Levhitika 18:21 - Xitsonga (Bibele)

²¹ “ ‘U nga tshuki u nyiketa vana va wena leswaku ku phahliwa timhamba ta Moloko ha vona. U nga tshuki u sorisa vito ra Xikwembu xa wena. Hi mina Yehovha.

BIBELE Mahungu Lamanene

²¹ “U nga tshuki u nyiketa n'wana wa wena leswaku a hiseriwa Moloko xikwembu xa Vaamoni; sweswo ku ta va ku ri ku nyamisa vito ra mina HOSI, Xikwembu xa wena.

Levhitika 18:21 Referans Kwoze

Duteronoma 12:31

U nga tshuki u endlela Yehovha, Xikwembu xa wena hi sweswo: hikuva va endlela swikwembu swa vona hinkwaswo leswi yilaka emahlweni ka Yehovha ni leswi a swi vengaka, hikuva hambi va ri vana va vona va varisanyana ni va vanhwanyana, va va hisela swikwembu swa vona endzilweni.

Levhitika 19:12

“ ‘Mi nga tshuki mi hlambanya hi vito ra mina hi ku hemba, hikuva mi ta va mi tlangile hi vito ra Xikwembu xa n'wina. Hi mina Yehovha.

Duteronoma 18:10

Ku nga tshuki ku kumiwa munhu ni un'we eka wena la nghenisaka n'wana wa yena wa wandzisanyana, kumbe wa wanhwanyana endzilweni ni la hlahluvaka, ni mungoma, ni mulorhi,

Levhitika 22:32

“Mi nga tshuki mi endla vito ra mina ro kwetsima swahava, kambe ndzi ta hlawuriwa exikarhi ka vana va Israele.

Timhaka 7:43

Kambe mi rhwarile tabernakela ya Moloko, ni nyeleti ya xikwembu xa n'wina Rhomfani, swi nga swifaniso leswi mi nga swi endla ku swi khinsamela; hikwalaho ndzi ta mi rhurhisela emahlweni ka Babilona.’

Malakiya 1:12

Kambe n'wina, ma ri onha, loko mi ku: ‘Tafula ra Yehovha ri ni thyaka, ni leswi taka eka rona i swakudya leswi solekaka.’

Yeremiya 19:5

kutani va akele Baali swivandla leswi tlakukeke ku hisa kona vana va vona endzilweni yi va holokosta ya Baali, swi nga leswi ndzi nga va lerisangiki, ndzi nga va byelangiki swona, leswi swi nga ka swi nga humi embilwini ya mina.

1 TIHOSI 11:33

Ndzi ta endla sweswo hikuva va ndzi fularhele va khinsamile emahlweni ka Astarte, xikwembu xa Vasidoni ni le mahlweni ka Kemoxi, xikwembu xa Mowabu, ni le mahlweni ka Milikomo, xikwembu xa vana Vaamoni; a va fambangi etindleleni ta mina ku endla leswi lulameke emahlweni ka mina, ni ku hlayisa milawu ya mina ni ku lerisa ka mina hilaha Davhida tata wa Solomoni, a endleke hakona.

1 TIHOSI 11:7

Kavaloko Solomoni a akela Kemoxi manyala ya Mowabu, na Moloko, manyala ya vana va Amoni, xivandla lexi tlakukeke entshaveni leyi langutanaka na Yerusalema.

Levhitika 22:2

“Byela Aroni ni vana va yena leswaku va tivonela loko va ri karhi va dya swilo leswi hlawuriweke swa vana va Israele, ni leswaku va nga tshuki va endla swahava vito ra mina leri kwetsimaka, eswilweni leswi va ndzi hlawulelaka swona: hi mina Yehovha.

Amosi 5:26

E-e, kambe a mi rhwele tende ra hosi ya n'wina, ni swifaniso swa n'wina, nyeleti ya swikwembu leswi mi tiendleleke swona.

Ezekiele 23:37

Hikuva va oswanile, ngati yi le mavokweni ya vona, va oswane ni swifaniso swa vona, na kambe vana va vona lava va va velekeke eka mina, va va hundzisele endzilweni ku va hisa.

