikiwa mirhi ya risuna leyo tala ku yi humesa ni swikhongelo swa vakwetsimi hinkwavo ealitarini ya nsuku leyi nga emahlweni ka xiluvelo.

Esaya 66:20

va ta vuyisa vamakwenu hinkwavo hi le xikarhi ka matiko hinkwawo, u ku va humesela Yehovha; va ta ta va khandziyile tihanci, ni tigolonyi, van'wana va tlakuriwa, va khandziyile ni timulwa ni tikamela, entshaveni ya mina leyo kwetsima, le Yerusalema,” ku vula Yehovha; “kukotisa loko vana va Israele va tisa nhlengo wa vona embiteni ya ku basa, endlwini ya Yehovha.

Levhitika 9:17

A humesa ni nhlengo; a nusa hi xandla xin'we, a swi hisa ealitarini ku engetela holokosta ya mixo.

Yuda 1:20

Kambe loko mi ri n'wina, varhandziwa, tiakeleni ehenhla ka ku pfumela ka n'wina loku kwetsimaka hi ku tlurisa, mi ri karhi mi khongela hi Moya lowo Kwetsima,

Tinhlayo 7:19

A humesa nhlengo wa yena, wu ri nkamba wa silivhere wa tixikele ta 130 ni nkambana wa silivhere wa tixikele ta 70, hi xikele ya vukwetsimelo; mikamba leyimbirhi yi tele hi mapa layo saseka, lama pfuviweke hi mafurha, ma va ya nyiko;

1 Yohane 2:27

Kambe loko mi ri n'wina, ku cheleriwa loku mi ku amukeleke eka yena ku tshame eka n'wina, kutani a swi mi faneri ku dyondzisiwa hi munhu, kambe hilaha ku cheleriwa kuloko ku mi dyondzisaka hinkwaswo leswi nga ntiyiso, ma nga ri mavunwa, mi ta tshama eka yena hilaha ku mi dyondziseke.

1 Yohane 2:20

Loko mi ri n'wina, mi amukerile ku cheriwa hi la kwetsimeke, kutani mi tiva hinkwaswo.

Yohane 6:35

Yesu a ku eka vona: “Hi mina vuswa bya vutomi; la taka eka mina, a nga ka a nga twi ndlala, ni la pfumelaka eka mina a nga ka a nga twi torha, ni siku ni rin'we.

Malakiya 1:11

Hikuva ku suka eku humeni ka dyambu, ku ya fika eku peleni ka rona, vito ra mina hi lerikulu exikarhi ka matiko, ni swivandleni hinkwaswo magandzelo ma ta hisiwa, ni switlhavelo swi tiseriwa vito ra mina, ma nga magandzelo lama tengeke; hikuva vito ra mina ri ri rikulu exikarhi ka matiko, ku vula Yehovha wa mavandla.

Yuwele 2:14

Ku tiva mani xana kumbe a nga ka a nga tlheri a rivalela, ni ku siya endzhaku ka yena ku kateka, ni mihlengo, ni magandzelo lama humeseriwaka Yehovha Xikwembu xa n'wina?

Tinhlayo 7:13

Nhlengo wa yena a wu ri nkamba wa silivhere; ku tika ka wona a ti ri tixikele ta 130, ni nkambana wa silivhere wa tixikele ta 70, hi xikele ya vukwetsimelo; mikamba leyimbirhi a yi tele hi mapa layo saseka lama pfuviweke hi mafurha, ma va ya nyiko;

Eksoda 29:2

“U ta teka xinkuzana, ni makhuna mambirhi lama nga riki na xivati, ni xinkwa lexi nga riki na comela; ni swinkwanyana leswi kalaka comela leswi pfuviweke hi mafurha; ni swimbundzunyana leswi kalaka comela leswi totiweke hi mafurha; u swi endla hi mapa lama hleriweke ya koro;

Yuwele 1:9

Mihlengo ni magandzelo swi susiwa endlwini ya Yehovha; vaprista lava tirhelaka Yehovha, va le nkosini.

Levhitika 5:11

“ ‘Loko a pfumala matuva mambirhi hambi mavondlo mambirhi ya magugurhwana, u ta humesela nandzu wa yena ku avanyisa ka vukhume ka efa ya mapa layo basa, yi ta va mhamba ya nandzu. A nga tshuki a chela mafurha ehenhla ka wona, hambi yi ri mirhi ya risuna, hikuva i mhamba ya nandzu.

Tinhlayo 8:8

Va ta teka nkunzi ni nhlengo wa yona, lama nga mapa layo saseka, lama pfuviweke hi mafurha, kutani u ta teka nkunzi ya gandzelo ra xidyoho.

Tinhlayo 18:9

Leswi nga ta va swa wena exikarhi ka swilo leswi hlawuriweke, ehandle ka leswi hisiwaka, hi leswi: mihlengo hinkwayo ya vona, ni tinyiko hinkwato, ni magandzelo hinkwawo ya xidyoho, ni magandzelo hinkwawo ya ku riha, lawa va ndzi rihelaka ha wona, swilo leswi hlawuriweke ngopfu swi ta va swa wena ni swa vana va wena.

Tinhlayo 28:5

ni nyiko ya vukhume bya efa ya mapa layo saseka, lama pfuviweke hi ku avanyisa ka vumune bya hini ya mafurha lamanene.

Tinhlayo 29:18

mi ta humesa ni tinyiko ni vucheleto, swi ri swa tinkunzi ni swa makhuna ni swa swinyimpfana hi ntsengo wa swona, ni nawu wa swona;

Esaya 43:23

A ku ndzi humeselangi tinyimpfu ta tiholokosta ta wena, a ku ndzi tlangelanga hi timhamba ta wena. A ndzi ku sindzisanga ku humesa mihlengo, a ndzi ku karhatelanga mirhi ya risuna.

Levhitika 6:7

Muprista u ta n'wi phahlela mhamba emahlweni ka Yehovha, kutani u ta rivaleriwa, hambi nandzu wa yena wu nga va wihi ni wihi.”

Levhitika 9:4

ni nkunzi, ni khuna ra gandzelo ra ku khensa ku swi tlhavela Yehovha, ni nhlengo lowu nga pfuviwa hi mafurha; hikuva namuntlha Yehovha u ta tikombisa eka n'wina.’ ”

Levhitika 14:10

“Hi siku ra ntlhanu na manharhu, u ta teka swinyimpfana swimbirhi leswi nga riki na xivati, ni nyimpfu ya lembe rin'we leyi nga riki na xivati, ni ku avanyisa ka vukhume loku hlayiwaka kanharhu ka efa ya mapa layo saseka, lama pfuviweke hi mafurha, wu va nhlengo, ni loga yin'we ya mafurha.

Levhitika 24:7

U ta veka ehenhla ka rixaxa rin'wana ni rin'wana murhi wa risuna, xi va xitsundzuxo ehenhla ka swinkwa, yi nga nyiko leyi hisiwaka emahlweni ka Yehovha.

Ezekiele 46:20

Kutani a ku eka mina: “Hi leyi ndhawu leyi vaprista va nga ta sweka kona nyama ya magandzelo ya milandzu ni ya swidyoho; va ta sweka timhamba kona, va nga swi humesi ehandle, erivaleni ra le handle va nga ti kwetsimisa tiko ha tona.”