Levhitika 17:5 - Xitsonga (Bibele)

⁵ Hi leswaku vana va Israele va tisa timhamba leti va ti tlhavaka emananga eka muprista, emahlweni ka Yehovha, enyangweni ya tabernakela ya nhlengeletano, kutani va ti humesela Yehovha, ma ri magandzelo ya ku khensa.

BIBELE Mahungu Lamanene

⁵ Mhaka hileswaku Vaisraele va fanele ku teka swifuwo swa vona leswi va swi tlhavaka emakaya, va swi yisa eka muprista enyangweni ya Ntsonga lowo Hlawuleka, va swi humesela HOSI Xikwembu kona, swi va magandzelo ya xinakulobye.

Levhitika 17:5 Referans Kwoze

Ezekiele 22:9

Ku ni vanhu lava hlevaka eka wena, leswaku ku ta ta halatiwa ngati; eka wena, va dyela etintshaveni; eka wena, va endla leswo biha.

Ezekiele 20:28

Ndzi va yise etikweni leri ingi ndzi yimise voko ra mina, ndzi ku, ndzi ta va nyika rona, kutani kona va vona switsunga hinkwaswo leswo tlakuka, ni mirhi hinkwayo leyo tlhuma; kona, va tlhava magandzelo, va humesa timhamba ta vona leti ndzi karihisaka. Kambe va hisa mirhi ya risuna, va chela kona magandzelo ya swakunwa.

2 TIKRONIKA 28:4

A tshama a humesa magandzelo ni ku hisa mirhi ya risuna etindhawini leti tlakukeke, ni le switsungeni, ni le hansi ka mirhi hinkwayo leyi hlukeke.

2 TIHOSI 17:10

Va tiyimisele swifaniso, ni swifaniso swa Axera eswitsungeni hinkwaswo leswi tlakukeke, ni le hansi ka murhi wun'wana ni wun'wana lowu hlukeke.

2 TIHOSI 16:4

A humesa magandzelo, ni ku hisa mirhi ya risuna eswitsungeni ni le swintshabyaneni, ni le hansi ka murhi wun'wana ni Wun'wana lowu hlukeke.

1 TIHOSI 14:23

Va tiakela, na vona, tindlu eswitsungeni, ti ri ni swifaniso swa Axera va endla sweswo ehenhla ka switsunga hinkwaswo leswi tlakukeke, ni le hansi ka mirhi hinkwayo leyi hlukeke.

Duteronoma 12:2

“Mi ta herisa kunene swivandla hinkwaswo leswi matiko lawa mi nga ta teka tiko ra wona, ma gandzeleke swikwembu swa wona eka swona, etintshaveni leti tlakukeke, ni le switsungeni, ni le hansi ka murhi wun'wana ni wun'wana lowu hlukeke;

Eksoda 24:5

Kutani a rhuma majaha ya vana va Israele ku endla magandzelo lama hisiwaka, ni magandzelo ya ku khensa Yehovha hi tinkunzi.

Genesa 31:54

Yakobo a tlhava xitlhavelo entshaveni, kutani a rhamba vamakwavo va ta dya vuswa, sweswo va dya, va xwa vusiku lebyi entshaveni.

Genesa 22:13

Abrahama a tlakusa mahlo, a languta, a vona khuna ri ri ndzhaku ka yena, ri phasiwile exihlahlaneni hi timhondzo; Abrahama a ya teka khuna, a ri tlhavela magandzelo ematshan'weni ya n'wanakwe.

Genesa 22:2

Kutani xi ku: “Teka n'wanaku, loyi a nga swakwe eka wena, loyi u n'wi rhandzaka, a nga Isaka, u ya etikweni ra Moriya, u n'wi tlhavela kona egandzelweni, entshaveni yin'wana leyi ndzi nga ta ku kombisa yona.”

Genesa 21:33

Kutani Abrahama a byala mikuhlu eBerexeba, a khongela kona vito ra Yehovha, Xikwembu xa mikarhi leyi nga heriki.

Levhitika 17:4

kutani a nga xi tisi enyangweni ya tabernakela ya nhlengeletano, ku xi humesela Yehovha emahlweni ka vukwetsimelo bya Yehovha, u ta vekeriwa nandzu wa ngati leyi: u halatile ngati, munhu loyi u ta susiwa exikarhi ka tiko ra yena.

Levhitika 17:6

Muprista u ta chela ngati ealitarini ya Yehovha, enyangweni ya tabernakela ya nhlengeletano, kutani u ta hisa mafurha ri va risuna eka Yehovha.

Ezekiele 43:27

Va ta hetelela masiku walawo; eka siku ra ntlhanu na manharhu, ni lama tlhandlamaka, vaprista va ta tlhava ealitarini tiholokosta ta n'wina, ni magandzelo yo khensa ya n'wina, ndzi ta tsakisa hi n'wina, ku vula Hosi Yehovha.”

Ezekiele 44:15

“Loko va ri vaprista va Valevhi, vana va Sadoki, lava hlayiseke milawu ya vukwetsimelo bya mina, loko vana va Israele va ndzi hambukele, vona va ta tshinelela emahlweni ka mina ku tirha ntirho wa mina, va ta yima emahlweni ka mina, va ndzi humesela mafurha, ni ngati, ku vula Hosi Yehovha.

1 TIHOSI 3:2

Ntsena tiko a ri gandzela eswitsungeni, hikuva a ku nga si akeriwa vito ra Yehovha yindlu ku fika masiku lawa.

1 TIHOSI 3:3

Solomoni a a rhandza Yehovha, a famba emilawini ya Davhida, tata wa yena; ntsena a a gandzela ni ku hisa mirhi ya risuna eswitsungeni.