Levhitika 19:10 - Xitsonga (Bibele)

¹⁰ U nga tshuki u kha leswi seleke evhinyeni ya wena, ni ku rholela mihandzu leyi weke ensin'wini ya wena U ta swi tshikela xisiwana ni muluveri. Hi mina Yehovha, Xikwembu xa n'wina.

BIBELE Mahungu Lamanene

¹⁰ Ni loko mi tshovela vhinya ya n'wina, mi nga khayeleli mihandzu hinkwayo mi heta, naswona mi nga rholeli leyi nga wela hansi; siyani yin'wana mihandzu, mi yi siyela swisiwana ni valuveri: Hi mina HOSI, Xikwembu xa n'wina.

Levhitika 19:10 Referans Kwoze

Esaya 24:13

Hikuva emisaveni, exikarhi ka matiko, swi fana ni loko ku khiwa mihandzu ya mitlhwari, ni loko ku kunhuriwa tivhinya.

Esaya 17:6

Ku ta sala nkun'hulo tanihi loko va hlakahla mutlhwari, loko ku sala mihandzu mimbirhi, kumbe minharhu eswicapilweni, hambi mune kumbe ntlhanu emarhavini ya murhi lowu vekaka ngopfu,” ku vula Yehovha, Xikwembu xa Israele.

Levhitika 25:6

Kambe mihandzu ya misava hi lembe ra ku wisa ka yona, swi ta va swakudya swa n'wina swi ri swa wena ni swa nandza wa wena hambi a ri wanuna, hambi a ri wansati, ni swa mutirhi wa wena, ni swa muluveri wa wena, va ri lava akeke na n'wina;

Mikiya 7:1

Yo mina! Ndzi kotisa nsimu loko ku tshoveriwe mihandzu ya yona, ni nsimu ya tivhinya leyi nkun'hurisiweke; a ka ha ri na xidzumba xa vhinya lexi nga dyiwaka, ni swingana swa nkuwa leswi rhandziwaka hi moya wa mina.

Obadiya 1:5

Loko makhamba ma ta eka wena, loko vayivi va ta yiva nivusiku, u nga onherisiwa ku yini! A va nga yivi leswi va ringanaka xana? Loko vakhi va vhinya va fika eka wena, a va nga siyi swidzumbanyana evhinyeni xana?

Yeremiya 49:9

Loko ngi vatshoveri va vhinya va nghena eka wena, a va ta siya masalela xana? Loko ngi ma ri makhamba ya vusiku, ma ta onha leswi ma swi kotaka.

Vaavanyisi 8:2

Kutani a ku eka vona: “Xana ndzi endlile ntirho wihi lowu nga xaxametiwaka ni wa n'wina xana? Xana ku kunhula ka va Efrayimi a ku tluri ku tshovela ka vhinya ya Abiezere xana?

Levhitika 19:9

“ ‘Kutakuloko mi tshovela etikweni ra n'wina, u nga fiki emakun'weni ya nsimu ya wena hi ku tshovela, u nga ka u nga rholeli leswi seleke eku tshoveleni ka wena.

Levhitika 19:11

“ ‘Mi nga tshuki mi yiva. Mi nga tshuki mi hembelana, hambi ku ri ku xisana.

Levhitika 23:22

“ ‘Kutakuloko mi tshovela etikweni ra n'wina, u nga tshuki u fika endzilakaneni wa nsimu; kambe u nga rholeli leswi seleke. U swi tshikela xisiwana ni muluveri. Hi mina Yehovha Xikwembu xa n'wina.’ ”

Duteronoma 24:19

“Kutakuloko u tshovela ensin'wini ya wena, u nga ka u nga tlheli u ya teka nyandza leyi u yi rivaleke; yi ta va ya muluveri ni ya xisiwana ni ya noni, leswaku Yehovha, Xikwembu xa wena, a ku katekisa emitirhweni hinkwayo ya mavoko ya wena.

Duteronoma 24:20

Kutakuloko u hlakahla mitlhwari ya wena, u nga tshuki u lavisisa emarhavini endzhaku ka wena; swi ta va swa muluveri, ni swa xisiwana, ni swa noni.

Rhuti 2:2

Kutani Rhuti wa Mowabu a ku eka Nahumi: “Ndzi kombela ku ya emasin'wini, ndzi ta nkun'hula min'oko mi nga ri mingani, ndzi ta landza loyi ndzi nga ta kuma tintswalo emahlweni ka yena.” Kutani a n'wi hlamula, a ku: “Famba, n'wananga.”

Levhitika 11:44

Hikuva hi mina Yehovha, Xikwembu xa n'wina; mi ta tihlawula, mi va lava hlawuriweke, hikuva ndzi hlawulekile; mi nga tshuki mi yirisa miri ya n'wina hi xin'wana xa leswi kokovaka la emisaveni.

Levhitika 19:25

Hi lembe ra vuntlhanu, mi ta dya mihandzu ya yona leswaku mirhi yi tshama yi mi vekela mihandzu: hi mina Yehovha, Xikwembu xa n'wina.

Duteronoma 24:21

Kutakuloko u kha mihandzu ya vhinya ya wena, u nga tshuki u lavisisa leswi seleke endzhaku ka wena; swi ta va swa muluveri, ni swa xisiwana, ni swa noni.