Levhitika 19:19 - Xitsonga (Bibele)

¹⁹ “ ‘Mi ta hlayisa ku lerisa ka mina. U nga tshuki u hlanganisa swifuwo swa tinxaka timbirhi. U nga tshuki u byala timbewu ta tinxaka timbirhi ensin'wini ya wena. U nga tshuki u ambala nguvu leyi lukiweke hi mavoya ya tinxakaxaka.

BIBELE Mahungu Lamanene

¹⁹ “Mi fanele ku hlayisa milawu ya mina leyi: Mi nga tshuki mi tshika swifuwo swa n'wina swa tinxaka to hambana swi khandziyana; mi nga tshuki mi byala tinxaka timbirhi ta swimilana ensin'wini yin'we; naswona mi nga tshuki mi ambala swiambalo leswi lukiweke hi tinxaka timbirhi ta tingoti.

Levhitika 19:19 Referans Kwoze

2 SAMIELE 13:29

Kavaloko malandza ya Abixalomu ma endlela Aminoni hilaha Abixalomu a leriseke hakona; kutani vana va hosi hinkwavo va pfuka, va khandziya un'wana ni un'wana mula ya yena, va tsutsuma.

2 SAMIELE 18:9

Abixalomu a hlangana ni malandza ya Davhida, kambe Abixalomu a a khandziyile mula, kutani mula yi nghena emarhavini lama hlanganeke ngopfu ya nkuhlu lowukulu, kutani nhloko ya Abixalomu yi phasiwa enkuhlwini, a sala a hayekiwa exikarhi ka tilo ni misava, yona mula leyi ngi yi ri hansi ka yena, yi hundzela emahlweni.

Ezra 2:66

Kambe a va ri ni tihanci ta 736, ni timula ta 245,

1 TIHOSI 1:33

Hosi yi ku eka vona: “Fambani mi ya teka malandza ya hosi ya n'wina, mi khandziyisa Solomoni, n'wananga, emuleni ya mina, mi n'wi heleketa eGihoni.

Varhoma 11:6

Kambe loko ku ri hi tintswalo, a ka ha ri hi mitirho; hikuva loko ku ri hi mitirho, tintswalo a ti nga ha vi tintswalo.

Genesa 36:24

Vana va Sibeyoni hi lava: Aya na Ana. Hi yena Ana la nga kuma swihlovo leswo kufumela emananga, loko a ri karhi a risa timbhongolo ta Sibeyoni, tata wa yena.

Levhitika 18:4

Mi ta yingisa ku lerisa ka mina, mi landza milawu ya mina, mi famba ha yona. Hi mina Yehovha, Xikwembu xa n'wina.

Levhitika 19:37

Mi ta hlayisa milawu hinkwayo ya mina, ni ku lerisa hinkwako ka mina, mi va mi endla hakona: hi mina Yehovha.’ ”

Levhitika 20:8

Mi ta hlayisa milawu ya mina ni ku yi endla; hi mina Yehovha la mi hlawulaka.

Levhitika 22:31

“Mi ta hlayisa milawu ya mina, mi landza yona: hi mina Yehovha.

Levhitika 25:18

“ ‘Mi ta hlayisa milawu ya mina, mi yingisa ku lerisa ka mina, mi endla hakona; kutani mi ta aka etikweni, mi nga chavi nchumu.

Duteronoma 4:1

“Sweswi, Israele, yingisa milawu ni ku lerisa leswi ndzi mi dyondzisaka ku swi endla leswaku mi hanya, kutani mi ta nghena, mi va mi fuma tiko leri Yehovha, Xikwembu xa vatata wa n'wina, xi mi nyikaka rona.

Duteronoma 4:5

“Langutani, ndzi mi dyondzisile milawu ni ku lerisa, hilaha Yehovha, Xikwembu xa mina, xi ndzi leriseke hakona, leswaku mi ta tirha ha yona etikweni leri mi nghenaka eka rona ku ri fuma.

Luka 5:36

A engeta a va byela xifaniso, a ku: “A ku na munhu la nga handzulaka xitiva eka nguvu leyintshwa, a xi rhungela eka leyi hlakaleke; loko va endlisa sweswo, lexintshwa xi ta handzula lexa khale, hikuva na xona xitiva lexintshwa a xi pfumelelani ni lexi hlakaleke.