Levhitika 19:13 - Xitsonga (Bibele)

¹³ “ ‘U nga tshuki u endla wa rikwenu hi matimba, ni ku teka xilo xa yena hi matimba. U nga tshuki u khoma hakelo ya mutirhi ku fika siku ra mundzuku.

BIBELE Mahungu Lamanene

¹³ “Mi nga tshuki mi xanisa munhukuloni kumbe ku n'wi tekela swilo swa yena; naswona loko mi thorile munhu, mi nga tshuki mi tshama ni muholo wa yena ku fikela siku leri tlhandlamaka.

Levhitika 19:13 Referans Kwoze

Yakobo 5:4

Vonani, hakelo ya vatirhi lava tshoveleke masimu ya n'wina leyi va yi tsoniweke hi n'wina, ya huwelela, kutani ku huwelela ka vatshoveri ku fikile etindleveni ta Hosi ya tinyimpi.

Malakiya 3:5

Ndzi ta tshinela eka n'wina ku endla ku avanyisa, ndzi va mbhoni leyi hatlisaka eka timhaka ta vangoma ni vaoswani, ni lava hlambanyaka hi mavunwa, ni lava tekaka hakelo ya la hakeriwaka, ni ya noni, ni ya xisiwana, ni lava hambukisaka wamatiko, ni lava nga ndzi chaviki, ku vula Yehovha wa mavandla.

Yeremiya 22:13

“U ni khombo loyi a akaka yindlu ya yena hi ku homboloka, ni makamara ya yena, ku nga ri hi ku lulama; la tirhisaka warikwavo ntsena, a nga n'wi nyiki hakelo ya nyuku wa yena;

Swivuriso 20:10

Maribye mambirhi ya ku pima lama hambaneke, ni tiefa timbirhi leti hambaneke I manyala eka Yehovha.

Marka 10:19

Wa yi tiva milawu leyi nge: ‘U nga tshuki u endla vuoswi, u nga dlayi, u ngi yivi, u nga lumbeti, u nga dyi swa un'wana, u va ni xichavo eka tata wa wena ni mana wa wena.’ ”

Ezekiele 22:29

Loko va ri vanhu va tiko leri, va endla ku xanisa, va titekela hi ku yiva; va xanisa xisiwana ni vapfumari; va xanisa wamatiko ku nga ri hi mfanelo.

Yeremiya 22:3

Ku vula Yehovha, a ku: “Avanyisani hi ku lulama, mi lamulela xisiwana emavokweni ya loyi a n'wi karhataka, mi nga tshuki mi pfukela wamatiko, ni xisiwana, ni noni matimba, mi nga va endli swo biha; mi nga halati ngati leyi nga riki na nandzu exivandleni lexi.

Eksoda 22:21

“U nga tshuki u xanisa wamatiko, hikuva na n'wina a mi ri vamatiko etikweni ra Egipta.

Eksoda 22:15

Loko n'wini wa xona a a ri kona, a nga ka a nga xi rihi; loko xi lombiwile hi hakelo, u ta humesa hakelo leyi ntsena.

1 Vatesalonika 4:6

Munhu a nga tshuki a kandziyela makwavo, hambi ku ri ku n'wi dya, ni ku n'wi kanganyisa emhakeni, ni loko yi ri yin'we hikuva Hosi i murihiseri wa swilo hinkwaswo leswo tano, kukota leswi hi tshamaka hi mi byela khale hi ku vurisa loku tiyeke.

Luka 3:13

A ku eka vona: “Mi nga tshuki mi rihisa ku tlurisa leswi mi swi lerisiweke.”

Swivuriso 22:22

U nga dyeleli xisiwana hi leswi xi nga xisiwana, U nga xanisi wa nhlomulo enyangweni ya muti;

Ntirho 31:39

Loko ndzi dyile mavele ya yona ndzi nga yi xavanga, Ndzi vavisa timbilu ta vini va yona va khale;

Levhitika 6:3

kumbe loko a rholele xilo lexi lahlekeke, kutani a hlambanya hi mavunwa exilweni lexo tano, lexi dyohisaka munhu;

Eksoda 22:13

Loko xi dlayiwile hi swivandzana, u ta humesa marhambu ya xona ku tilandzula; a nga ka a nga rihi lexi dlayiweke.

Matewu 20:8

Kutani nimadyambu n'wini wa nsimu ya vhinya a ku eka mulanguteri wa yindlu ya yena: ‘Vitana varimi, u va nyika hakelo ya vona, u sungula hi lave ndzhaku ku hetelela hi lavo rhanga.’

1 Timotiya 5:18

Hikuva na rona Tsalwa ri te: “U nga tshuki u siva nomu wa homu loko yi hula.” Kambe na swona ri te: “Mutirhi u faneriwa hi hakelo ya yena.”

Eksoda 20:15

“U nga tshuki u yiva.

Eksoda 22:7

“Loko munhu a nyika warikwavo mali, kumbe swigotso ku swi hlayisa; kutani swi yiviwa endlwini ya yena; loko khamba ri kumiwa, ri ta riha kambirhi.

Ntirho 17:5

Loyi a nyiketaka vanakulobye leswaku va phangiwa, Mahlo ya vana va yena ma ta hela.

Swivuriso 3:28

U nga vuri eka warikwenu u ku: “Famba u ta vuya. Mundzuku ndzi ta ku nyika!” Kasi lexi a xi pfumalaka xi kona eka wena.

Ezekiele 18:7

munhu la nga xanisiki van'wana, la tlheriselaka munhu xitshembiso xa yena, la nga yiviki; loko a nyika vuswa bya yena eka loyi a nga ni ndlala, loko a funengeta la nga ni vusweti,

Ezekiele 22:12

Eka wena, ku amukeriwa tinyiko leswaku ku ta ta halatiwa ngati; u teka bindzu ni ku andzisa, u humesisa warikwenu mali hi ku vutla, u ri karhi u ndzi rivala, ku vula Hosi Yehovha.

Levhitika 25:14

Kungakuloko mi xavisa xilo eka warikwenu, hambiloko mi xava xilo xa warikwenu, ku nga tshuki ku va ni ku dyelelana.

Levhitika 25:17

Ku nga tshuki ku va ni un'we la dyelelaka warikwavo; kambe u chava Xikwembu xa wena; hikuva hi mina Yehovha Xikwembu xa n'wina.

Ntirho 7:2

Kukotisa khumbi loko ri navela ndzhuti, Ni mutirhi loko a langutela hakelo ya yena,