Levhitika 16:6 - Xitsonga (Bibele)

⁶ Aroni u ta humesa nkunzi ya gandzelo ra xidyoho, a tiphahlela mhamba swin'we ni yindlu ya yena.

BIBELE Mahungu Lamanene

⁶ “Aroni ú fanele ku rhanga a humesa xinkuzana, xi va mhamba yo susa swidyoho, a tibasisa ha xona, a basisa ni va ka vona.

Levhitika 16:6 Referans Kwoze

Vaheveru 9:7

kambe loko ku ri etabernakeleni ya vumbirhi, ku nghena eka yona muprista lonkulu ntsena, a nghena kan'we hi lembe, kambe a nga ngheni loko a nga ri na ngati leyi a yi humesaka hikwalaho ka yena, ni ka ku dyoha ka tiko.

Levhitika 9:7

Muxe a ku eka Aroni: “Tshinela ekusuhi ni alitari, u humesa gandzelo ra nandzu, ni holokosta, u tiphahlela mhamba ya wena ni ya tiko; u ta humesa ni nhlengo wa tiko, u va phahlela mhamba hilaha Yehovha a leriseke hakona.”

Vaheveru 7:27

la nga faneriki hi masiku hinkwawo kukotisa vaprista lavakulu, ku rhanga a humesa magandzelo hikwalaho ka vudyoho bya yena, a tlhela a humesa ni ya vudyoho bya tiko, hikuva leswi, u swi endlile kan'we, a ri yena mhamba.

Ezekiele 43:27

Va ta hetelela masiku walawo; eka siku ra ntlhanu na manharhu, ni lama tlhandlamaka, vaprista va ta tlhava ealitarini tiholokosta ta n'wina, ni magandzelo yo khensa ya n'wina, ndzi ta tsakisa hi n'wina, ku vula Hosi Yehovha.”

Ezekiele 43:19

U ta nyika vaprista va ka Levhi va nyimba ya Sadoki lava tshinelelaka emahlweni ka mina ku ndzi tirhela, ku vula Yehovha, u ta va nyika nkuzana yi va mhamba ya xidyoho.

Ntirho 1:5

Kuteloko va hetile mikhuvo ya vona, Yobo a a va vitana ku ta va basisa, a pfuka nimixo, a tlhava magandzelo yo hisiwa lama ringanaka ntsengo wa vona hinkwavo, hikuva Yobo a a ku: “Kumbe vana va mina va dyohile; va rivele Xikwembu etimbilwini ta vona.” Yobo a a tshama a endlisa sweswo hi masiku hinkwawo.

Vaheveru 9:12

u nghenile kan'we exikwetsimisweni, ku nga ri hi ngati ya swiphongo ni ya marhole, kambe hi ngati ya yena hi xiviri; kutani u kumile ku kutsula loku nga heriki.

Levhitika 16:3

“Aroni u ta nghena evukwetsimelweni hi mukhuva wolowo: u ta teka nkunzi ya gandzelo ra xidyoho, ni khuna ra holokosta.

Levhitika 16:7

U ta teka swiphongo swimbirhi, a swi tisa emahlweni ka Yehovha, enyangweni ya tabernakela ya nhlengeletano.