Levhitika 19:15 - Xitsonga (Bibele)

¹⁵ “ ‘Mi nga tshuki mi voyamisa ku lulama eku avanyiseni ka n'wina; u nga tshuki u ya hi nghohe ku lamulela xisiwana, ni ku languta nghohe ya nkulukumba; u ta avanyisa wa rikwenu hi ku lulama.

BIBELE Mahungu Lamanene

¹⁵ “Loko mi ri ehubyeni, mi nga tsemi timhaka hi ndlela leyi nga lulamangiki. Mi nga yi hi nghohe, mi yima na un'wana ehubyeni, a nga va xisiwana kumbe xifumi.

Levhitika 19:15 Referans Kwoze

Duteronoma 1:17

Mi nga tshuki mi avanyisa hi ku ya hi nghohe ya vanhu; mi ta yingisa lontsongo kukotisa lonkulu; mi nga tshuki mi chava vanhu, hikuva ku avanyisa ku huma eka Xikwembu; kutakuloko yin'wana mhaka yi mi tsandza, mi ta yi tisa emahlweni ka mina, ndzi ta yi yingisa.’

Swivuriso 24:23

Lawa, ma ha ri marito ya lavo tlhariha. Ku languta vanhu hi nghohe eku avanyiseni, a swi saseki.

Duteronoma 27:19

“ ‘A ku rhukaniwe la voyamisaka ku lulama ka muluveri, ni ka xisiwana, ni ka noni!’ Kutani tiko hinkwaro ri ta hlamula, ri ku: ‘Amen!’

Levhitika 19:35

“ ‘Mi nga tshuki mi endla leswi nga lulamangiki ehubyeni, hambi ku ri ku pimeni ka leswo leha, ni le ku pimeni ka leswo tika, ni le mpin'weni lowu tatiwaka.

Swivuriso 18:5

A swi saseki ku ya hi nghohe ya mudyohi, Ku kaneta la lulameke eku avanyiseni.

Duteronoma 16:19

U nga tshuki u voyamisa ku lulama; u nga tshuki u ya hi nghohe ya vanhu, kambe u nga tshuki u amukela tinyiko, hikuva nyiko yi phumerisa mahlo ya tintlhari, kambe yi onha timhaka ta lavo lulama.

Pisalema 82:2

“Mi ta avanyisa hi ku xisa ku ya fika kwihi? Mi yimela lavo biha ku yisa kwihi?

Eksoda 18:21

U hlawula exikarhi ka tiko hinkwaro vavanuna lavanene, lava chavaka Xikwembu, vavanuna lava lulameke, lava vengaka bindzu leri nga lulamangiki; u va veka tindhuna ta madzanadzana, ni ta madzana, ni ta ntlhanu na makume, ni ta makume;

Yohane 7:24

Mi nga avanyisi hi nghohe ntsena, avanyisani hi ku avanyisa loku lulameke.”

Timhaka 23:3

Kambe Pawulo a ku eka yena: “Xikwembu xi ta ku ba, khumbi leri basisiweke, hikuva u tshamele ku ndzi avanyisa hi nawu, kasi u tlula nawu hi ku lerisa leswaku ndzi biwa.”

Duteronoma 10:17

hikuva Yehovha, Xikwembu xa n'wina, Xikwembu xa swikwembu ni Hosi ya tihosi, i Xikwembu lexikulu, lexa matimba, ni lexi chavisaka, lexi nga yiki hi nghohe ya vanhu, lexi nga amukeriki tinyiko;

Ntirho 13:8

Xana mi ta languta nghohe ya xona? Kumbe mi rhandza ku tiveka vayimeri va Xikwembu xana?

Ntirho 32:21

Kambe a ndzi nga languti nghohe ya munhu, A ndzi nga heti munhu,

Ntirho 34:19

Xikwembu a xi yi hi nghohe ya tihosi, A xi languti vafuwi ku tlula swisiwana; Hikuva hinkwavo i mitirho ya mavoko ya xona.

Swivuriso 31:9

Ahlamisa nomu, u avanyisa hi ku lulama, U yingisa timhaka ta lowa khombo ni xisiwana.”