Ezekiele 20:31

Kutani mi tisa magandzelo ya n'wina mi hisa ni vana va n'wina, mi ri karhi mi tinyamisa hi swifaniso swa n'wina hinkwaswo ku fikela ni namuntlha; kutani ndzi nga pfumela ku vutisiwa hi n'wina, yindlu ya Israele xana? Hi ku hanya ka mina, ku vula Hosi Yehovha, ndzi nga ka ndzi nga vutisiwi hi n'wina!

Yeremiya 7:31

Kambe va akile exivandleni lexi tlakukeke xa Tofete, enkoveni wa n'wana Hinomu, va hisa hi ndzilo vana va vona va xinuna ni vi xisati, swi nga leswi ndzi nga ka ndzi nga va lerisanga swona, kambe a swi humanga embilwini ya mina.

2 TIHOSI 23:10

Hosi yi nyamisa Tofete lowu nga enkoveni wa vana va Hinomu, leswaku ku nga tshuki ku va na munhu la hiselaka Moloko n'wana wa yena wa xinuna kumbe wa xisati endzilweni.

2 TIHOSI 21:6

A hisa n'wana wa yena endzilweni, a namarhela vungoma ni vuloyi, kutani a veka vangoma ni vabvumbi, a ri karhi a endla leswo biha hi ku tlurisa emahlweni ka Yehovha ku n'wi pfuka.

2 TIHOSI 16:3

kambe a famba endleleni ya tihosi ta Israele, a hisa n'wana wa yena endzilweni, a landzisa sweswo manyala ya matiko lawa Yehovha a ma hlongoleke emahlweni ka vana va Israele.

Levhitika 21:6

Va ta tihlawulela Xikwembu xa vona, hikuva va tshama va humesela Yehovha magandzelo lama hisiwaka, swi ri swakudya swa Xikwembu xa vona: va ta va lava hlawuriweke.

Varhoma 2:24

Hikuva vito ra Xikwembu ri soriwa hikwalaho ka n'wina exikarhi ka vahedeni hinkwavo, hilaha ku tsariweke hakona.

Varhoma 1:23

kutani ku kwetsima ka Xikwembu lexi nga boriki, va ku hundzule xifaniso lexi fanisaka munhu la bolaka, ni tinyanyana, ni swiharhi swa mune wa milenge, ni swikokovi.

2 TIKRONIKA 28:3

A hisa mirhi ya risuna enkoveni, wa vana va Hinomu, kutani a hisa vana va yena endzilweni, a landza manyala ya matiko lawa Yehovha a ma hlongoleke emahlweni ka vana va Israele.

Yeremiya 32:35

Va akele Baali swivandla leswi tlakukeke eriweni ra n'wana Hinomu, va ta hisela Moloko vana va vona va xinuna ni va xisati, swi nga leswi ndzi nga va byelangiki swona, kambe a swi humangi embilwini ya mina leswaku va endla manyala layo tano ku dyohisa Yuda.

Ezekiele 20:26

Ndzi va ndzi va nyamisa hi magandzelo ya vona, hilaha ingi va hisa vana hinkwavo va mativula, leswaku ndzi va endla rhumbi, va ta swi tiva leswaku hi mina Yehovha.

Mikiya 6:7

Xana Yehovha u ta tsakisiwa hi makhuna ya makume ya madzana, ni madzana ya madzana ya milambu ya mafurha? Xana ndzi ta humesa n'wana wa mina wa mativula ematshan'weni ya ku homboloka ka mina ni loyi a humeke ekhwirini ra mina hikwalaho ka xidyoho xa moya wa mina?

Levhitika 24:15

U ta byela vana va Israele, u ku eka vona: Mani na mani la rhukanaka Xikwembu xa yena, u ta rhwala ku biwa ka ku dyoha ka yena.

2 TIHOSI 17:31

Va Avha va endla Nibahazi na Tartaka, va Sefari-Vhayimi va humesela Adrameleke na Anameleke, swikwembu swa Sefari-Vhayimi vana va vona va xinuna, va va hisa hi ndzilo.

Amosi 2:7

va navela ku vona ntshuri wa misava ehenhla ka nhloko ya xisiwana kutani va gombonyokisa timhaka ta lava nga ekhombyeni; munhu ni tata wa yena va nghenela nsati a ri un'we ku sandzisa vito ra mina leri hlawuriweke,